[რაგბი. დიდი ათი. X ტური]. ლიდერი ისევ ხარებია

საქართველოს ჩემპიონატის მეორე წრის პირველ ტურში საკუთარ მოედანზე გამარჯვება მხოლოდ ფავორიტებმა, რუსთავის „ხარებმა“ და „ბათუმმა“ შეძლეს. სხვა სამ შეხვედრაში გამარჯვება სტუმრებს დარჩა. ლიდერი ისევ „ხარებია“. თუმცა, მასსა და მეოთხეადგილოსან „ლელოს“ შორის სხვაობა მხოლოდ სამი ქულაა.

  ხარები-ყოჩები          30:25  

ხარები: 5ლ - ნარიმანიძე (2), ზედგინიძე, მელიქიშვილი, ბებიაშვილი. ს. გ - ხუციშვილი

სინბინი: გოგოლაძე, მღებრიშვილი

ყოჩები: 2ლ - გოგოლაშვილი, საჯარიმო, ნოდია.  2ს, გ - სოხაძე

სინბინი: მაღრაძე

მსაჯი: ირაკლი ჭანუყვაძე

პირველი ტაიმის შემდეგ „ხარების“ გამარჯვებაში ეჭვი არავის ეპარებოდა. რუსთაველებმა მეტოქეს ოთხი უპასუხო ლელო გაუტანეს და ტაიმი 25:6 მოიგეს. შესვენების შემდეგ, ცხადია, ყველას ისევ „ხარების“ დომინაციის მოლოდინი ჰქონდა. თუმცა, „ყოჩები“, რომელსაც დასაკარგავი აღარაფერი გააჩნდა, გაცილებით აქტიურად და უკეთ ათამაშდა. ისე, რომ 67-ე წუთისთვის ანგარიშის შვიდ ქულამდე შემცირება შეძლეს - 18:25. თითქოს, მატჩის გადარჩენაც შეიძლებოდა, მაგრამ „ხარებმა“ უკანასკნელი ძალები მოიკრიბა და ლელოს გატანა მოახერხა. მატჩის მიწურულს „ყოჩებმა“ ლელოთივე უპასუხეს, თუმცა, მხოლოდ საპრემიო ქულას გამორჩნენ.

  ბათუმი-იუნკერები  20:8  

ბათუმი: 2ლ - ქოიავა, ტრაპაიძე. 2ს, 2გ - ურჯუკაშვილი

იუნკერები: ლ - გომიაშვილი. ს - ხარაზიშვილი

სინბინი: ზაბახიძე

მსაჯი: საბა აბულაშვილი

საქართველოს ჩემპიონ „ბათუმს“ საკუთარ მოედანზე დებიუტანტ კიკეთის „იუნკერებთან“ პირველ ტაიმში ძალიან გაუჭირდა. 33-ე წუთამდე სტუმრები 8:0 იგებდნენ. მასპინძლებმა სწორედ ამ დროს მოახერხეს საჯარიმოს გატანა და აქტივში ქულების ჩაწერა. - 3:8. ასე დასრულდა პირველი ტაიმი. შესვენების შემდეგ ბათუმელებმა თამაში უფრო მობილიზებულებმა, აქტიურად დაიწყეს და ორ გარდასახულ ლელოსთან ერთად საჯარიმოც გაიტანეს. რაზეც „იუნკერებმა“ ვერაფრით უპასუხეს.

 არმაზი-აკადემია       6:40  

არმაზი: 2ს - ჭიკაიძე.

სინბინი: ჯიბლაძე

აკადემია: 6ლ - გვარამია, გოგლიძე, ბურდული, ხელაია, ზოიძე, ს.ილურიძე. 5გ - მოძღვრიშვილი

მსაჯი: თორნიკე გვირჯიშვილი

თბილისის „აკადემიამ“, თამამად შეიძლება ითქვას, რომ მიმდინარე სეზონში საუკეთესო მატჩი ჩაატარა. აკადემიელებმა მეტოქე ყველა კომპონენტში დაჯაბნეს, რაც ანგარიშზეც აისახა. ექვსივე ლელო სხვადასხვა მორაგბეების ანგარიშზეა, რაც „აკადემიას“ გუნდური თამაშის დამადასტურებელია. ამ გამარჯვების შემდეგ კი „აკადემია“ მოწინავე სამეულში დამკვიდრდა.

 ლოკომოტივი-ჯიქი 26:32  

ლოკომოტივი: 2ლ - ი. ქვათაძე, ჩიღვინიძე. 4ს, 2გ - ასათიანი

ჯიქი: 4ლ - კალანდაძე, ბეგაძე, დევსურაშვილი, კოპაძე. 3გ - ჯინჭველაშვილი (2), წიკლაური. 2ს - ჯინჭველაშვილი

სინბინი: კვესელძე, ბეგაძე, ჭუაძე

მსაჯი: ნიკა ამაშუკელი

რკინიგზელებმა მატჩის მიწურულს გამარჯვების მოპოვების რეალური შანსი გაუშვეს ხელიდან. პირველ ტაიმში უპირატესობა ვერცერთმა მოიპოვა და ფრედ 13:13 დასრულდა. შესვენების შემდეგ გორის „ჯიქმა“ სამი ლელოს გატანა შეძლო და მატჩის დასრულებამდე ერთი წუთით ადრე 32:19 იგებდა. რკინიგზელებმა 79-ე წუთზე მოლით ანგარიშში სხვაობა შეამცირეს 26:32 და ბოლო წუთზე ბოლო იერიში წამოიწყეს. მათ დერეფნიდან ისევ მოლი ააგორეს. ლელოშიც შეაღწიეს, მაგრამ ბურთის დამიწება ვერ შეძლეს და დამარცხდნენ.

  აია-ლელო     16:21  

აია: ლ - აბრამიძე. 3ს, გ - გ. ბაბუნაშვილი

სინბინი: გოგიაშვილი

ლელო: 2ლ - ტაბუცაძე (2). 3ს, გ - კვირიკაშვილი.

სინბინი: მამამთავრიშვილი, ჯღარკავა

მსაჯი: შოთა თევზაძე

პირველი ტაიმი მასპინძლების იყო. „აიამ“ დასაწყისიდანვე აქტიურად შეუტია და უკვე მე-4 წუთზე ლელო მიითვალა. შესვენებაზე კი შვიდქულიანი უპირატესობით წავიდა - 13:6. მეორე ტაიმში „ლელომ“ ტემპს უმატა. გარემარბმა აკაკი ტაბუცაძემ წყვილი ლელო გაიტანა, რომელთაგან მერაბ კვირიკაშვილმა მხოლოდ ერთი გარდასახა. მანვე საჯარიმოც ზუსტად დაარტყა, რაზეც ქუთაისელებმა მხოლოდ ერთი საჯარიმოთი უპასუხეს. „ლელომ“ ზედიზედ მეოთხედ მოიგო.

ქ(ს)
1. ხარები 10 7 0 3 72 33(5)
2. ბათუმი 10 6 2 2 92 32(4)
3. აკადემია 10 7 0 3 70 31(3)
4. ლელო 10 6 1 3 53 30(4)
5. აია 10 4 2 4 64 26(6)
6. ჯიქი 10 6 0 4 -30 25(1)
7. არმაზი 10 3 1 6 -118 15(1)
8. ლოკომოტივი 10 3 1 6 -127 15(1)
9. იუნკერები 10 2 0 8 -29 15(7)
10. ყოჩები 10 1 3 6 -46 13(3)
XI ტური      
13-15 დეკემბერი      
აია-იუნკერები      
ლელო-ლოკომოტივი      
ჯიქი-არმაზი      
აკადემია-ხარები      
ყოჩები-ბათუმი      
263
მკითხველის კომენტარები / 0 /
მსგავსი ამბები
რუბრიკის სხვა სიახლეები
;