[რაგბი. დიდი 10] პირველი წრე ხარებისაა

საქართველოს ჩემპიონატის პირველი წრე რუსთავის „ხარებმა“ მოიგეს. გამოიკვეთა ის ექვსი გუნდი, რომლებიც, სავარაუდოდ, პლეი ოფში გააღწევენ. თუმცა, იქ მოსახვედრად  კიდევ ორი სხვაც იბრძოლებს...

   ხარები-ბათუმი         17:10   

ხარები: 2ლ - ჩომახაშვილი, ზედგინიძე. 2გ - ხუციშვილი. ა - ბასილაია.

სინბინი: ნარიმანიძე

ბათუმი: ლ - ქოიავა. გ,ს - ბუჯიაშვილი.

სინბინი: შამილიშვილი

მსაჯი: სულხან ჩიხლაძე

რუსთავის „ხარებმა“ უშუალო კონკურენტს, ქვეყნის მოქმედ ჩემპიონს „ბათუმს“ უმასპინძლა და მისი დამარცხების შემდეგ, სატურნირო ცხრილში პირველი საფეხური დაიკავა. რუსთაველები მეტოქეს 45-ე წუთამდე მშრალი ანგარიშით ამარცხებდნენ - 7:0. სტუმრებმა ანგარიშის გაქვითვა კი შეძლეს, მაგრამ მეტზე ძალა აღარ ეყოთ. „ხარებმა“ კი, ერთ გარდასახულ ლელოს არეკნიც მიაყოლა და მნიშვნელოვან გამარჯვებას მიაღწია.

   ლელო-იუნკერები    31:25   

ლელო: 4ლ - ყიასაშვილი, სვიმონიშვილი, აბესაძე, პერანიძე. 4გ,ს - ყიასაშვილი.

სინბინი: ჭყოიძე

იუნკერები: 3ლ - საჯარიმო, გომიაშვილი, კავთიძე. 2ს,გ - ხარაზიშვილი.

სინბინი: ესართია

მსაჯი: თორნიკე გვირჯიშვილი

თბილისის „ლელომ“ კიკეთის „იუნკერების“ დამარცხების შემდეგ პირველი წრე მესამე ადგილზე დაასრულა. თამაში უხვლელოიანი გამოდგა. მასპინძლების ოთხ ლელოს კიკეთელებმა სამით უპასუხეს და მიმდინარე გათამაშებაში ცხრა მატჩიდან მეშვიდე საპრემიო ქულა მოიპოვეს. ლელოელთა შორის ყველაზე შედეგიანი ფულბეკი ირაკლი ყიასაშვილი იყო, რომელმაც 16 ქულა მიითვალა (ერთი ლელო, ოთხი გარდასახვა და ერთი საჯარიმო)

   ლოკომოტოვი-აკადემია      5:25   

ლოკომოტივი: ლ - ქვათაძე

სინბინი: ჯანიაშვილი

აკადემია: 3ლ - ჭუაძე (2), ბურდული. 2გ,2ს - მოძღვრიშვილი

მსაჯი: სულხან ჩიხლაძე

რკინიგზელებმა თბილისის „აკადემიის“ ახალგაზრდულ გუნდს მეტ-ნაკლები წინააღმდეგობა მხოლოდ პირველ ტაიმში გაუწიეს, რომელიც სტუმრებმა 13:5 მოიგეს. შესვენების შემდეგ „ლოკომოტივს“ მონაგარისთვის აღარაფერი დაუმატებია. „აკადემიამ“ კი, კიდევ ორი ლელო მიითვალა და ქვეყნის ყველაზე ტიტულოვანი გუნდი დამაჯერებლად დაამარცხა. ორი ლელო „აკადემიის“ შუამარბი გიორგი ჭუაძის ანგარიშზეა. რკინიგზელებმა პირველი წრე მათთვის უჩვეულო ბოლოსწინა ადგილზე დაასრულეს.

    აია-ჯიქი        15:19    

აია: 2ლ - შენგელია, კვირიკაშვილი. ს,გ - გ.ბაბუნაშვილი

ჯიქი: 3ლ - კალანდაძე, საჯაია, მარჯანიშვილი. 2გ - ჯინჭველაშვილი

სინბინი: საჯაია

მსაჯი: ვლად იორდეკესკუ (რუმინეთი)

ქუთაისის „აიას“ საშინაო მარცხი გორის „ჯიქთან“ ტურის მოულოდნელობად შეიძლება მივიჩნიოთ. გორელები მთელი მატჩის განმავლობაში ანგარიშით წინ იყვნენ და თავიანთი თამაშის სცენარით მიჰყავდათ მატჩი. შესაბამისად, საბოლოო ანგარიშიც სრულიად ლოგიკურად შეიძლება მივიჩნიოთ. „აიამ“ ერთი საპრემიო ქულის აღება მოახერხა.

    არმაზი-ყოჩები          18:8    

არმაზი: 2ლ - ჩადუნელი, დარბოევი. გ,2ს - ჭიკაიაძე.

ყოჩები:  ლ - მელაძე. ს - რეხვიაშვილი

სინბინი: გეგენავა, ქიტუაშვილი

მსაჯი: ალექს იონესკუ (რუმინეთი)

მარნეულის „არმაზმა“ ბოლნისის „ყოჩების“ წინააღმდეგობის დაძლევა ბოლო 10 წუთშიღა მოახერხა. იქამდე კი, ანგარიში საყაიმო იყო - 8:8. „ყოჩები“ ორჯერ კაცნაკლულნი დარჩნენ. ამით შესანიშნავად ისარგებლეს არმაზელებმა, მეტობა გამოიყენეს და გარდასახულ ლელოს, ერთი საჯარიმოც მიუმატეს. შედეგად, პირველი წრე ბოლო ადგილზე „ყოჩებმა“ დაასრულა.

ქ(ს)
1. ხარები 9 6 0 3 67 29(5)
2. ბათუმი 9 5 2 2 80 28(4)
3. ლელო 9 5 1 3 48 26(4)
4. აკადემია 9 6 0 3 36 26(2)
5. აია 9 4 2 3 69 25(5)
6. ჯიქი 9 5 0 4 -36 21(1)
7. არმაზი 9 3 1 5 -84 15(1)
8. იუნკერები 9 2 0 7 -17 15(7)
9. ლოკომოტივი 9 3 1 5 -121 14(0)
10. ყოჩები 9 1 3 5 -42 12(2)
X ტური      
29 ნოემბერი -1 დეკემბერი     

ბათუმი-იუნკერები, ხარები-ყოჩები, არმაზი-აკადემია, ლოკომოტივი-ჯიქი, აია-ლელო

303
მკითხველის კომენტარები / 0 /
მსგავსი ამბები
რუბრიკის სხვა სიახლეები
;