[რაგბი. დიდი ათი. VII ტური] ორი სტუმარმა მოიგო, ორიც მასპინძელმა

 არმაზი-ხარები 10:33   
არმაზი: ლ - ნავროზაშვილი. გ - ნიკოლავა. ს - ცინცაძე.   
სინბინი: ხუროშვილი      
ხარები: 5ლ - კევლიშვილი, ჩომახაშვილი, მღებრიშვილი (2), ხუციშვილი. 4გ - ხუციშვილი
მსაჯი: კრისტიან შერბანი (რუმინეთი)     

გათამაშების ლიდერმა რუსთავის „ხარებმა“ სტუმრად მარნეულის „არმაზის“ წინააღმდეგობა, რომელიც სატურნირო ცხრილის მეორე ნახევარში იმყოფება, მხოლოდ მატჩის მეორე ნახევარში დაძლია. ტაიმი რუსთაველებმა 7:3 მოიგეს. თუმცა, მეორეში მათი სათამაშო უპირატესობა იმდენად დიდი გახდა, რომ მეტოქეს ოთხი ლელო გაუტანეს, რაზეც არმაზელებმა მხოლოდ ერთით უპასუხეს. „ხარების“ ორი ლელო მესამეხაზელი ჟორა მღებრიშვილის ანგარიშზეა. 

 ლელო-აკადემია 14:13
ლელო:  ლ - ტაბიცაძე. 3ს - ყიასაშვილი
სინბინი: კაპანაძე
აკადემია: ლ - მახარაშვილი. 2ს, გ - მოძღვრიშვილი
მსაჯი: სულხან ჩიხლაძე 

სატურნირო ცხრილის მეზობლების დაპირისპირება, ანგარიშიდანაც ნათლად ჩანს, რომ ძალზედ დაძაბულ, უშეღავათო ბრძოლაში წარიმართა. ქულათა მცირე რაოდენობის მიუხედავად მაყურებელს მოსაწყენად არ ეცალა. აკადემიელებმა ანგარიშში სხვაობა მინიმუმამდე 67-ე წუთზე შეამცირეს. დარჩენილ 13 წუთში ორივე გუნდმა მრავალფაზიანი იერიშები განახორციელა, მაგრამ უშედეგოდ.

 ლოკომოტივი-ბათუმი 07:21 
ლოკომოტივი: ლ - ჩიღვინაძე. გ - ჯავახიშვილი  
სინბინი: დარასელია
ბათუმი: 2ლ - ხ.ბუჯიაშვილი, ტრაპაიძე. 3ს,გ - ურჯუკაშვილი
სინბინი: თხილაიშვილი
მსაჯი: პაულო დუარტე (პორტუგალია)

მიმდინარე გათამაშებაში ყველაზე დიდი მოულოდნელობა ქვეყნის მრავალგზის ჩემპიონის, თბილისის „ლოკომოტივის“ აუტსაიდერთა შორის ყოფნაა. რკინიგზელებმა მე-7 ტურში მეოთხე მარცხი იგემეს. ამჯერად, მეტოქე მოქმედი ჩემპიონი „ბათუმი“ იყო. აღსანიშნავია, რომ მასპინძლები 65-ე წუთამდე 13:0 აგებდნენ და ანგარიშის ექვს ქულამდე შემცირება შეძლეს. თუმცა, დარჩენილ დროში „ბათუმმა“ თითო გარდაუსახავი ლელო და საჯარიმო გაიტანა.

 აია-ყოჩები 12:12
აია: 2ლ - აბრამიძე, აქუბარდია. გ - ბაბუნაშვილი
სინბინი: მექერიშვილი
ყოჩები: 4ს - ხურცილავა (2), სოხაძე (2)
სინბინი: კორკელია, გოგიძე, გეგენავა
მსაჯი: ირაკლი ჭანუყვაძე 

ბოლნისის „ყოჩებმა“ ფრედ სამი შეხვედრა დაასრულეს. აქედან ერთი მეშვიდე ტურში ქუთაისში „აიასთან“. როგორც ჩანს, საიმისოდ, რომ გუნდმა მოგებები დაიწყოს, სულ ცოტა რამ აკლია. რაც, ცხადია, გუნდის მწვრთნელების ანალიზის საგანია. „აიამ“ პირველი ტაიმი სტუმრებს 12:6 მოუგო. შესვენების შემდეგ „ყოჩებმა“ კიდევ მეტი წინააღმდეგობის გაწევა მოახერხეს და მასპინძლებს მონაგრის გაზრდის საშუალება არ მისცეს. თავად კი ორი საჯარიმო მიითვალეს და ქუთაისიდან ორი ქულა წამოიღეს.

 ჯიქი-იუნკერები 23:18 
ჯიქი: 2ლ - საჯაია, კიკნაძე. 3ს, 2გ - ჯინჭველაშვილი.  
სინბინი: კაკაურიძე, ხუციშვილი, ტრაპაიძე, არაბული  
იუნკერები: 2ლ - მჭედლიშვილი, პეტრიაშვილი. 2ს, გ - ხარაზიშვილი.
სინბინი: მჭედლიშვილი     
მსაჯი: თორნიკე გვირჯიშვილი    

უმაღლესი ლიგის დებიუტანტმა კიკეთის „იუნკრებმა“ მეექვსე შეხვედრა წააგო, თუმცა, ისე, რომ ექვსივეში სანუგეშო საპრემიო ქულა მოიპოვა. კიკეთელებს, „ყოჩების“ მსგავსად, რაღაც აკლია. „ჯიქი“ მეტოქეს 63-ე წუთამდე 20:6 უგებდა. „იუნკერებმა“ დასკვნით 15 წუთში ორი ლელო გაიტანეს, თუმცა მატჩის გადარჩენა ვერ შეძლეს.

ქ(ს)
1. ხარები 7 5 0 2 62 24(4)
2. აია 7 4 2 1 76 23(3)
3. ბათუმი 7 4 2 1 43 22(2)
4. ლელო 7 3 1 3 33 18(4)
5. აკადემია 7 4 0 3 13 18(2)
6. ჯიქი 7 4 0 3 -31 17(1)
7. ყოჩები 7 1 3 3 -31 11(1)
8. არმაზი 7 2 1 4 -50 11(1)
9. ლოკომოტივი 7 2 1 4 -102 10(0)
10. იუნკერები 7 1 0 6 -13 10(6)
VIII ტური      
15-17 ნოემბერი      
იუნკერები-ხარები      
ბათუმი-არმაზი      
ყოჩები-ლოკომოტივი      
აკადემია-აია      
ჯიქი-ლელო      
220
მკითხველის კომენტარები / 0 /
მსგავსი ამბები
რუბრიკის სხვა სიახლეები
;