რაგბი. დიდი 10. ჯიქი ტიტულს იოლად არ დათმობს

საქართველოს ჩემპიონატის მე-14 ტური მოვლენებით დახუნძლული გამოდგა. მეორე მარცხი იწვნია მიმდინარე გათამაშებაში ლიდერმა ქუთაისის "აიამ", მშრალი ანგარიშით დამარცხდა სტუმრად ბათუმში მეორეადგილოსანი "ლოკომოტივი".

დაწინაურებულ დუეტს საგრძნობლად მიუახლოვდა ქვეყნის მოქმედი ჩემპიონი "ჯიქი".

* ტურში დამარცხდა ლიდერი "აია" და მისი მდევარი "ლოკომოტივიც".
* "ბათუმის" კვაჭმა ბექა მამრიკიშვილმა ლელოების ჰეთ თრიკი შეასრულა.
* ეროვნული ნაკრების შუამარბმა გიორგი კვესელაძემ ორი ლელო გაიტანა.
* გორის "ჯიქი" ტიტულის შესანარჩუნებლად იბრძვის.

ბათუმი-ლოკომოტივი 32:0

ბათუმი: 5ლ - მამრიკიშვილი (3), ნინიძე, ფუტკარაძე. 2გ, ს - ხმალაძე.
ლოკომოტივი: -
სინბინი: გოგიჩაშვილი

"ბათუმს" ევროპული გამოცდილება ეტყობა ძალზე წაადგა. სხვა მხრივ, ძნელი ასახსნელია გათამაშების ერთ-ერთ უმთავრეს ფავორიტთან, თბილისის "ლოკომოტივთან" ასეთი უპირატესობა. ზღვისპირელებმა მეტოქეს ხუთი უპასუხო ლელო გაუტანეს. აქედან სამი, შერკინების კვაჭის, ბექა მამრიკიშვილის "ანგარიშზეა.

ლელო-აკადემია 13:8

ლელო: ლ - სვიმონიშვილი. 2ს, გ - ყიასაშვილი
აკადემია: ლ - ლომაური. ს - მოძღვრიშვილი
სინბინი: გ. ღამბაშიძე

როგორც მოსალოდნელი იყო, ამ გუნდების დაპირისპირება დაძაბულ და უშეღავათო ბრძოლაში წარიმართა. ორივე გუნდს ეროვნული ნაკრების მოთამაშეები აკლდა.

"ლელომ" მერაბ კვირიკაშვილის გარეშე ითამაშა. აკადემიელთა რიგებში კი არსად ჩანდნენ სოსო მათიაშვილი და ანზორ სიჭინავა. ამან ორივე გუნდის თამაშზე საკმაოდ დიდი გავლენა იქონია. ხშირი იყო ტექნიკური წუნი.

"აკადემიას" თამაშის მიწურულს მატჩის გადარჩენაც შეეძლო. ბოლო წუთებზე აკადემიელებმა ხანგრძლივი, მრავალფაზიანი იერიში მიიტანეს მეტოქის ლელოს ხაზთან, მაგრამ "ლელომ" დაცვისას უნაკლოდ ითამაშა და გამარჯვება შეინარჩუნა.

ხარები-ბაგრატი 19:3

ხარები: 3ლ - მაჭარაშვილი, თაბუკაშვილი, აქუბარდია. 2გ - ნათელაშვილი
ბაგრატი: ს - ოდიშარია
სინბინი: ჩიქოვანი

ამ მატჩში გამარჯვებულის ვინაობის გამოცნობა რთული არ იყო. "ხარებს" უფრო დამაჯერები ანგარიშითაც შეეძლო მოეგო. თუმცა, ზედმეტი დაძაბულობის გარეშე, პრაგმატულად გაისარჯა.

მეტოქეს სამი უპასუხო ლელო გაუტანა, რაც საპრემიო ქულის ასაღებად საკმარისი იყო. რუსთავული გუნდი ამჟამად საპლეიოფო ექვსეულში იმყოფება. თუმცა, "არმაზიც" იქვეა და პლეი ოფში მოსახვედრად ბრძოლა ჯერ კიდევ გრძელდება.

არმაზი-არმია 26:21

არმაზი: 2ლ - კვესელძე (2), სვანიძე (2). 3გ - ჯინჭველაშვილი
სინბინი: ჯიმშელეიშვილი
არმია: 3ლ - საჯარიმო, ჭინჭარაული, მახარაშვილი. 2გ - მახარაშვილი
სინბინი: კალანდაძე

ორივე გუნდისთვის ამ მატჩის შედეგს უაღრესად დიდი მნიშვნელობა ჰქონდა. "არმაზმა" ძალების მაქსიმალური კონცენტრაციის ხარჯზე შეძლო "არმიას" დამარცხება, რომელიც უმაღლეს ლიგაში დარჩენისთვის ბრძოლას განაგრძობს.

არმაზელებმა კი ამ გამარჯვებით ისევ შეინარჩუნეს პლეი ოფში მოხვედრის შანსი.
აღსანიშნავია, რომ ორ-ორი ლელო ეროვნული ნაკრების შუამარბმა გიორგი კვესელაძემ და ახალგაზრდული ნაკრების ფულბეკმა სანდრო სვანიძემ გაიტანეს.

ჯიქი-აია 36:11

ჯიქი: 4ლ - შენგელია, ნინიძე, კლდიაშვილი, ხუციშვილი. 4ს, 2გ - ნინიძე
სინბინი: ჭყოიძე, სუხაშვილი
აია: ლ - ერემეიშვილი. 2ს - ლომიძე

ტურის ცენტრალური მატჩი გორში გაიმართა, სადაც ქვეყნის მოქმედმა ჩემპიონმა "ჯიქმა" ლიდერ "აიას" უმასპინძლა. ორივე გუნდს საქართველოს შვიდკაცა რაგბის ნაკრებში მივლენილი წამყვანი მოთამაშეები აკლდა. თამაშის დასაწყისში ქუთაისელები უკეთესად გამოიყურებოდნენ და მე-10 წუთისთვის 6:0 დაწინაურდნენ.

"ჯიქმა" მალე იპოვა თავის თამაში და პირველი ტაიმის რვა ქულის სხვაობით მოგება შეძლო - 14:6. შესვენების შემდეგ "აიას" ძალა აღარ ეყო. გორელებმა კი ტემპს უმატეს და მეტოქეს ისე სძლიეს, რომ საპრემიო ქულაც მიითვალეს.

თ მ ფ წ ბ ქ(პ)
1. აია 14 12 0 2 +164 52(4)
2. ლოკომოტივი 14 11 0 3 +108 51(7)
3. ჯიქი 14 9 1 4 +155 48(10)
4. ლელო 14 10 0 4 +91 45(5)
5. ბათუმი 14 8 1 5 +119 42(8)
6. ხარები 14 7 1 6 -39 33(3)
7. არმაზი 14 5 1 8 -66 27(5)
8. აკადემია 14 3 0 11 -19 22(10)
9. არმია 14 2 0 12 -201 11(3)
10. ბაგრატი 14 1 0 13 -312 5(1)

XV ტური

9 მარტი
ლელო-ხარები
აკადემია-ბათუმი

10 მარტი
ლოკომოტივი-ჯიქი

11 მარტი
არმია-ბაგრატი
აია-არმაზი

ყოველდღიური სპორტული გაზეთი "ლელო"
381
მკითხველის კომენტარები / 0 /
მსგავსი ამბები
რუბრიკის სხვა სიახლეები