[რაგბი. დიდი 10] ბათუმი ზამთრის ჩემპიონია!

საქართველოს სარაგბო ჩემპიონატი წლეულს მე-11 ტურის მატჩებით დაგვემშვიდობა. ეგრეთ წოდებული ზამთრის ჩემპიონი, ქვეყნის მოქმედი ჩემპიონი „ბათუმია“. ყველაზე დიდი მოულოდნელობა კი ლიდერთა შორის თბილისის „აკადემიას“ ყოფნაა. ჩემპიონატი 14 თებერევალს განახლდება.

 აკადემია-ხარები       27:27  

აკადემია: 3ლ - ზოიძე, მიქანაძე, ილურიძე. 3გ, 2ს - მოძღვრიშვილი

სინბინი: ზოიძე

ხარები: 3ლ - ზედგინიძე, ჩომახაშვილი, ქავთარაძე. 3გ, ს - ქავთარაძე. ა - ბასილაია

სინბინი: სამყურაშვილი

მსაჯი: შოთა თევზაძე

ტურის ცენტრალური მატჩი, როგორც მოსალოდნელი იყო, ძალზე დაძაბული გამოდგა. „აკადემია“ გამარჯვების შემთხვევაში ერთი საფეხურით წინ წაიწევდა და ზამთრის არდადეგებზე მეორე ადგილით გავიდოდა. თუმცა, „ხარებმა“ იმდენად კარგად ითამაშეს, რომ აკადემიელებს ბოლო წუთებზე მატჩის გადარჩენისთვის ბრძოლამ მოუწიათ. რუსთაველები 27:24 იგებდნენ, მაგრამ დავით მოძღვრიშვილმა საჯარიმოდან გაიტანა და ანგარიში გაათანაბრა. შედეგად, გუნდებმა ქულები გაიყვეს და სატურნირო ცხრილში სტატუსკვო შენარჩუნდა. მეორე ადგილზე „ხარები“ დარჩა.

 ყოჩები-ბათუმი         12:22  

ყოჩები: 3ს, ა - სოხაძე.

სინბინი: მიმინოშვილი, ქიტუაშვილი

ბათუმი: 3ლ - ნ. ნინიძე, ურჯუკაშვილი, ჯაბნიძე

სინბინი: ტრაპაიძე

მსაჯი: საბა აბულაშვილი

გათამაშების ლიდერმა, საქართველოს მოქმედმა ჩემპიონმა „ბათუმმა“ სტუმრად ითამაშა აუტსაიდერ ბოლნისის „ყოჩებთან“ და 22:12 დაამარცხა. „ყოჩებს“ ამ თამაშამდე „ბორჯღალოსნების“ შერკინების კვაჭი შალვა მამუკაშვილი დაემატა, რომელიც ამავე კლუბის გაზრდილია. თუმცა, ბოლნისელთა გასაჭირს ვერც მან უშველა. მიუხედავად ყველაფრისა, ბათუმელები მაინც სერიოზულ წინააღმდეგობას წააწყდნენ და მატჩის ბოლო წუთამდე მხოლოდ 15:12-ს იგებდნენ. თამაშის მიწურულს ლელო ბექა ურჯუკაშვილმა გაიტანა და თვითონვე გარდასახა - 22:12.

 ჯიქი-არმაზი 24:12  

ჯიქი: 4ლ - კვესელაძე, კალანდაძე (2), მარჯანიშვილი. 2გ - ჯინჭველაშვილი.

სინბინი: კვესელაძე

არმაზი: 2ლ - გიგაური. გ - მატკავა

სინბინი: კალმახელიძე

მსაჯი: სულხან ჩიხლაძე

გორის „ჯიქმა“ ერთ-ერთ აუტსაიდერს, მარნეულის „არმაზს“ უმასპინძლა და მისი დამარცხებით კიდევ ერთი ნაბიჯი გადადგა საპლეიოფო ექვსეულში დასამკვიდრებლად. ამ მატჩის საბოლოო ანგარიში ჯერ კიდევ 65-ე წუთზე დაფიქსირდა. თამაშის დარჩენილ 15 წუთში გუნდებმა მონაგარს ვეღარაფერი შემატეს. „ჯიქის“ ოთხი ლელოდან ორი გარემარბი დიტო კალანდაძის ანგარიშზეა. ორი ლელო მიითვალა არმაზელთა შუამარბმა ნიკა გიგაურმა.

 აია-იუნკერები          46:3  

აია: 7ლ - გ. ბაბუნაშვილი, კოხოძე, ნუცუბიძე, შალიკაშვილი, ლომიძე, აბრამიძე, ფურცხვანიძე. 4გ, ს - გ. ბაბუნაშვილი.

იუნკერები: ს - ხარაზიშვილი

სინბინი: მჭედლიშვილი, ჟღენტი, შერმადინი

მსაჯი: ნიკა ამაშუკელი

„აიამ“ მოწინააღმდეგე, რომელიც უმაღლესი ლიგის დებიუტანტია, ყველა კომპონენტში დაჯაბნა და დიდი ანგარიშით სძლია. ქუთათურებმა „იუნკერებს“ შვიდი ლელო გაუტანეს. 16 ქულა „აიას“ მგეზავის გიორგი ბაბუნაშვილის ანგარიშზეა, რომელმაც ერთი ლელო, ერთი საჯარიმო და ოთხი გარდასახვა გაიტანა. კიკეთელები 30 წუთის განმავლობაში კაცნაკლულნი იყვნენ, რადგან არბიტრმა მათი სამი მორაგბე სინბინში გაუშვა.

 ლელო-ლოკომოტივი           37:19  

ლელო: 4ლ - ტაბუცაძე (2), კვირიკაშვილი, სვიმონიშვილი. 3ს, 4გ - კვირიკაშვილი

სინბინი: სვიმონიშვილი, პერტაია

ლოკომოტივი: ლ - ჩიღვინიძე. 4ს, გ - ასათიანი

სინბინი: გასვიანი, ასათიანი

მსაჯი: ირაკლი ჭანუყვაძე

„ლელომ“ რკინიგზელთა დამარცხებით ჩემპიონატის პირველი ეტაპი მოწინავე სამეულში დაასრულა. არადა, „ლოკომოტივმა“ მეტოქეს პირველ ტაიმში აჯობა და 16:9 მოუგო. შესვენების შემდეგ კი მალევე ათი ქულით დაწინაურდა. თუმცა, მატჩის დასრულებამდე დარჩენილ საკმაოდ დიდ დროში „ლელომ“ გარდატეხის შეტანა მოახერხა. მეტოქეს საკუთარი თამაში მოახვია  თავს და ოთხი ლელო გაუტანა. აქედან ორი გარემარბი აკაკი ტაბუცაძის ანგარიშზეა. მერაბ კვირიკაშვილმა გუნდს 22 ქულა შესძინა (ერთი ლელო, ოთხი გარდასახვა და სამი საჯარიმო).

XXII ტური

14-16 თებერვალი

იუნკერები-ყოჩები

ლოკომოტივი-აია

არმაზი-ლელო

ხარები-ჯიქი

ბათუმი-აკადემია

339
მკითხველის კომენტარები / 0 /
რუბრიკის სხვა სიახლეები
;