რაგბი. ვინ იქნება საქართველოს ნაკრების მეოთხე მეტოქე მსოფლიო თასზე?

საქართველოს ნაკრების ბოლო, მეოთხე მეტოქის ვინაობა 2019 წლის მსოფლიოს თასის ჯგუფურ ეტაპზე, თებერვლის დასაწყისში გაირკვევა.

კანადისა და ურუგვაის ნაკრებები პლი ოფის პირველ მატჩს მომავალ უქმეებზე ვანკუვერში გამართავენ.ერთი კვირის თავზე კი საპასუხო შეხვედრა ურუგვაიში გაიმართება.

კანადელები მომავალი ბატალიებისთვის ინგლისში ემზადებოდნენ "ჰარიქვინზთან" და "ოქსფორდის" უნივერსიტეტის სარაგბო გუნდებთან ერთად. გუნდის უელსელი მთავარი მწვრთნელი კინგსლი ჯონსი გუნდის მზადყოფნით კმაყოფილია.

თუმცა იცის, რომ მეტოქე ამბიცური და საკმაოდ სტაბილური გუნდია, რომელსაც ასევე არანაკლები შანსი აქვს მსოფლიოს თასის საგზური მოიპოვოს. კინგსლი ჯონსმა 30 მორაგბეს უხმო და თითქმის ოპტიმალურ შემადგენლობას მოუყარა თავი.

ამასობაში, ურუგვაელთა თავკაცმა ესტებან მენესესმა ვანკუვერში 26 მორაგბე იახლა. სამხრეთამერიკელები უკვე კანადაში არიან და მომავალი მნიშვნელოვანი მატჩისთვის მზადებას ადგილზე განაგრძობენ.

ერთი სიტყვით, 3 თებერვალს უკვე დანამდვილებით გვეცოდინება, ამ ორი გუნდიდან რომელი იქნება "ბორჯღალოსნების" მომავალი მეტოქე.

შეგახსენებთ, რომ საქართველოს ნაკრების მეტოქეები 2019 წლის მსოფლიოს თასზე ჯგუფურ ტურნირში ავსტრალიის, უელსისა და ფიჯის ნაკრებები არიან.

კანადა
ტაილერ არდრონი, რეი ბერკვილი, ბრეტ ბუკებუმი, ნიკ ბლევინსი, კონორ ბრედი, უბერ ბაიდენსი, ლუკ კემპბელი, ადმირ სეივანოვიჩი, ჯუზეპე დუ ტუა, ენდრიუ ფერგიუსონი,

ჯეფ ჰესლერი, მეთ იტონი, ჯეკ აილნიკი, კოლ ქისი, მარტიალ ლეგეინი, ჯოშ ლარსენი, ბენ ლესაგი, კაინოა ლოიდი, ენტონი ლუკა, ფილ მაკი, გორდონ მაკრორი,

ევან ოლმსტედი, პატრიკ პერფრეი, ტეილორ პერისი, ბენია პიფერო, ლუკას რამბელი, ჯასტის სირ-დურუ, ბროკ სტელერი, მეთ ტირნი, დი თი ეიჩ ფან დერ მერვე.

ურუგვაი
ხერმანლბანელი, სანტიაგო არატა, მატიას ბენიტესი, ფელიპე ბერხესი, როდრიგო კაპო, ხუან მანუელ კატი, მანუელ დიანა, იგნასიო დოტი, ხუან ეჩევერია,

ნიკოლას ფრეიტასი, ხაუან მანუელ გამინარა, როდოლფო გარესე, ხემან კესლერი, მანუელ ლინდეკარი, ფრანკო ლამანა, ლეანდრო ლეივასი, დეიგო მანო, გასტომ მიერესი,

ალეხანდრო ნიეტო, აგუსტინ ორმაჩეა, კარლოს პომბო, ხოაკიმ პრადა, მარიო საგარიო, მატეო სანგვინეტი, როდრიგო სილვა, ანდრეს ვილასეკა.

ყოველდღიური სპორტული გაზეთი "ლელო"
962
მკითხველის კომენტარები / 0 /
მსგავსი ამბები
რუბრიკის სხვა სიახლეები