რაგბი. დიდი ათი. ექვსეული ცნობილია, ბაგრატი დაგვემშვიდობა

საქართველოს ჩემპიონატის უმაღლეს ლიგაში რეგულარული გათამაშების დასრულებამდე ორი ტურით ადრე საპლეიოფო ექვსეული გაირკვა.

ქუთაისის "აია", თბილისის "ლოკომოტივი", გორის "ჯიქი", "ბათუმი", თბილისის "ლელო" და რუსთავის "ხარები". დადგინდა ხელმოცარულის ვინაობაც - უმაღლეს ლიგას ქუთაისის "ბაგრატი" დატოვებს.

არმაზი-ლოკომოტივი 13:22

არმაზი: ლ - ფრუიძე. ს, ა, გ - ჯინჭველაშვილი
სინბინი: მამუჩარაშვილი

ლოკომოტივი: 4ლ - შკინინი (2), გასვიანი, ცუცქირიძე. გ - წიკლაური.
მსაჯი: თორნიკე გვირჯიშვილი

თუ გავითვალისწინებთ, რომ რკინიგზელები მომდევნო ტურში შინ აუტსაიდერ "ბაგრატს" მასპინძლობენ, უნდა ვივარაუდოთ, რომ მოწინავე დუეტში ადგილი დაბევებული აქვთ. რაც "ლოკომოტივს" საშუალებას აძლევს პირდაპირ ნახევარფინალში, ანუ შესარჩევ ფინალში იასპარეზოს. "არმაზთან" მატჩში გამორჩეული იყო ვეტერანი გიორგი შკინინი, რომელმაც ორი ლელო მიითვალა.

ბაგრატი-აია 5:45

ბაგრატი: ლ - ჩაუჩიძე.

აია: 7ლ - ტორაძე, ძნელაძე (2), წივწივაძე, მანაგაძე (2), არეშიძე. 5გ - ლოსაბერიძე.
მსაჯი: ილია საჯაია

ქუთაისში "ბაგრატმა" თანაქალაქელ "აიასთან" მარცხის შემდეგ "საგზური" პირველ ლიგაში "გაიფორმა". ბაგრატელებს 10 ქულით უსწრებს "არმია", რომელიც მას ურთიერთშეხვედრებშიც სჯობნის. "აიას" რიგებში ისევ გამორჩეული იყო შუამარბი ზურაბ ძნელაძე, რომელმაც ორი ლელო მიითვალა. ამდენივე ლელო გაიტანა ახალგაზრდა გარემარბმა თორნიკე მანაგაძემ.

ჯიქი-აკადემია 17:14

ჯიქი: 2ლ - ბიწაძე (2), 2გ, ს - ნინიძე.
სინბინი: ორაგველიძე

აკადემია: ლ - სიჭინავა. 3ს - მოძღვრიშვილი.
სინბინი: გ.ილურიძე
მსაჯი: საბა აბულაშვილი

"ჯიქი" და "აკადემია" ის გუნდებია, რომლებიც იოლად არაფერს თმობენ. თავად განსაჯეთ, "ჯიქს" 11 საპრემიო ქულა აქვს, "აკადემიას" კი - 12. თბილისურ გუნდს გამარჯვებამდე მუდამ რაღაც აკლდება. "აკადემიას" მოგება ამჯერადაც შეეძლო, მაგრამ მატჩის ბედი გორელთა გარემარბ ნიკა ბიწაძის ორმა ლელომ გადაწყვიტა.

ხარები-არმია 42:21

ხარები: 6ლ - თაბუკაშვილი, მაჭარაშვილი (2), აღაშვილი, წიკლაური, ნათელაშვილი. 6გ - ხუციშვილი.
სინბინი: ხუციშვილი, ცუხიშვილი

არმია: 3ლ - საჯარიმო, კამლაძე, ნახუცრიშვილი. 2გ - მახარაშვილი.
სინბინი: ჭავჭავაძე
მსაჯი: გია ამირხანაშვილი

"ხარებმა" საკუთარ მოედანზე "არმია" დაამარცხეს და პლეი ოფში ადგილი დაიბევეს. თუ გავითავალისწინებთ, რომ რუსთავული გუნდი უმაღლეს ლიგას წლეულს დაუბრუნდა, მიღწეული შედეგი უდავოდ წარმატებად უნდა ჩაითვალოს. მით უფრო, რომ "ხარებს" შეუძლიათ პლეი ოფში კიდევ უფრო წინ წაიწიოს.

თამაშში სულ ცხრა ლელო გავიდა. მასპინძელთა ექვსი ლელოდან ორი მესამეხაზელის, ერეკლე მაჭარაშვილის ანგარიშზეა.

ბათუმი-ლელო 32:29

ბათუმი: 4ლ - ფუტკარაძე, ერისთავი, კორტავა, ტრაპაიძე. 4ს - ურჯუკაშვილი (3), ხმალაძე
სინბინი: ბოთა, ურჯუკაშვილი
გაძევება: ბოთა

ლელო: 4ლ - ხეცოიძე, კვირიკაშვილი, ბუბუტეიშვილი, ლორთქიფანიძე. 3გ, ს - ყიასაშვილი
მსაჯი: სულხან ჩიხლაძე

ტურის ცენტრალური მატჩი ბათუმში გაიმართა, სადაც ადგილობრივმა გუნდმა თბილისის "ლელოს" დაძაბულ ბრძოლაში სძლია. აღსანიშნავია, რომ მასპინძლები საკმაოდ დიდი დროის განმავლობაში ფლობდნენ უპირატესობას და 69-ე წუთამდე 32:8 იგებდნენ.

მას შემდეგ, რაც ბათუმელთა სამხრეთაფრიკელ გარემარბს, ბერნარდო ბოთას არბიტრმა მეორე ყვითელი ბარათი უჩვენა და მოედნიდან გააძევა უპირატესობა ხელთ ლელოელებმა იგდეს. ბოლო ათი წუთის განმავლობაში სტუმრებმა სამი ლელოს გატანა შეძლეს და ანგარიშში სხვაობა სამ ქულამდე შეამცირეს. ეს კი მხოლოდ საპრემიო ქულის ასაღებად იყო საკმარისი.

თ მ ფ წ ბ ქ(პ)
1. აია 16 14 0 2 +208 61(5)
2. ლოკომოტივი 16 13 0 3 +118 60(8)
3. ჯიქი 16 10 1 5 +157 53(11)
4. ბათუმი 16 10 1 5 +125 50(8)
5. ლელო 16 10 0 6 +58 46(6)
6. ხარები 16 9 1 6 +12 43(5)
7. არმაზი 16 5 1 10 -79 28(6)
8. აკადემია 16 3 0 13 -225 24(12)
9. არმია 16 3 0 13 -213 15(3)
10. ბაგრატი 16 1 0 15 -361 5(1)

XVII ტური

30 მარტი
აია-არმია

31 მარტი
აკადემია-არმაზი
ბათუმი-ხარები

1 აპრილი
ლოკომოტივი-ბაგრატი
ლელო-ჯიქი

ყოველდღიური სპორტული გაზეთი "ლელო"
174
მკითხველის კომენტარები / 0 /
მსგავსი ამბები
რუბრიკის სხვა სიახლეები