[რაგბი. დიდი ათი. XIV ტური] ლელო ლიდერია!

საქართველოს ჩემპიონატის მე-14 ტურის შემდეგ გათამაშებას ახალი ლიდერი ჰყავს: „ლელომ“, რომელმაც სეზონი კარგად ვერ დაიწყო, ნელ-ნელა ტემპს უმატა, ქვეყნის მოქმედი ჩემპიონი მისსავე მოედანზე დაამარცხა და გალიდერდა.

ხარები-აია   20:24

ხარები: 4ლ - ხაბაშვილი, ქავთარაძე (2), ნარიმანიძე.

სინბინი: მღებრიშვილი

აია: 3ლ - გაბისონია, კოხოძე, ერემეიშვილი. 3გ - გ. ბაბუნაშვილი (2), ძაგნიძე. ს - გ. ბაბუნაშვილი.

სინბინი: მ. ბაბუნაშვილი

მსაჯი: ნიკა ამაშუკელი

ტური ლიდერთა ჯგუფის დაპირისპირებით გაიხსნა. აქამდე მესამე ადგილზე მყოფმა რუსთავის „ხარებმა“ შინ მეოთხეადგილოსან ქუთაისის „აიას“ უმასპინძლა და უმძიმეს ბრძოლაში 20:24 დამარცხდა. არადა, პირველი ტაიმი მასპინძლებმა 10:3 მოიგეს და მე-60 წუთამდე 15:3 იგებდნენ. დასკვნითი 20 წუთი „აიამ“ მაღალ დონეზე ჩაატარა. ბოლო წუთზე „ხარები“ 20:17 იგებდა. თუმცა, მოედნის საკუთარ ნახევარზე საბედისწერო შეცდომა დაუშვა, რაც „აიამ“ უნარიანად გამოიყენა და პირველ წრეში შინ განცდილი მარცხის გამო, რევანში აიღო.

ბათუმი-ლელო       18:21

ბათუმი: 2ლ - ქანდაურაშვილი, ბუჯიაშვილი. 2ს, გ - ურჯუკაშვილი.

სინბინი: ფუტკარაძე, ურჯუკაშვილი, ქანდაურაშვილი

ლელო: 2ლ - კვირიკაშვილი, მამუკაშვილი. 3გ, ს - ყიასაშვილი.

სინბინი: სიხარულიძე

მსაჯი: შოთა თევზაძე

ტურის ცენტრალური მატჩი  ბათუმში გაიმართა. ქვეყნის ჩემპიონმა „ლელოს“ უმასპინძლა, რომელიც ნელ-ნელა იბრუნებს ჩვეულ ფორმას. თამაში მოსალოდნელისამებრ დაძაბული გამოდგა. პირველი ტაიმი მასპინძლებმა 10:6 მოიგეს. 73-ე წუთისთვის კი 18:11 იგებდნენ. თუმცა, დარჩენილ დროში ლელოელებმა უკეთ ითამაშეს. მათ 77-ე წუთზე გარდასახული ლელო მიითვალეს და ანგარიში გაათანაბრეს - 18:18. ბოლო წუთზე კი ირაკლი ყიასაშვილმა საჯარიმოთი გამარჯვება მოუტანა თავისიანებს.

ყოჩები-ჯიქი           30:14

ყოჩები: 4ლ - მიმინოშვილი, ფეიქრიშვილი, ხიდეშელი (2). 2გ, 2ს: სოხაძე.

სინბინი: წიკლაური, ხიდეშელი

ჯიქი: ლ - ჭურაძე. 3ს - წიკლაური.

მსაჯი: სულხან ჩიხლაძე

„ყოჩები“ სულ ახლახან ლიგაში დარჩენისთვის იბრძოდა. მას შემდეგ კი, რაც საკუთარ მოედანზე „ჯიქი“ 30:14 დაამარცხა, პლეი ოფში მოხვედრის შანსი გაუჩნდა. ბოლნისელები გორელებს, რომლებიც მე-6 ადგილზე არიან, ახლა სამი ქულით ჩამორჩებიან.

„ყოჩებმა“ მეტოქეს 4 ლელო გაუტანა. აქედან ორი, შეცვლაზე შესული შერკინების კვაჭის, დავით ხიდეშელის ანგარიშზეა.

არმაზი-ლოკომოტივი       13:31

არმაზი: ლ - გოგოლაშვილი. 2ს, გ - ცინცაძე

სინბინი: ამირანაშვილი, ბრეგვაძე, ჯიბლაძე

ლოკომოტივი: 4ლ - გეგია, მაისურაძე, ჩიღვინიძე, წივწივაძე

სინბინი: მარშანია

მსაჯი: ტიერი ბალეტი (საფრანგეთი)

აუტსაიდერების შეხვედრაში უკეთ რკინიგზელთა გუნდი გამოიყურებოდა. ქვეყნის მრავალგზის ჩემპიონი „ლოკომოტივი“ უჩვეულო ამპლუაშია, უმაღლეს ლიგაში დარჩენისთვის იბრძვის. რკინიგზელებმა უშუალო მეტოქეს ოთხი ლელო გაუტანეს, საპასუხოდ კი ერთი მიიღეს, რისთვისაც საპრემიო ქულაც მიითვალეს.

იუნკერები-აკადემია         16:25

იუნკერები: 2ლ - რ. ხარაზიშვილი, ფერსაშვილი. 2ს - რ. ხარაზიშვილი.

სინბინი: რ. ხარაზიშვილი

აკადემია: 3ლ - მ.ახობაძე, ჭუაძე, ლურსმანაშვილი. 2ს - მიქანაძე. 2გ - მიქანაძე, ახობაძე

მსაჯი: საბა აბულაშვილი

დებიუტანტმა „კიკეთის“ იუნკერებმა, რომელიც უმაღლეს ლიგაში ადგილის შენარჩუნებისთვის იბრძვის, თბილისის „აკადემიას“ უმასპინძლა და 16:25 წააგო. აკადემიელები პლეი ოფში თამაშისთვის იბრძვიან და, სავარაუდოდ, ამაში ხელი ვერაფერმა უნდა შეუშალოს.

ქ(ს)
1. ლელო 14 10 1 3 103 48(6)
2. ბათუმი 14 9 2 2 160 48(8)
3. აია 14 8 2 4 148 44(8)
4. ხარები 14 8 1 4 98 42(8)
5. აკადემია 14 8 1 5 62 38(4)
6. ჯიქი 14 7 0 7 -110 29(1)
7. ყოჩები 14 8 3 3 -28 26(4)
8. იუნკერები 14 3 0 11 -46 20(8)
9. ლოკომოტივი 14 4 1 9 -182 20(2)
10. არმაზი 14 3 1 10 -205 15(1)

ქულათა დარიცხვის წესი: მოგება 4, ფრე 2, წაგება 0  +1 ბონუსი = პრემია ან ნუგეში

პრემია მხოლოდ მოგებულს, თუ მეტოქეს [მინიმუმ] სამით მეტ ლელოს გაუტანს

ნუგეში მხოლოდ წაგებულს, თუ 8 ქულაზე ნაკლებით [გარდასახული ლელოს ფარგალში] დამარცხდება

ფრეზე ბონუსი არავის ერგება

ქულათა ტოლობაზე  პირადში: 1) მეტი ქულა, 2) უკეთესი სხვაობა, 3) უკეთესი ლელოთა სხვაობა;

ქულათა ტოლობაზე მთელ ტურნირში: 4) უკეთესი სხვაობა, 5) უკეთესი ლელოთა სხვაობა, 6) ნაკლები გაძევება, 7) ნაკლები სინბინი

XV ტური. 20 მარტი

ლელო-ყოჩები

21 მარტი

ჯიქი-აკადემია

არმაზი-იუნკერები

22 მარტი

ლოკომოტივი-ხარები

აია-ბათუმი

197
მკითხველის კომენტარები / 0 /
რუბრიკის სხვა სიახლეები
;