რაგბი. დიდი ათი. ბრძოლა უკეთესი პოზიციისთვის

უმაღლეს ლიგაში ინტრიგა ოთხი გუნდისთვის, ფაქტობრივად, ორი ტურით ადრე დასრულდა.

საპლეიოფო ექვსეული ცნობილია და ახლა გასარკვევი ისღა დარჩა, ვინ რომელ ადგილს დაიკავებს სატურნირო ცხრილში რეგულარული გათამაშების დასრულების შემდეგ. ხელმოცარულის ვინაობაც უკვე ცნობილია.

გათამაშების ლიდერი ქუთაისის "აია" შინ მიიღებს თბილისის "არმიას", რომელსაც უმაღლესი ლიგიდან პირდაპირ გავარდნა არ ემუქრება. თუმცა, პირველი ლიგის მეორეადგილოსანთან გადათამაშებაში მოუწევს ასპარეზობა.

"აიას" კი ამ მატჩში აუცილებლად გამარჯვება სჭირდება და თანაც, საპრემიო ქულით, რათა კიდევ უფრო განიმტკიცოს პოზიცია, რეგულარული გათამაშება პირველ ადგილზე დაასრულოს და პლეი ოფის მატჩები საკუთარ არენაზე გამართოს.


იგივე მიზანი უნდა ამოძრავებდეს თბილისის "ლოკომოტივს", რომელიც ლიდერს ერთი ქულით ჩამორჩება და სტუმრად უმაღლესი ლიგიდან უკვე გავარდნილ ქუთაისის "ბაგრატს" ეთამაშება. რკინიგზელებმა ასევე საპრემიო ქულით უნდა მოიგონ, თუ სურთ რეგულარული გათამაშება პირველ ადგილზე დაასრულონ და ის პრივილეგია მიიღონ, რაზეც ზემოთ ვწერდით. "ბაგრატი", ცხადია, სრულიად უმოტივაციოა.

მესამე ადგილის შენარჩუნებისთვის დიდი ბრძოლის გადატანა მოუწევს ქვეყნის მოქმედ ჩემპიონ გორის "ჯიქს". გორელები სტუმრად ეთამაშებიან თბილისის "ლელოს", რომელსაც ასევე აქვს თეორიული შანსი, მესამე ადგილი დაიკავოს, თუმცა, პლეი ოფის ფორმატიდან გამომდინარე, არც მეოთხე ადგილზე გასვლა იქნება ურიგო.

ვინაიდან, ორივე შემთხვევაში ნახევარფინალის შესარჩევ მატჩს შინ ითამაშებს. ამიტომ, ორივე გუნდს ხელს მხოლოდ გამარჯვება აძლევს და მატჩი უაღრესად დაძაბული და საინტერესო უნდა იყოს.

"ლელოსა" და "ჯიქის" ბრძოლაში ჩაებმება "ბათუმი", რომელიც ამჟამად მეოთხე ადგილზეა და ბოლოსწინა ტურში რუსთავის "ხარებს" უმასპინძლებს. რუსთაველებს, რომლებიც მეექვსე ადგილზე არიან, პლეი ოფის საგზური უკვე მოპოვებული აქვთ და შეუძლიათ უკეთესი ადგილის დაკავებისთვის იბრძოლონ.
კიდევ ერთი მატჩი თბილისის "აკადემიასა" და მარნეულის "არმაზს" შორის უბრალო ფორმალობაა.

XVII ტური

პარასკევი, 30 მარტი
აია-არმია 16:00
შაბათი, 31 მარტი
აკადემია-არმაზი 14:00
ბათუმი-ხარები 16:15
კვირა, 1 აპრილი
ლელო-ჯიქი 14:00
ლოკომოტივი-ბაგრატი 16:15

თ მ ფ წ ბ ქ(პ)
1. აია 16 14 0 2 +208 61(5)
2. ლოკომოტივი 16 13 0 3 +118 60(8)
3. ჯიქი 16 10 1 5 +157 53(11)
4. ბათუმი 16 10 1 5 +125 50(8)
5. ლელო 16 10 0 6 +58 46(6)
6. ხარები 16 9 1 6 +12 43(5)
7. არმაზი 16 5 10 1 -79 28(6)
8. აკადემია 16 3 0 13 -25 24(12)
9. არმია 16 3 0 13 -213 15(3)
10. ბაგრატი 16 1 0 15 -361 5(1)

ყოველდღიური სპორტული გაზეთი "ლელო"
249
მკითხველის კომენტარები / 0 /
მსგავსი ამბები
რუბრიკის სხვა სიახლეები