რაგბი.დიდი ათი სტუმრების დომინაციით განახლდა [მიმოხილვა]

საქართველოს ჩემპიონატი მე-11 ტურის შეხვედრებით განახლდა. ხუთი მატჩიდან მასპინძლებმა მხოლოდ ერთში გაიმარჯვეს და იმაშიც გათამაშების ლიდერი, „ბათუმი“ დამარცხდა. პლეი ოფში თამაშისთვის ბრძოლას კი რეალურად შვიდი გუნდი განაგრძობს.

არმია-ლოკომოტივი 9:28
არმია: 3ს - კობახიძე
სინბინი: გოგლიძე, ნიკოლავა
გაძევება: ზვიადაური
ლოკომოტივი: 4ლ - ძნელაძე, ი. ქვათაძე, გოგოლაშვილი, მაისურაძე. 4გ - წიკლაური
სინბინი: კოპაძე
გაძევება: გედეხაური
მსაჯი: ონისე მოგელაშვილი

ქვეყნის ჩემპიონსა და გათამაშების აუტსაიდერს შორის ბრძოლა დაძაბული გამოდგა. მატჩის არბიტრმა სამ მორაგბეს ყვითელი ბარათი უჩვენა, ორს კი, წითელი. არადა, პირველი ტაიმის მსვლელობა მსგავს არაფერს გაფიქრებინებდა კაცს. რკინიგზელებმა სამი ლელო გაიტანეს. რაზეც არმიელებმა მხოლოდ ერთით უპასუხეს და ტაიმი 21:3 დასრულდა. თუმცა, იქამდე არბიტრი იძულებული გახდა გუნდების თითო მოთამაშე წითელი ბარათით გაეძევებინა.

ხარები-ბათუმი 13:8
ხარები: ლ - საჯარიმო. ს - ბუჯიაშვილი. ა - ბასილაია.
ბათუმი: ლ, ს - ნინიძე.
სინბინი: თუთბერიძე, ქოიავა.
მსაჯი: შოთა თევზაძე

„ხარებისა“ და „ბათუმის“ დაპირისპირება ტურის ცენტრალური მატჩი იყო. რუსთაველმა მორაგბეებმა შესაშური ბრძოლისუნარიანობა გამოავლინეს. მეტოქეს პირველი ტაიმი მშრალად 10:0 მოუგეს და ანგარიშში დაწინაურების საშუალება, არც მატჩის მეორე ნახევარში მისცეს. „ბათუმს“ მიმდინარე გათამაშებაში ორი მარცხი აქვს და ორივე რუსთავის „ხარებისგან“ იწვნია.

ვეფხვები-ლელო 16:22
ვეფხვები: 2ლ - შალიკაშვილი, მუჩიაშვილი. 2ს - გურგენიძე.
სინბინი: მღებრიშვილი
ლელო: 3ლ - მამუკაშვილი, ტაბუცაძე, ყიასაშვილი. 2გ, ს - კვირიკაშვილი
მსაჯი: ნიკა ამაშუკელი

„ლელოს“ გათამაშების დებიუტანტის დამარცხება ძალიან გაუჭირდა. მასპინძლები 67-ე წუთამდე იგებდნენ. თუმცა, აკაკი ტაბუცაძის ლელო მერაბ კვირიკაშვილმა გარდასახა და „ლელო“ 15:13 დააწინაურა. პატარძეულელებმა მალევე საჯარიმო გაიტანეს და მინიმალური სხვაობით დაწინაურდნენ - 16:15.. ლელოელებს უდიდესი ძალისხმევა დასჭირდათ მატჩის გადასარჩენად და გამარჯვების ლელო მხოლოდ თამაშის ბოლო წუთზეღა გაიტანეს.

აკადემია-ჯიქი 5:31
აკადემია: ლ - სბ. ილურიძე
ჯიქი: 5ლ - სამხარაძე, სუხაშვილი, მჭედლიშვილი, დათუნაშვილი, ხიდეშელი. 3გ - დ.კიკნაძე
მსაჯი: სულხან ჩიხლაძე

„ჯიქი“ პლეი ოფში გასასვლელად იბრძვის და ამიტომ ყველა მატჩის შედეგს ამ გუნდისთვის გადამწყვეტი მნიშვნელობა ექნება. სტუმრად, „აკადემიასთან“ საბრძოლველად გორელები მაქსიმალურად მობილიზებულნი გამოვიდნენ და მეტოქეს ხუთი ლელო გაუტანეს. აკადემიელებმა საპირწონედ მხოლოდ ერთი მიითვალეს და „ჯიქმა“ საპრემიო ქულაც მოიპოვა.

არმაზი-აია 3:17
არმაზი: ს - ჯინჭველაშვილი
აია: 2ლ - აბრამიძე, ძაგნიძე. 2გ, ს - აბჟანდაძე
სინბინი: აბრამიძე
მსაჯი: თორნიკე გვირჯიშვილი

ამ მატჩის პირველი ტაიმი მეორეზე გაცილებით უკეთესი გამოდგა. ქუთათურებმა ორი ლელოს გატანა მოახეხეს, რაზეც „არმაზმა“ მხოლოდ ერთი საჯარიმოთი უპასუხა. შესვენების შემდეგ გუნდებმა მონაგარს ვეღარაფერი შესძინეს და „აიამ“ დამსახურებულად გაიმარჯვა. ასეთი დაბალშედეგიანი თამაში „არმაზს“ არასდროს ჰქონია. აქამდე, ყველაზე ცოტა, რაც ერთ შეხვედრაში არმაზელებმა დააგროვეს, 10 ქულა იყო „ხარებთან“ სტუმრად წაგებულ მატჩში.

თ მ ფ წ ბ ქ(ს)
1. ბათუმი 11 9 0 2 +116 41(5)
2. ლოკომოტივი 11 8 0 3 +90 37(5)
3. ხარები 11 8 0 3 +58 36(4)
4. აია 11 7 0 4 +27 30(2)
5. არმაზი 11 5 1 5 +85 29(7)
6. ლელო 11 6 0 5 +20 28(4)
7. ჯიქი 11 4 1 6 -11 24(6)
8. აკადემია 11 3 1 7 -127 16(2)
9. ვეფხვები 11 2 1 8 -95 15(5)
10. არმია 11 1 0 10 -163 7(3)

XII ტური

1 თებერვალი
ჯიქი-ხარები 16:00

2 თებერვალი
ლოკომოტივი-არმაზი 13:30
ბათუმი-ლელო 15:30

3 თებერვალი
აია-კადემია 13:30
ვეფხვები-არმია 15:30

ყოველდღიური სპორტული გაზეთი "ლელო"
667
მკითხველის კომენტარები / 0 /
მსგავსი ამბები
რუბრიკის სხვა სიახლეები
;