რაგბი. დიდი ათი. სენსაცია ლელო არენაზე

საქართველოს ჩემპიონატის მე-15 ტურის შემდეგ ლიდერთა შორის არაფერი შეცვლილა. ორი გუნდი, ქუთაისის "აია" და თბილისის "ლოკომოტივი" წინ დამაჯერებლად მიიწევენ.

ტურის სენსაცია კი, გათამაშების ერთ-ერთი ფავორიტის, თბილისის "ლელოს" საშინაო მარცხია რუსთავის "ხარებთან".

ლელო-ხარები 17:47

ლელო: 3ლ - საღინაძე, დარძულიძე, მამუკაშვილი. გ - ყიასაშვილი.
სინბინი: ბუბუტეიშვილი

ხარები: 7ლ - ქანდაურაშვილი (2), თაბუკაშვილი (2), მისრიაშვილი, მაჭარაშვილი, ნათელაშვილი. 6გ - ხუციშვილი

ამ მატჩის მსგავსი სცენარით წარმართვას არავინ ელოდა. თამაში უხვლელოიანი გამოდგა. გახსენებაც კი შეუძლებელია, "ლელომ" ბოლოს როდის გაუშვა ერთბაშად შვიდი ლელო.

"ხარებმა" შესანიშნავად ითამაშეს. უკანახაზელებმა დავით თაბუკაშვილმა და გურამ ქანდაურაშვილმა ორ-ორი ლელო მიითვალეს. "ლელოს" საგრძნობლად დაეტყო მერაბ კვირიკაშვილისა და ალექსანდრე თოდუას არყოფნა.

არმია-ბაგრატი 26:17

არმია: 3ლ - კალანდაძე, მესხი, მერკვილიშვილი. 3ს, გ - კალანდაძე.
სინბინი: ქარუხნიშვილი

ბაგრატი: ლ - გოშაძე. 4ს - ოდიშარია

"არმიამ" უმნიშვნელოვანესი გამარჯვება მოიპოვა უშუალო კონკურენტთან ბრძოლაში და ახლა მას ათი ქულით უსწრებს.

ლოკომოტივი-ჯიქი 12:11

ლოკომოტივი: 2ლ - ბეგაძე, შკინინი. გ - ხარაზიშვილი

ჯიქი: ლ - დევსურაშვილი. 2ს - ნინიძე
სინბინი: ტრაპაიძე

ჩემპიონმა მეტოქეს I ტაიმში აჯობა და 11:0 დაწინაურდა. შესვენების შემდეგ, რკინიგზელებმა ძალების მობილიზება შეძლეს. მეტოქეზე ერთი ქულით მეტის მოგროვება მოახერხეს და მესამე ადგილზე მყოფ "ჯიქს" ახლა სატურნირო ცხრილში 6 ქულით უსწრებენ.

აკადემია-ბათუმი 0:3

აკადემია: სინბინი - ბეგაძე, ბურდული

ბათუმი: ს - კირინი

სინბინი: გოგიტიძე

ეს შეხვედრა რაგბისთვის უჩვეულო ანგარიშით დასრულდა. ერთადერთი საჯარიმო მატჩის მე-10 წუთზე ვიტალი კირინმა გაიტანა. აქედან მოყოლებული მატჩის ბოლომდე მორაგბეებს ძლიერი ქარი ისე უშლიდა ხელს, რომ საჯარიმოს კარში დარტყმას აზრი არ ჰქონდა.

აია-არმაზი 7:3

აია: ლ - ძნელაძე. გ - ძაგნიძე
სინბინი: ჯინჭარაძე

არმაზი: ს - ფრუიძე.
სინბინი: გუგეშაშვილი, გიგოლაშვილი

გათამაშების ლიდერს გამარჯვების მისაღწევად დიდი ბრძოლა გადახდა. მასპინძლებმა ანგარიში ზურაბ ძნელაძის ლელოთი მე-11 წუთზე გახსნეს და ქომაგი უფრო მეტის მოლოდინში იყო.

არმაზელების სასახელოდ უნდა ითქვას, რომ მათ მეტოქის იერიშების მოგერიება შეძლეს. 53-ე წუთზე ანგარიშში სხვაობა საჯარიმოთი შეამცირეს და მატჩის მოგებაც შეეძლოთ, მაგრამ...

თ მ ფ წ ბ ქ(პ)
1. აია 15 13 0 2 +168 56(4)
2. ლოკომოტივი 15 12 0 3 +109 55(7)
3. ჯიქი 15 9 1 5 +154 49(11)
4. ბათუმი 15 9 1 5 +122 46(8)
5. ლელო 15 10 0 5 +61 45(5)
6. ხარები 15 8 1 6 +9 38(4)
7. არმაზი 15 5 1 9 -70 28(6)
8. აკადემია 15 3 0 12 -22 23(11)
9. არმია 15 3 0 12 -192 15(3)
10. ბაგრატი 15 1 0 14 -321 5(1)

XVI ტური.

23 მარტი
არმაზი-ლოკომოტივი

24 მარტი
ჯიქი-აკადემია
ბაგრატი-აია

25 მარტი
ხარები-არმია
ბათუმი-ლელო

ყოველდღიური სპორტული გაზეთი "ლელო"
1330
მკითხველის კომენტარები / 0 /
მსგავსი ამბები
რუბრიკის სხვა სიახლეები
;