[VIDEO] კალანდაძის ლელო - დრიბლინგი, რომელიც მარადონასაც შეშურდებოდა

საქართველოს ჩემპიონატის მე-12 ტურში ლიდერთა სამეულმა მორიგი გამარჯვება მიითვალა. სენსაცია კი, ქუთაისში გამოცხვა, სადაც „აიამ“ თბილისის „აკადემიასთან“ წააგო.

ჯიქი-ხარები 22:23
ჯიქი: 3ლ - კალანდაძე, ტრაპაიძე, თ. კიკნაძე. 2გ - კალანდაძე, ჭიჭინაძე. ს - კალანდაძე.
სინბინი: სუხაშვილი, სვანიძე
ხარები: 2ლ - ქვლივიძე, გოგიაშვილი. 3ს, 2გ - ბუჯიაშვილი.
მსაჯი: საბა აბულაშვილი

ეს მატჩი ყველაზე დაძაბული გამოდგა. გორის „ჯიქს“ მეორე ტაიმში დრო არ ეყო, შეხვედრა სათავისოდ დაესრულებინა. პირველი ნახევარი კი, რუსთაველებმა 23:10 მოიგეს. შესვენების შემდეგ, „ხარებს“ მონაგრისთვის აღარაფერი მიუმატებიათ. „ჯიქი“ ყველანაირად ცდლილობდა მატჩის გადარჩენას. 75-ე წუთზე ანგარიში თორნიკე კიკნაძემ ლელოთი მინიმუმამდე შეამცირა. თეიმურაზ ჭიჭინაძეს კი, გარდასახვა გაუცუდდა და ანგარიშში დაწინაურების შანსი გაუშვა ხელიდან. დარჩენილ ხუთ წუთში „ხარებმა“ სასურველი ანგარიშის შენარჩუნება შეძლეს - 23:22.

ბათუმი-ლელო 21:11
ბათუმი: 7ს - ნინიძე
სინბინი: თედორაძე
ლელო: ლ - ტაბუცაძე. 2ს - კვირიკაშვილი
მსაჯი: თორნიკე გვირჯიშვილი

გათამაშების ლიდერმა „ბათუმმა“ დაამტკიცა, რომ რაციონალურ, შედეგზე გათვლილ თამაშს წარმატება აუცილებლად მოაქვს. „ლელოსთან“ მატჩში ზღვისპირელთა ფულბეკმა მამუკა ნინიძემ შვიდი საჯარიმო გაიტანა და მისმა გუნდმა 21:11 მოიგო. სხვა საკითხია, რატომ დაჯარიმდა ამდენჯერ ბათუმელთა მეტოქე, რომელსაც პრეტენზია აქვს, რომ პლეი ოფში ითამაშოს და მედლებისთვის იბრძოლოს.

ლოკომოტივი-არმაზი 26:3
ლოკომოტივი: 4ლ - საჯარიმო, ძნელაძე, კოპაძე, წიკლაური. 2გ - წიკლაური.
არმაზი: ს - ჯინჭველაშვილი
სინბინი: გულბათაშვილი, ჭუნიაშვილი
მსაჯი: სულხან ჩიხლაძე

თბილისის „ლოკომოტივმა“, რომელიც კვალში უდგას ლიდერს ერთი შეხედვით, იოლად სძლია მარნეულის „არმაზს“. არადა, პირველი ტაიმის მიხედვით ამას ვერაფრით ვიტყვით. ანგარიში არმაზელებმა საჯარიმოთი მე-16 წუთზე გახსნეს და რკინიგზელებმა ამაზე ერთ წუთში ლელოთი უპასუხეს. პირველი ნახევარი „ლოკომოტივმა“ 5:3 მოიგო. შესვენების შემდეგ არმაზელებმა მონაგარს ვეღარაფერი შემატეს. რკინიგზელებმა კი, სამი ლელო მიითვალეს და საპრემიო ქულაც დაიმსახურეს.

აია-აკადემია 3:13
აია: ს - გობეჯიშვილი
სინბინი: მანაგაძე
აკადემია: ლ - ილურიძე. 2ს,გ - მოძღვრიშვილი
მსაჯი: ნიკა ამაშუკელი

„აია“ შინ სენსაციურად დამარცხდა. საგულისხმოა, რომ ასე დაბალშედეგიანი მატჩი ქუთაისელებს დიდი ხანია, რაც არ უთამაშიათ. მხოლოდ სამი ქულის მოპოვება საშინაო შეხვედრაში უფრო სერიოზულ დაფიქრებად ღირს. აკადემიელებმა კი, როგორც სჩვევიათ, თავდადებით იბრძოლეს და პლეი ოფში მოხვედრის თეორიული შანსი გაუჩნდათ.

ვეფხვები-არმია 20:23
ვეფხვები: 2ლ - ჟღენტი (2). 2ს, 2გ - გურგენიძე
სინბინი: შალიკაშვილი, კოტორაშვილი
არმია: ლ, 6ს - კობახიძე
სინბინი: ცაბაძე, ქუთათელაძე
მსაჯი: შოთა თევზაძე

დრამატულად წარიმართა შეხვედრა აუსტაიდერთა შორის. ნინიძის მიღწევა თითქმის გაიმეორა „არმიის“ ფულბეკმა ბახვა კობახიძემ. მან ექვსი საჯარიმო გაიტანა. აქედან ერთი - მატჩის ბოლო წამებზე, როცა ანგარიში 20:20 იყო. მის აქტივშია ასევე ერთი გატანილი ლელო. ერთი სიტყვით კობახიძემ არმიელებს 23 ქულა მოუტანა.

„არმია“ პატარძეულის „ვეფხვებს“ 66-ე წუთამდე 20:6 უგებდა, მაგრამ მასპინძელთა მესამეხაზელმა გიორგი ჟღენტმა ორი ლელო მიითვალა და თამაშის დასრულებამდე ორი წუთით ადრე ანგარიში საყაიმო გახდა - 20:20. როგორც უკვე ვთქვით, ბოლო წუთზე სტუმრებს გამარჯვება კობახიძემ საჯარიმოთი მოუტანა - 23:20.

თ მ ფ წ ბ ქ(ს)
1. ბათუმი 12 10 0 2 +126 45(5)
2. ლოკომოტივი 12 9 0 3 +113 42(6)
3. ხარები 12 9 0 3 +59 40(4)
4. აია 12 7 0 5 +17 30(2)
5. არმაზი 12 5 1 6 +62 29(7)
6. ლელო 12 6 0 6 +10 28(4)
7. ჯიქი 12 4 1 7 -12 25(7)
8. აკადემია 12 4 1 7 -117 20(2)
9. ვეფხვები 12 2 1 9 -98 16(6)
10. არმია 12 2 0 10 -160 11(3)

დიდი ათი. XIII ტური

8 თებერვალი
ლელი-ჯიქი 16:00

9 თებერვალი
ვეფხვები-ბათუმი 13:00
ხარები-აია 13:00

10 თებერვალი
აკადემია-ლოკომოტივი 14:00
არმაზი-არმია 16:00

ყოველდღიური სპორტული გაზეთი "ლელო"
1287
მკითხველის კომენტარები / 0 /
მსგავსი ამბები
რუბრიკის სხვა სიახლეები
;