[რაგბი. დიდი 10. VIDEO] ლიდერებმა პოზიციები განიმტკიცეს

საქართველოს ჩემპიონატი მე-12 ტურის შეხვედრებით განახლდა. როგორც მოსალოდნელი იყო, ყველა ლიდერმა მოიგო და პოზიციები კიდევ უფრო გაიმყარა. აუტსაიდერებიდან წინ ერთი ნაბიჯი ბოლნისის „ყოჩებმა“ გადადგა, რომელმაც უშუალო კონკურენტი, კიკეთის „იუნკერები“ დაამარცხა.

იუნკერები-ყოჩები 10:22

იუნკერები: ლ - მარჯანიშვილი. გ - კიკნაძე.  ს - ხარაზიშვილი.

სინბინი: ესართია, მერკვილიშვილი, ჟღენტი

ყოჩები: 3ლ - გეგენავა, ტყეშელიაძე, გოგოლაშვილი. 2ს. გ - სოხაძე.

სინბინი: ხოსიტაშვილი, არჩუაშვილი, მიმინოშვილი

მსაჯი: შოთა თევზაძე

ავჭალის სარაგბო სტადიონზე კიკეთის „იუნკერებისა“ და ბოლნისის „ყოჩების“ მატჩით „ლიდერბეთი დიდი 10-ის“ გათამაშება განახლდა. მე-12 ტურის პირველ მატჩში ერთმანეთს აუტსაიდერები დაუპირისპირდნენ. ორივე გუნდისთვის მატჩს უაღრესად დიდი მნიშვნელობა ჰქონდა.

როგორც ჩანს, შესვენება უკეთ „ყოჩებმა“ გამოიყენა. მათ ყოფილი „ბორჯღალოსანი“, შერკინების ბურჯი ანტონ ფეიქრიშვილი და ახალგაზრდული ნაკრების ფულბეკი თემურ ჭიჭინაძე დაიმატეს.

„ყოჩებმა“ მატჩის ბედი, ფაქტობრივად, პირველ ტაიმში გადაწყვიტეს, როცა მეტოქეს სამი ლელო გაუტანეს, რაზეც კიკეთელებმა მხოლოდ ერთი საჯარიმოთი უპასუხეს. შესვენების შემდეგ გუნდებმა თითო ლელო გაცვალეს. აღსანიშნავია, რომ მატჩის არბიტრმა ექვსი მორაგბე გაასინბინა. ორივე გუნდიდან 10-10 წუთით სამ-სამი მოთამაშე დაისაჯა.

ბათუმი-აკადემია   26:10

ბათუმი: 4ლ - თაგაური, გოგიტიძე, ფუტკარაძე, ჯიმშელეიშვილი. 3გ - ურჯუკაშვილი.

აკადემია: ლ - მიქანაძე. ს, გ - მოძღვრიშვილი

სინბინი: ლუარსაბიშვილი

მსაჯი: თორნიკე გვირჯიშვილი

ქვეყნის ჩემპიონმა „ბათუმმა“, რომელიც, ამავდროულად, მიმდინარე გათამაშების ლიდერიცაა, შინ მეოთხეადგილოსან თბილისის „აკადემიას“ უმასპინძლა და 26:10 დაამარცხა.

აკადემიელები 57-ე წუთამდე 10:5 იგებდნენ. თუმცა, ბათუმელთა რიგებში შეცვლაზე შესულმა ეროვნული ნაკრების წევრებმა, ლაშა ხმალაძემ და ალექსანდრე თოდუამ მასპინძელთა თამაში რადიკალურად შეცვალეს და შავიზღვისპირელებმა სამი ლელოს გატანა მოახერხეს, რითაც ერთი საპრემიო ქულაც მიიღეს.

არმაზი-ლელო        8:36

არმაზი: ლ - ხუროშვილი. ს - ჭიკაიძე

ლელო:  5ლ - ტაბუცაძე, მამამთავრიშვილი, მათიაშვილი, ნიქაბაძე, სიხარულიძე.

სინბინი: პერტაია

მსაჯი: სულხან ჩიხლაძე

თბილისის „ლელოს“ ერთ-ერთ აუტსაიდერთან მარნეულის „არმაზთან“ მატჩში პრობლემა არ შექმნია. ლელოელებმა მეტოქეს ხუთი ლელო გაუტანეს და საპასუხოდ მხოლოდ ერთი მიიღეს. ამდენად, თბილისურმა კლუბმა „ბათუმის“ მსგავსად, სატურნირო ცხრილში საპრემიო ქულაც დაიმატა.

ხარები-ჯიქი 38:7

ხარები: 6ლ - აღაშვილი, თაბუკაშვილი (3), ბებიაშვილი, პეტრიაშვილი. 4გ - ნათელაშვილი.

ჯიქი: ლ - ნადირაძე. ჯინჭველაშვილი.

სინბინი: ხანთაძე, ეფრემიძე

მსაჯი: სულხან ჩიხლაძე

რუსთავის „ხარებმა“, რომელიც ლიდერს კვალში უდგას, გორის „ჯიქს“ უმასპინძლა და დამაჯერებლად სძლია - 38:7. მასპინძლები გორულ გუნდს 73-ე წუთამდე 33:0-ს უგებდნენ. დასკვნით შვიდ წუთში კი, ორივე გუნდმა თითო ლელო გაცვალა. რუსთაველებმა მეტოქეს ჯამში ექვსი ლელო გაუტანეს. აქედან სამი გარემარბ დათო თაბუკაშვილის ანგარიშზეა.

ლოკომოტივი-აია   12:20

ლოკომოტივი: ლ - შკინინი, გეგია. გ - გედახური

სინბინი: ძნელაძე

აია: 2ლ - ფურცხვნიძე, ხაბულიანი. 2ს, 2გ - ბაბუნაშვილი

სინბინი: ქიმუცაძე

მსაჯი: საბა აბულაშვილი

ქუთაისის „აიამ“ სტუმრად ქვეყნის ყველაზე ტიტულოვანი გუნდი, თბილისის „ლოკომოტივი“ 20:12 დაამარცხა. ამ გამარჯვების შემდეგ ქუთათურები სატურნირო ცხრილში მესამე ადგილზე დამკვიდრდნენ. რკინიგზელებს  კი, რთული დროება უდგათ. ქართული რაგბის გრანდმა ჩემპიონატში მე-8 მატჩი წააგო და ბოლოსწინა ადგილზეა. „ლოკომოტივს“, კიკეთის „იუნკერებს“ და მარნეულის „არმაზს“ 15-15 ქულა აქვთ და მათ შორის უმწვავესი ბრძოლა გაჩაღდება უმაღლეს ლიგაში დასარჩენად.

ქ(ს)
1. ბათუმი 12 8 2 2 118 42(6)
2. ხარები 12 8 1 3 103 40(6)
3. ლელო 12 8 1 3 99 40(6)
4. აია 12 6 2 4 115 35(7)
5. აკადემია 12 7 1 4 54 33(3)
6. ჯიქი 12 7 0 5 -49 29(1)
7.ყოჩები 12 2 3 7 -45 17(3)
8. არმაზი 12 3 1 8 -158 15(1)
9. ლოკომოტივი 12 3 1 8 -153 15(1)
10. იუნკერები 12 2 0 10 -84 15(7)

XIII ტური

28 თებერვალი

ლელო-ხარები

29 თებერვალი

აია-არმაზი

ლოკომოტივი-იუნკერები

1 მარტი

აკადემია-ყოჩები

ჯიქი-ბათუმი

275
მკითხველის კომენტარები / 0 /
მსგავსი ამბები
რუბრიკის სხვა სიახლეები
;