თბილისში ნიუკასლს და ლონდონ აირიშს ველით

ყველაზე პრესტიჟულ ევროპულ საკლუბო ტურნირზე, ჩემპიონთა თასის გათამაშებაში ჯგუფური ეტაპის დასრულებამდე ერთი ტურიღა დარჩა.

პირველ ადგილზე მყოფ ორ "ქართულ გუნდს" პლეი ოფში გასვლის კარგი შანსი აქვს. ესენია: "ტულონი" და "კლერმონი". საუკეთესო სამ მეორეადგილოსანს შორის კი, შესაძლოა, "მეტრო რასინგი", "ლა როშელი" და "მონპელიე" მოხვდნენ.

E ჯგუფში მოასპარეზე მამუკა გორგოძისა და ლევან ჩილაჩავას "ტულონმა" შინ იოლად დაამარცხა აუტსაიდერი, იტალიური "ბენეტონი" - 36:0 და პირველ ადგილს ინარჩუნებს.

მისი მეტოქე ბოლო ტურში უშუალო კონკურენტი, უელსური "ჰლანეჰლი" იქნება, რომელსაც ტულონელები სტუმრად დაუპირისპირდებიან. ქართველ მორაგბეებს ტრავმების გამო, ამ მატჩში არ უთამაშიათ.

B ჯგუფში ლიდერი დავით ზირაქაშვილის, ოთარ გიორგაძის, ვიქტორ კოლელიშვილისა და ბექა კაკაბაძის "კლერმონი" სტუმრად დამარცხდა ინგლისურ "ნორსჰემპთონთან" - 21:34.

"ვულკანები" ბოლო ტურში შინ ეთამაშებიან მეორეადგილოსანს, უელსურ "ოსფრიზს" და, გამარჯვების შემთხვევაში, პლეი ოფში პირველი ადგილიდან გავლენ.
"ნორსჰემპთონთან" მატჩში ზირაქაშვილი და კოლელიშვილი თამაშში 61-ე წუთიდან ჩაერთნენ.

მიხეილ ნარიაშვილის, კონსტანტინე მიქაუტაძის, დავით ქუბრიაშვილისა და გელა აფრასიძის "მონპელიე" სტუმრად დაუპირისპირდა ინგლისის ჩემპიონ "ექსეტერს" და 10:41 დამარცხდა.

აფრასიძემ 69 წუთი ითამაშა და გუნდი ორჯერ იხსნა გარდაუვალი ლელოსგან. ნარიაშვილი 45-ე წუთზე შეცვალეს, მიქაუტაძემ კი მოედანი 62-ე წუთზე დატოვა. ქუბრიაშვილი ტრავმირებულია.

"მონპელიე", მიუხედავად იმისა, რომ ჯგუფში მესამე ადგილზეა, მაინც ინარჩუნებს მომდევნო ეტაპზე გასვლის შანსს.

დაძაბული ბრძოლა ბოლო ტურამდე გაგრძელდება A ჯგუფში, სადაც ლექსო ყაულაშვილის "ლა როშელი" ასპარეზობს. ჩვენებურის გუნდი სტუმრად დამარცხდა ირლანდიურ "ალსტერთან" 13:20 და ლიდერობა დაკარგა. ყაულაშვილს არ უთამაშია.

მეორე ადგილზეა D ჯგუფში მოასპარეზე ვასილ კაკოვინის "მეტრო რასინგიც", რომელმაც შინ შეძლო ჯგუფის ლიდერის, ირლანდიური "მანსტერის" დამარცხება - 34:30. კაკოვინი თამაშში 52-ე წუთიდან ჩაერთო.

"ლა როშელსა" და "მეტრო რასინგს" შემდეგ ეტაპზე გასვლისთვის აუცილებლად გამარჯვება სჭირდებათ.

ჩემპიონთა თასი
V ტური

A ჯგუფი
ალსტერი-ლა როშელი 20:13
ჰარლიქვინზი-ვოსფსი 33:28

1. ალსტერი - 17 ქულა, 2. ლა როშელი - 16, 3. ვოსფსი - 12, 4. ჰარლიქვინზი - 7.

VI ტური
ვოსფსი-ალსტერი
ლა როშელი-ჰარლიქვინზი

B ჯგუფი
ნორსჰემპთონი-კლერმონი 34:21
ოსფრიზი-სარასენზი 15:15

1. კლერონი - 18 ქულა, 2. ოსფრიზი - 15, 3. სარასენზი - 13, 4. ნორსჰემპთონი - 6.

VI ტური
კლერმონი-ოსფრიზი
სარასენზი-ნორსჰემპთონი

C ჯგუფი
ექსეტერი-მონპელიე 41:10
ლენსტერი-გლაზგო 55:19

1. ლენსტერი - 23 ქულა, 2. ექსეტერი - 14, 3. მონპელიე - 13, 4. გლაზგო - 2

VI ტური
გლაზგო-ექსეტერი
მონპელიე-ლენსტერი

D ჯგუფი
მეტრო რასინგი-მანსტერი 34:30
კასტრი-ლესტერი 39:0

1. მანსტერი - 16 ქულა, 2. რასინგი - 15, 3. კასტრი - 12, 4. ლესტერი - 6

VI ტური
მანსტერი-კასტრი
ლესტერი-მეტრო რასინგი

E ჯგუფი
ბასი-ჰლანეჰლი 17:35
ტულონი-ბენეტონი 36:0

1. ტულონი - 18 ქულა, 2. ჰლანეჰლი - 17, 3. ბასი - 13, 4. ბენეტონი - 3.

VI ტური
ჰლანეჰლი-ტულონი
ბენეტონი-ბასი

* * *

რანგით მეორე ევროპული ტურნირის, "ჩელენჯ კაპის" გათამაშებაში ქართველ მორაგბეთა გუნდები, ჩემპიონთა თასთან შედარებით, გაცილებით უარესად გამოდიან.

მომდევნო ეტაპზე გასვლის შანსს "ბორდო", "ბრივი" და "სტად ფრანსე" ინარჩუნებენ და ამას იმ შემთხვევაში მიაღწევენ, თუ მეორეადგილოსნებს შორის საუკეთესო მაჩვენებლები ექნებათ.

მიხეილ წიკლაურის, გიორგი ფრუიძის, ლაშა მალაღურაძის და სოსო მათიაშვილის "კრასნი იარმა", რომელიც D ჯგუფში ასპარეზობს, ინგლისში, ლაშა ლომიძის "ლონდონ აირიშთან" მატჩში კინაღამ სენსაცია გამოაცხო.

ჩვენებურთა გუნდმა მეტოქეს პირველი ტაიმი 10:7 მოუგო. ათივე ქულა გუნდს ქართველებმა მოუტანეს. მე-7 წუთზე ლელო ფრუიძემ გაიტანა, რომელიც მალაღურაძემ გარდასახა. მანვე ტაიმის მიწურულს საჯარიმოც გაიტანა.

მეორე ტაიმში მოედანზე ვითარება რადიკალურად შეიცვალა და ინგლისურმა კლუბმა მატჩი 47:17 მოიგო. მალაღურაძის ანგარიშზე კიდევ ერთი გარდასახვაა.
ამავე ჯგუფში, ზურაბ ჟვანიასა და გიორგი მელიქიძის "სტად ფრანსე" სტუმრად დამარცხდა შოტლანდიურ "ედინბურგთან" - 33:34.

ქართველი შერკინების ბურჯი გიორგი მელიქიძე თამაშში 66-ე წუთიდან ჩაერთო და ექვს წუთში ლელო გაიტანა. ჟვანია ასევე თადარიგში იყო და მოედანზე მე-60 წუთიდან გამოჩნდა.

A ჯგუფის ბინადარმა, ლაშა ტაბიძის "ბორდომ" შინ უელსურ "ნიუპორტს" სძლია 36:28 და ახლა ჯგუფში მეორე ადგილზეა. ჩვენებურთა გუნდი ბოლო მატჩს ისევ "ნიუპორტთან" გამართავს, ოღონდ სტუმრად. ტაბიძე თადარიგში იყო და მოედანზე 67-ე წუთიდან გამოჩნდა.

კარლენ ასიეშვილის, სოსო ბეკოშვილისა და ვასილ ლობჟანიძის "ბრივმა", რომელიც E ჯგუფში ასპარეზობს, სტუმრად დაამარცხა აუტსაიდერი "ოიონაქსი" - 29:19 და ბოლო ტურში შინ მასპინძლობს უშუალო კონკურენტს, ინგლისურ "ვორსტერს".

ლობჟანიძე თამაშში 41-ე წუთიდან ჩერთო, ბეკოშვილი მოედანზე 56-ე წუთიდან გამოჩნდა.

სრულიად უშანსოდაა ჩ ჯგუფში მოასპარეზე ვახტანგ ახობაძის, გიორგი თეთრაშვილისა და თამაზ მჭედლიძის "აჟენი", რომელმაც შინ წააგო ინგლისურ "გლოსტერთან" - 24:45.

ახობაძე ძირითად შემადგენლობაში იყო და 52-ე წუთზე შეცვალეს, თეთრაშვილი თამაშში 45-ე წუთიდან ჩაერთო.

A ჯგუფის ბინადარს, დავით კაჭარავასა და მიხეილ გაჩეჩილაძის "ენისეის" მონაგარი ჯერაც ერთი ქულაა. ჩვენებურთა ამ გუნდმა სტუმრად წააგო ინგლისში "ნიუკასლთან" - 7:64. ორივე ქართველი ძირითად შემადგენლობაში იყო.

შეგახსენებთ, რომ 20 იანვარს "კრასნი იარი" და "ენისეი" ჩელენჯ კაპის ბოლო ტურის მატჩებს თბილისში, "ავჭალის სარაგბო სტადიონზე" შესაბამისად, "ლონდონ აირიშთან" და "ნიუკასლთან" გამართავენ.

ჩელენჯ კაპი
V ტური

A ჯგუფი
ბორდო-ნიუპორტი 36:28
ნიუკასლი-ენისეი 64:7

1. ნიუკასლი - 23 ქულა, 2. ბორდო - 16, 3. ნიუპორტი - 11, 4. ენისეი - 1

VI ტური
ენისეი-ნიუკასლი
ნიუპორტი-ბორდო

B ჯგუფი
სეილ შარქსი-ლიონი 15:13
კარდიფი-ტულუზი 18:13

1. კარდიფი - 17 ქულა, 2. სეილ შარქსი - 11, 3. ლიონი - 10, 4. ტულუზი - 9

VI ტური
ლიონი-კარდიფი
ტულუზი-სეილ შარქსი

C ჯგუფი
აჟენი-გლოსტერი 24:45
პო-ზებრე 42:14

1. პო - 24 ქულა, 2. გლოსტერი - 21, 3. აჟენი - 6, 4. ზებრე - 3.

VI ტური
გლოსტერი-პო
ზებრე-აჟენი

D ჯგუფი
ედინბურგი-სტად ფრანსე 34:33
ლონდონ აირიში-კრასნი იარი 47:17

1. ედინბურგი - 24 ქულა, 2. სტად ფრანსე - 13, 3. ლონდონ აირიში - 11, 4. კრასნი იარი - 5.

VI ტური
სტად ფრანსე-ედინბურგი
კრასნი იარი-ლონდონ აირიში

E ჯგუფი
ვორსტერი-ქონოთი 24:24
ოიონაქსი-ბრივი 19:29

1. ქონოთი - 21 ქულა, 2. ვორსტერი - 15, 3. ბრივი - 12, 4. ოიონაქსი - 4

VI ტური
ბრივი-ვორსტერი
ქონოთი-ოიონაქსი

ყოველდღიური სპორტული გაზეთი "ლელო"
784
მკითხველის კომენტარები / 0 /
მსგავსი ამბები
რუბრიკის სხვა სიახლეები