რაგბი. დიდი ათი. ლიდერები შანსს ხელიდან არ უშვებენ

საქართველოს ჩემპიონატი ნოემბრის ტესტების შემდეგ მე-9 ტურის მატჩებით განახლდა. იძულებით უქმობას გუნდების ძალთა თანაფარდობაში ბევრი არაფერი შეუცვლია. ლიდერებმა მოსაგები მოიგეს.

ბათუმი-არმაზი 20:15
ბათუმი: ლ - ურჯუკაშვილი. 5ს - ნინიძე.
სინბინი: გოგისვანიძე, მიმინოშვილი
არმაზი: 5ს - ჯინჭველაშვილი
სინბინი: მურუსიძე
მსაჯი: თორნიკე გვირჯიშვილი

ტურის ცენტრალური მატჩი ბათუმში გაიმართა, სადაც გათამაშების ერთპიროვნულმა ლდერმა "ბათუმმა" მარნეულის "არმაზს" უმასპინძლა. ეს უკანასკნელი წლეულს შესანიშნავად ასპარეზობს და მისი პროგრესი თვალშისაცემია. მიუხედავად ამისა, ბათუმელმა მორაგბეებმა მაინც იმძლავრეს და მეტოქესთან უპირატესობას ბექა ურჯუკაშვილის ლელოს წყალობით მიაღწიეს - 20:15.

აია-ლოკომოტივი 14:28
აია: 2ლ - დანგაძე, ლომიძე. 2გ - აბჟანდაძე.
სინბინი: სალდაძე
ლოკომოტივი: 4ლ - კოპაძე (2), მაისურაძე (2). 4გ - წიკლაური.
სინბინი: გაგოშვილი
მსაჯი: ნიკა ამაშუკელი

ქუთაისის "აიასა" და თბილისის "ლოკომოტივის" დაპირისპირება ქართულ რაგბიში მუდამ მოვლენაა. ორი უმდიდრესი ტრადიციების მქონე გუნდების მატჩი ქომაგთა დიდ ინტერესს იწვევს. ამჯერად, შეხვედრა ქუთაისში გაიმართა და რკინიგზელთა გამარჯვებით დასრულდა. "ლოკომოტივმა" მეტოქეს ოთხი ლელო გაუტანა, რაზეც პასუხად მხოლოდ ორი მიიღო. "აიამ" მეოთხედ წააგო, რაც კარგად აღებული სტარტის შემდეგ სერიოზულად დაფიქრების საბაბს იძლევა.

ჯიქი-არმია 11:6
ჯიქი: ლ - გოგოლიძე. 2ს - ფურცხვანიძე.
სინბინი: სუხაშვილი
არმია: 2ს - ნიკოლავა
სინბინი: გელაშვილი
მსაჯი: შოთა თევზაძე

გორში "ჯიქმა" აუტსაიდერ "არმიას" მოუგო და საპლეიოფო ზონას მიუახლოვდა. აღსანიშნავია, რომ გორული გუნდი მისმა ფრანგმა მწვრთნელმა დატოვა. გუნდის თავკაცი ახლა გოჩა კვაჭანტირაძეა. კიდევ ერთმა მწვრთნელმა, ყოფილმა "ბორჯღალოსანმა" სამწვრთნელო პულტიდან მოთამაშეებში გადაინაცვლა. ის მეორე ხაზში მატჩის 63-ე წუთზე გამოჩნდა. ამ პერიოდისთვის "ჯიქი" 11:6 იგებდა და მატჩის დამთავრებამდე ანგარიში აღარ შეცვლილა.

ლელო-აკადემია 3:5
ლელო: ს - კვირიკაშვილი
სინბინი: ყიასაშვილი, დუგლაძე
აკადემია: ლ - ს. ილურიძე
სინბინი: ა. ილურიძე, გვარამია
მსაჯი: სულხან ჩიხლაძე

უჩვეულო ანგარიშით დასრულდა თბილისური კლუბების "ლელოსა" და "აკადემიას" დაპირისპირება. ანგარიში მატჩში 67-ე წუთზე გაიხსნა. საჯარიმო მერაბ კვირიკაშვილმა გაიტანა და "ლელო" დააწინაურა. მატჩისადმი განკუთვნილი დრო ამოწურული იყო. "აკადემიამ" ბოლო წუთებში შეტევაში გაატარა და ლამის 88-ე წუთზე შუამარბმა საბა ილურიძემ გამარჯვების მომტანი ლელო გაიტანა - 5:3. "აკადემიას" შანსი გაუჩნდა, პლეი ოფში მოხვედრისთვის იბრძოლოს.

ხარები-ვეფხვები 19:12
ხარები: 3ლ - საჯარიმო, ქავთარაძე, ხაბეიშვილი. გ - ბუჯიაშვილი.
სინბინი: ხაბაშვილი, კევლიშვილი
გაძევება: კოშაძე
ვეფხვები: 2ლ - ჟღენტი, ბროძელი. გ - ბროძელი
სინბინი: გიორგაძე, შაქარაშვილი, ლეგაშვილი
მსაჯი: საბა აბულაშვილი

რუსთავში, ლიდერებში მყოფმა "ხარებმა" ჩემპიონატის დებიუტანტს, პატარძეულის "ვეფხვებს" უმასპინძლა და 19:12 დაამარცხა. სტუმრებმა წლეულს შესანიშნავად მოთამაშე მეტოქეს მედგარი წინააღმდეგობა პირველ ტაიმში გაუწიეს და მხოლოდ ერთი ლელო გაატანინეს. შესვენების შემდეგ "ხარებმა" იმძლავრეს, კიდევ ორი ლელო გაიტანეს და 61-ე წუთამდე 19:0 იგებდნენ.

მატჩის ბოლო 20-წუთიანი მონაკვეთი "ვეფხვების" აქტივშია, მათ ორი ლელოს გატანა და ერთი სანუგეშო ქულის აღება შეძლეს. აღსანიშნავია, რომ ბოლო 12 წუთი "ხარები" კაცნაკლულნი თამაშობდნენ, რადგან არბიტრმა შუამარბად მოთამაშე გიორგი კოშაძეს წითელი ბარათი უჩვენა.

თ მ ფ წ ბ ქ(ს)
1. ბათუმი 9 8 0 1 +113 36(4)
2. ლოკომოტივი 9 7 0 2 +84 32(4)
3. ხარები 9 6 0 3 +46 28(4)
4. არმაზი 9 5 0 4 +99 27(7)
5. ლელო 9 5 0 4 +21 23(3)
6. აია 9 5 0 4 +4 22(2)
7. ჯიქი 9 3 0 6 -37 17(5)
8. აკადემია 9 3 1 5 -93 16(2)
9. ვეფხვები 9 1 1 7 -102 10(4)
10. არმია 9 1 0 8 -135 7(3)

X ტური

7 დეკემბერი
ჯიქი-არმზი

8 დეკემბერი
აია-არმია

9 დეკემბერი
ბათუმია-აკადემია
ლელო-ხარები

23 დეკემბერი
ლოკომოტივი-ვეფხვები

ყოველდღიური სპორტული გაზეთი "ლელო"
206
მკითხველის კომენტარები / 0 /
მსგავსი ამბები
რუბრიკის სხვა სიახლეები