ბორჯღალოსნები ევროპას 10 თებერვალს ბელგიით დაიწყებენ

საქართველოს ნაკრები რაგბი ევროპის ჩემპიონატის პირველ მატჩს 10 თებერვალს ბელგიის ნაკრებთან გამართავს.

რაგბის კავშირის გადაწყვეტილებით, ეს მატჩი ქუთაისში, "აია არენაზე" გაიმართება და 15 საათზე დაიწყება.

"ბორჯღალოსნები" ქუთაისიდან გერმანიაში გაემგზავრებიან და რაგბი ევროპის ჩემპიონატის მეორე ტურში მასპინძლებს 17 თებერვალს ეთამაშებიან. შეხვედრა თბილისის დროით 17 საათსა და 30 წუთზე დაიწყება.

10 მარტს რუსეთის ნაკრებთან სტუმრად ვთამაშობთ, თუმცა მატჩის გამართვის დრო და ადგილი უცნობია. იქამდე კი, ერთი კვირით ადრე, ესპანეთის ნაკრებს ვაკის სტადიონზე მივიღებთ.

რაგბი ევროპის ჩემპიონატის ბოლო ტურში საქართველოს ნაკრები ტრადიციულ მეტოქეს, რუმინეთის ეროვნულ გუნდს "ეროვნულ სტადიონზე" დაუპირისპირდება.

ამ მატჩში, სავარაუდოდ, რაგბი ევროპის ჩემპიონის ტიტულის მფლობელი გამოვლინდება. თბილისში უნდა დავაბრუნოთ "ანთიმოზ ივერიელის" თასიც. შეხვედრა 18 მარტს გაიმართება.

ყოველდღიური სპორტული გაზეთი "ლელო"
1231
მკითხველის კომენტარები / 0 /
მსგავსი ამბები
რუბრიკის სხვა სიახლეები
;