რაგბი. ზაფხულის თასი. გიორგი შკინინი და სხვები

* 28 ივლისს თბილისში "ზაფხულის თასი" იწყება.
* გაფართოებულ სიაში მხოლოდ ორი ჩემპიონი მოხვდა.
* სიის მხოლოდ 4 მორაგბეს აქვს "ბორჯღალოსნების" რიგებში
თამაშის გამოცდილება.
* ყველაზე გამოცდილი "ლოკომოტივის" უკანახაზელი
გიორგი შკინინია - 38 კეპი.
* პირველ მატჩში საქართველოს XV გუნდი არგენტინის XV-ს
დაუპირისპირდება.

საქართველო XV 28 ივლისს "ზაფხულის თასზე", რომელიც წლეულს თბილისში პირველად გაიმართება, არგენტინა XV-ს დაუპირისპირდება. გუნდის მთავარმა მწვრთნელმა ბესიკ ხამაშურიძემ ამ ტურნირისთვის 34 მორაგბეს უხმო.

ჩვენი გუნდის გაფართოებულ შემადგენლობაში 19 მორკინალი და 15 უკანახაზელია. ყველაზე ბევრი, 9-9 მოთამაშე თბილისის "ლელოდან" და გორის "ჯიქიდანაა", 6 მორაგბითაა წარმოდგენილი ქუთაისის "აია"", სამით მარნეულის "არმაზი", ორი-ორი მორაგბეა "ბათუმიდან", რუსთავის "ხარებიდან" და ქვეყნის ჩემპიონ თბილისის "ლოკომოტივიდან", ერთიც თბილისის "აკადემიიდან".

34-კაციან სიაში ოთხი ისეთი მორაგბეა, რომელთაც სხვადასხვა დროს "ბორჯღალოსანთა" რიგებშიც უთამაშიათ. ყველაზე გამოცდილი გიორგი შკინინია, რომელსაც ნაკრების კვართით 38-ჯერ უთამაშია და 6 ლელო გაუტანია. "ბორჯღალოსნები" არიან გიორგი ჭყოიძე, გუგა შენგელია და ირაკლი სვანიძე.

სვანიძე საქართველოს 7-კაცა ნაკრებშიც თამაშობს, საიდანაც საქართველო XV-ში კიდევ სამი მორაგბეა - ილია სპანდერაშვილი, გიორგი ჭუაძე, აკაკი ტაბუცაძე.

"უმცროსი ბორჯღალოსნებიდან", რომლებმაც ცოტა ხნის წინ საფრანგეთში გამართულ მსოფლიო რაგბის 20-წლამდელთა ჩემპიონატზე სამი თამაში მოიგეს, საქართველო XV-ში ერთბაშად 8 მორაგბე მოხვდა: ლევან პაპიძე, ბექა საღინაძე, სანდრო მამამთავრიშვილი, მიხეილ ალანია, თედო აბჟანდაძე, დემურ თაფლაძე, სანდრო სვანიძე, ბექა მამუკაშვილი.

გუნდი "შევარდენის სანაკრებო ბაზაზე" ხვალ შეიკრიბება და ტურნირისთვის მზადებას დაიწყებს.

საქართველო XV

შერკინება: ჟორჟ სალდაძე, მიხეილ ბაბუნაშვილი, გელა შალამბერიძე (სამივე - აია), ლევან პაპიძე, გიორგი ჭყოიძე, ბექა საღინაძე, სანდრო მამამთავრიშვილი (ყველა - ლელო), გოგა ხუროშვილი, ილია სპანდერაშვილი (ორივე - არმაზი), მიხეილ ორაგველიძე, მიხეილ ფსუტური, გიორგი კაკაურიძე, არსენ ტრაპაიძე, გუგა შენგელია, ნიკოლოზ სუხაშვილი (ყველა - ჯიქი), ტარიელ დონაძე, ხვიჩა ბუჯიაშვილი (ორივე - ბათუმი), ფარნა გასვიანი (ლოკომოტივი), თორნიკე აქუბარდია (ხარები)

უკანა ხაზი: გიორგი მარგალიტაძე, დემურ თაფლაძე, რევაზ ჯინჯიხაძე, აკაკი ტაბუცაძე, ბექა მამუკაშვილი (ყველა - ლელო), დავით კლდიაშვილი, მიხეილ ალანია, ირაკლი სვანიძე (სამივე - ჯიქი), თედო აბჟანდაძე, დავით გობეჯიშვილი, თემურ ირემაძე (სამივე - აია), გურამ ქანდაურაშვილი (ხარები), სანდრო სვანიძე (არმაზი), გიორგი შკინინი (ლოკომოტივი), გიორგი ჭუაძე (აკადემია).

ზაფხულის თასი

28 ივლისი
საქართველო A-არგენტინა XV
მეტრო რასინგი-ბრაზილია

3 აგვისტო
საქართველო A-ბრაზილია
მეტრო რასინგი-არგენტინა XV

ყოველდღიური სპორტული გაზეთი "ლელო"
1454
მკითხველის კომენტარები / 0 /
მსგავსი ამბები
რუბრიკის სხვა სიახლეები
;