რაგბი. დიდი ათი: კვინტეტი იოლად იგებს, ბოთა ქუთაისში

საქართველოს ჩემპიონატი "ავჭალის სარაგბო სტადიონზე" თბილისის "ლოკომოტივისა" და რუსთავის "ხარების" დაპირისპირებით .

სტუმრებმა მეტოქე გვარიანად ანერვიულეს. რკინიგზელებმა პირველი ტაიმი 12:10 მოიგეს, მაგრამ მერე 72-ე წუთამდე "ხარები" 15:12 იგებდა. "ლოკომოტივმა" მეტოქე დასკვნით რვა წუთში გატეხა.

მასპინძლებმა რუსთაველებს სამი უპასუხო ლელო გაუტანეს და საპრემიო ქულასაც გამოკრეს ხელი. ბოლო, მეხუთე ლელო "ხარებს" მისმა აღზრდილმა დავით გულიტაშვილმა გაუტანა, რომელიც ახლა რკინიგზელთა ღირსებას იცავს.

ლოკომოტივი-ხარები 33:15

ლოკომოტივი: 5 ლ - ჩიქვინიძე, ქვათაძე, გედეხაური, ამირანაშვილი, გულიტაშვილი. 4 გ - წიკლაური.
სინბინი: ჩიღვინიძე

ხარები: 2 ლ - ქვლივიძე, აღაშვილი. გ, ს - ბასილაია.
სინბინი: გოგოლაძე, აქუბარდია

"არმიის" პრობლემების შესახებ ყველასთვის კარგადაა ცნობილი. როგორც ჩანს, სეზონის განახლების წინ განვითარებულმა მოვლენებმა მაინც იქონიეს გავლენა გუნდის მზადყოფნაზე. "ლელოსთან" მატჩში პირველი ტაიმის დასრულებამდე ორი წუთით ადრე უკვე 0:36 აგებდა. ლელოელებს ხუთ ლელოზე არმიელებმა ერთი ლელოთი ტაიმის მიწურულს უპასუხეს.

შესვენების შემდეგ "ლელომ" ტემპს უკლო იმდენად, რომ მონაგარისთვის აღარაფერი შეუძენია. "არმიამ" კი კიდევ ორი ლელო გაიტანა და მეტოქეს საპრემიო ქულა არ დაანება. მატჩში ორი ლელო "ლელოს" გარემარბის აკაკი ტაბიცაძის ანგარიშზეა.
აია-აკადემია 22:9

აია: 3 ლ - ძნელაძე, ერემეიშვილი (2). 2 გ, ს - ბაბუნაშვილი
აკადემია: 3 ს - მოძღვრიშვილი
სინბინი: ლუარსაბიშვილი

არმია-ლელო 21:36

არმია: 3 ლ - მასხარაშვილი, ცირეკიძე, ჭინჭარაული. 3 გ - მახარაშვილი.
სინბინი: აფციაური

ლელო: 5ლ - თოდუა, ტაბუცაძე (2), კვირიკაშვილი, საღინაძე. 4ს,გ - ყიასაშვილი.
სინბინი: ბერიაშვილი, დუგლაძე

"აკადემია" ორმა წამყვანმა მორაგბემ დატოვა, რაც გუნდს დროთა განმავლობაში საგრძნობლად დაეტყობა. "აიასთან" მატჩის პირველი ტაიმი კი ამ გუნდმა შესანიშნავად წარმართა და ყველასთვის მოულოდნელად შესვენებაზე ექვსქულიანი უპირატესობით წავიდა - 9:3.

მეორე ტაიმში "აიამ" ტემპს უმატა. თუმცა, გადამწყვეტი, მაინც ბოლო 20 წუთი გამოდგა, რომლის დროსაც მასპინძლებმა თავისი უპირატესობის ლელოებში გარდასახვა შეძლეს. მათ მეტოქეს სამი ლელო გაუტანეს და საპრემიო ქულაც მიიღეს. ორი ლელო შეცვლაზე შესული მორკინალის საბა ერემეიშვილის ანგარიშზეა.

ევროპამოვლილი "ბათუმი" მე-11 ტურში ქუთაისს ესტუმრა და გათამაშების აუტსაიდერ "ბაგრატს" 26:10 მოუგო. ბათუმელთა რიგებში ლეგიონერი, სამხრეთაფრიკელი გარემარბი ბერნანდო ბოთა გამოჩნდა.

მასპინძლებმა ჩემპიონობისთვის მებრძოლ გუნდს სათანადო წინააღმდეგობა მხოლოდ პირველ ტაიმში გაუწიეს - 3:7. შესვენების შემდეგ ბათუმელები ნელ-ნელა ზრდიდნენ ანგარიშში სხვაობას და 72-ე წუთისთვის უკვე 26:3 იგებდნენ.

"ბარატმა" ხელი ამის შემდეგღა გამოიღო. სტუმრებს ლელოც გაუტანა, მაგრამ ამით საპრემიო ქულა ვერ დააკარგვინა.

ბაგრატი-ბათუმი 10:26

ბაგრატი: ლ, ს, გ, - ოდიშარია
სინბინი: ბალანჩივაძე

ბათუმი: 4 ლ - ფუტკარაძე, ხმალაძე, მამრიკიშვილი, ტრაპაიძე. 3 გ - ჯაბნიძე, კირინი (2).
სინბინი: გოგიტიძე

ქვეყნის ჩემპიონმა გორის "ჯიქმა" თითქმის უპრობლემოდ მოუგო მარნეულის "არმაზს" - 31:5. გორელებმა პირველ ტაიმში კარგად დალაგებული, სწორი ტაქტიკური მონახაზით ითამაშეს და ტაიმი მშრალი ანგარიშით 24:0 მოიგეს. შესვენების შემდეგ თამაში, თითქოს, გათანაბრდა. მეტოქეებმა თითო ლელო გაცვალეს. გამარჯვებულ გუნდში გამორჩეული მგეზავი მამუკა ნინიძე იყო, რომელმაც ერთი ლელო, ოთხი გარდასახვა და ერთი საჯარიმო გაიტანა (16 ქულა).

არმაზი-ჯიქი 5:31

არმაზი: ლ - კვესელაძე
სინბინი: სპანდერაშვილი, ხარაიშვილი
ჯიქი: 4 ლ - ბიწაძე (2), კიკნაძე, ნინიძე. 4გ, ს - ნინიძე.

თ მ ფ წ ბ ქ(პ)
1. აია 11 10 0 1 +160 43(3)
2. ლოკომოტივი 11 9 0 2 +114 42(6)
3. ლელო 11 9 0 2 +111 40(4)
4. ჯიქი 11 6 1 4 +52 33(7)
5. ბათუმი 11 6 1 4 +103 33(7)
6. ხარები 11 5 1 5 -52 23(1)
7. აკადემია 11 3 0 8 -4 20(8)
8. არმაზი 11 2 1 8 -59 15(5)
9. არმია 11 2 0 9 -155 9(1)
10. ბაგრატი 11 1 0 10 -244 5(1)

XII ტური

2 თებერვალი
აკადემია-ლოკომოტივი

3 თებერვალი
ლელო-აია
ხარები-არმაზი

4 თებერვალი
ჯიქი-ბაგრატი
ბათუმი-არმია
ბესიკ ჯანგავაძე

ყოველდღიური სპორტული გაზეთი "ლელო"
501
მკითხველის კომენტარები / 0 /
მსგავსი ამბები
რუბრიკის სხვა სიახლეები