რაგბი. დიდი ათი. ბოლო ტური ყველაფერს დაალაგებს

საქართველოს ჩემპიონატის რეგულარული გათამაშების დასრულებამდე ერთი ტურიღა დარჩა. ჯერ კიდევ გასარკვევია პლეი ოფის სამი მონაწილის ვინაობა. სულ უფრო დაძაბული გახდა ბრძოლა უძლიერესთა შორის დასარჩენად. ამ ყოველივეზე კი, პასუხს მხოლოდ ბოლო ტური გასცემს.

ლელო-არმაზი 7:26
ლელო: ლ - ყიასაშვილი. გ - კვირიკაშვილი
სინბინი: პერანიძე
არმაზი: 2ლ - გიგაური, კვესელაძე. 3ს, 2გ, ა - ჯინჭველაშვილი
მსაჯი: მაიკ ინგლიში (უელსი)

ამ მატჩში გამარჯვებით“ლელო“ პლეი ოფში ადგილს ინაღდებდა. „არმაზის“ მდგომარეობა კი, საგრძნობლად გართულდებოდა. მარნეულელები თამაშს უფრო მობილიზებულნი შეხვდნენ. „ლელომ“ ერთადერთი ლელო მატჩის მე-14 წუთზე გაიტანა და მას მერე მონაგარს ვეღარაფერი შემატა. შესანიშნავად გაისარჯა არმაზელთა მგეზავი რეზო ჯინჭველაშვილი, რომელმაც სამი საჯარიმო, ორი გარდასახვა და არეკნი მიითვალა (16 ქულა). ორივე გუნდის ბედი ბოლო ტურში გადაწყდება. „ლელო“ ერთ-ერთ აუტსაიდერს, „აკადემიას“ ეთამაშება. „არმაზს“ კი, ბევრად სერიოზული მეტოქე ჰყავს - გათამაშების ლიდერი „ბათუმი“.

ლოკომოტივი-ჯიქი 32:23
ლოკომოტივი: 4ლ - ხელაია, ამირანაშვილი, აფციაური, კოპაძე. 3გ - წიკლაური (2), კავთიძე. 2ს - წიკლაური.
სინბინი: წიკლაური
ჯიქი: 3ლ - ხიდეშელი, საჯაია, სუხაშვილი. 2ს - კიკნაძე. გ - სვანიძე.
მსაჯი: დენიელ ჯოუნზი (უელსი)

გორის „ჯიქს“ გამარჯვება ჰაერივით სჭირდებოდა. მარცხის გამო კი, ამჟამად საპლეიოფო ზონის მიღმაა. თამაში საინტერესო და უხვლელოიანი გამოდგა. გუნდებმა ჯამში შვიდი ლელო მიითვალეს. „ჯიქი“ ანგარიშში მხოლოდ ერთხელ, 22-ე წუთზე დაწინაურდა - 12:10. ერთხელაც, 54-ე წუთზე ანგარიშის გათანაბრება შეძლო - 20:20. საბოლოოდ მაინც რკინიგზელებმა იმძლავრეს და მეორე ადგილისთვის ბრძოლას განაგრძობენ. ბოლო ტურში „ჯიქს“ ძალების მოსინჯვა „არმიასთან“ მოუწევს, რომელსაც უმაღლესი ლიგის დატოვების რეალური საფრთხე ემუქრება.

ბათუმი-არმია 30:13
ბათუმი: 4ლ - ბუჯიაშვილი, ქოიავა, ფერსელიძე. 2ს, 2გ - ნინიძე
არმია: 2ლ - პაპუნაშვილი, ქუთათელაძე. ს - კობახიძე
მსაჯი: ტაჰლა ნჩაკაზა

მიუხედავად იმისა, რომ „ბათუმს“ პირველი ადგილი და პლეი ოფი განაღდებული აქვს, მეტოქეებს არაფერს უთმობს. „არმია“ სადღეისოდ ბოლო ადგილზეა და პირველ ლიგაში დაქვეითება რეალურად ემუქრება. არმიელებმა მასპინძლებს პირველი ტაიმი მოუგეს და 45-ე წუთამდე ანგარიშშიც წინ იყვნენ. თუმცა, საკმაოდ მძლავრად და დალაგებულად მოთამაშე „ბათუმის“ წინააღმდეგ მეტი ვერაფერი გააწყვეს. შავიზღვისპირელებმა მეორე ტაიმის დასკვნითი ნაწილი აღმავლობით ჩაატარეს, სამი ლელო გაიტანეს და მორიგი გამარჯვება მიითვალეს.

ხარები-აკადემია 18:12
ხარები: 3ლ - თეგეთაშვილი, გოგიაშვილი, ჩომახაშვილი. ს - ბუჯიაშვილი.
სინბინი: ბებიაშვილი
აკადემია: 4ს - მოძღვრიშვილი
სინბინი: ბერიკაშვილი
მსაჯი: სულხან ჩიხლაძე

რუსთავის „ხარების“ საშინაო გამარჯვება თბილისის „აკადემიასთან“ სრულიად ლოგიკური იყო. რუსთაველები მეორე ადგილისთვის იბრძვიან და საამისოდ ყველა ღონეს ხმარობენ. „ხარებმა“ მეტოქეს, რომელიც უმაღლეს ლიგაში ადგილის შენარჩუნებისთვის იბრძვის, სამი უპასუხო ლელო გაუტანეს და დამატებით საპრემიო ქულაც მიითვალეს. „აკადემიას“ გადასარჩენად ბოლო ტურში „ლელოს“ დამარცხება მართებს.

აია-ვეფხვები 12:31
აია: 2ლ - კოხოძე, ბაბუნაშვილი. გ - ბაბუნაშვილი
ვეფხვები: 5ლ - მღებრიშვილი, გაბროშვილი, მუჩიაშვილი, ბეჟუაშვილი, მექვაბიშვილი. 3გ - ბეჟუაშვილი
მსაჯი: შოთა თევზაძე

სენსაციურად დასრულდა შეხვედრა ქუთაისში. „აიამ“, რომელიც პლეი ოფში მოხვედრისთვის იბრძვის, შინ წააგო ერთ-ერთ აუტსაიდერთან, უმაღლესი ლიგის დებიუტანტ პატარძეულის „ვეფხვებთან“. თამამად შეიძლება ითქვას, რომ ამ გამარჯვებით პატარძეულელები მინიმუმ ბოლო ადგილს აღარ დაიკავებენ, ხოლო თუ ბოლოსწინა ადგილზე გავლენ, მაშინ პირველი ლიგის მეორეადგილოსანთან მოუწევთ გადათამაშებაში მონაწილეობა.

თ მ ფ წ ბ ქ(ს)
1. ბათუმი 17 15 0 2 +190 66(6)
2. ხარები 17 12 1 4 +67 56(6)
3. ლოკომოტივი 17 11 0 6 +137 54(10)
4. აია 17 8 1 8 -3 38(4)
5. არმაზი 17 7 1 9 +26 37(7)
6. ლელო 17 8 0 9 -38 36(4)
7. ჯიქი 17 6 1 10 -16 35(9)
8. ვეფხვები 17 4 2 11 -88 29(9)
9. აკადემია 17 5 2 10 -140 27(3)
10. არმია 17 5 0 12 -135 24(4)

ბოლო ტური

6 აპრილი
ვეფხვები-ხარები 15:30
ლოკომოტივი-აია 15:30
არმია-ჯიქი 15:30
არმაზი-ბათუმი 15:30
აკადემია-ლელო 15:30

ყოველდღიური სპორტული გაზეთი "ლელო"
815
მკითხველის კომენტარები / 0 /
მსგავსი ამბები
რუბრიკის სხვა სიახლეები
;