რაგბი. ევროთასები. რუმინეთიდან გაგახარებთ!

საქართველოს ვიცე-ჩემპიონი "ბათუმი" რუმინეთში გაემგზავრა. "კონტინენტის ფარის" პლეი ოფის განმეორებით მატჩში ქართული გუნდი კლუჟში ამ ქვეყნის ჩემპიონს, "ტიმიშოარას" დაუპირისპირდება.

ბათუმელებმა პირველი მატჩი შინ ხუთი ქულის სხვაობით დათმეს - 6:11. სამწუხაროდ, ტრავმა ვერ მოიშუშა და ისევ ვერ ითამაშებს შუამარბი ბექა ურჯუკაშვილი. სამაგიეროდ, ისევ მწყობრში ჩადგა პირველხაზელი ტარიელ დონაძე.

"ექიმებმა კარგად იმუშავეს და ტარიელ დონაძე უმოკლეს დროში ფეხზე დააყენეს. ტრავმა მოიშუშა და ითამაშებს ალექსი ტუჩაშვილიც. ბევრად უკეთ გრძნობს თავს ბექა მამრიკიშვილი და რუმინეთში სასტარტოში იქნება.

ვიდეო-ანალიზის შემდეგ სამი დღე ჩვენი შეცდომების გამოსწორებას დავუთმეთ. ვფიქრობთ, რომ კარგ ფორმაში ვართ და რუმინეთიდან რაგბის ქართველ ქომაგს გავახარებთ" - თქვა რაგბის კავშირის საიტთან საუბრისას "ბათუმის" მთავარმა მწვრთნელმა დავით გუგუშვილმა.

ხუთ ქულაზე მეტი სხვაობით გამარჯვების შემთხვევაში "ბათუმი" კონტინენტის ფარის ორრაუნდიან ნახევარფინალში გერმანული "ჰაიდელბერგისა" და იტალიური "კალვიზანოს" წყვილს შორის გამარჯვებულს შეხვდება. პირველი მატჩი შინ გერმანელებმა ასევე ხუთი ქულით 34:29 მოიგეს.

ბათუმი: 15. ბახვა კობახიძე, 14. ნიკა ნინიძე, 13. დავით ტრაპაიძე, 12. გიორგი გოგიტიძე, 11. ალექსანდრე ტუჩაშვილი, 10. ლაშა ხმალაძე, 9. ზურაბ თუთბერიძე;

1. ზურაბ ერისთავი, 2. ბექა მამრიკიშვილი, 3. ტარიელ დონაძე, 4. არჩილ ალიქაძე, 5. სანდრო ქოიავა, 6. ვანო ფუტკარაძე, 7. გიორგი თხილაიშვილი, 8. ხვიჩა ბუჯიაშვილი;

მარქაფა: 16. გიორგი თედორაძე, 17. ირაკლი კვანტიძე, 18. შოთა გოგისვანიძე, 19. ამირან მიქაძე, 20. ჯონდი კორტავა, 21. დურმიშხან ჯაბნიძე, 22. მანუჩარ გრიგოლია, 23. ნუკრი ფერსელიძე.

ყოველდღიური სპორტული გაზეთი "ლელო"
1713
მკითხველის კომენტარები / 1 /
სოსო
0
სამწუხაროდ სწორედ ანალიზის ხარისხით გვაჯობეს რუმინელებმა პირველ რიგში.მთლიანად გაშიფრეს ჩვენი აუტები,ჩვენ კი ვერც ერთი მეტოქის აუტი ვერ ავიღეთ.მეტოქემ შეძლო ჩვენი ლიდერების მთლიანი ან ნაწილობრივი გაუვნებლება და ამით კიდევ უფრო გაზარდეს უპირატესობა,ჩვენ კი ვერც ერთ კომპონენტში ვერ მოვუმატეთ.გასაგებია,რომ რესურსები ძალიან შეზღუდული გვქონდა,მაგრამ რაღაცეების გამოსწორება,ალბათ შეიძლებოდა,თუნდაც ბურთიან კაცზე მიყოლა მაინც და ხაზზეც ძალიან ხშირად ვირეოდით.ამას ყველაფერს ბრაზით არ ვამბობ,გამოცდილება ყველას აკლდა,მწვრთნელსაც და მოთამაშესაც,რესურსიც შეზღუდული ჰქონდა კლუბს და პირველი გასვლისათვის ამდენსაც ალბათ არავინ ელოდა,მაგრამ მადა ჭამაში მოვიდა და შანსები მართლა გვქონდა...თუმცა პირველი გაცნობა შესდგა და მომავალში ალბათ სხვა გუნდებიც გარისკავენ ამ ტურნირში ჩართვას,ეს ხომ ჩვენი წინსვლისათვის საუკეთესო საშუალებაა,სხვანაირად ქართული საკლუბო რაგბი ვერ განვითარდება.
ბათუმს და ბათუმელებს ვულოცავ ამ მაინც წარმატებულ გამოსვლას და ახალი სტადიონის მშენებლობის დაწყებას,იმედია ბათუმის ფეხბურთელთა გუნდი სტადიონის გახსნისათვის უკვე მკვდრეთით აღმდგარი იქნება,აჭარის გარეშე საქართველოს ჩემპიონატი,ჩემპიონატი ვერ იქნება.
მსგავსი ამბები
რუბრიკის სხვა სიახლეები
;