რაგბი. იტალია გვიფრთხის: ბორჯღალოსნები ექვს ერში ადგილის წასართმევად ჩამოდიანო!

10 ნოემბერს, თბილისის დროით 18 საათზე საქართველოს ნაკრები იტალიას ფლორენციაში დაუპირისპირდება.

კარსმომდგარ ორთაბრძოლასთან დაკავშირებით იტალიურ პრესაში ბევრი არაფერი იწერება, თუმცა რამდენიმე პუბლიკაციის მოძიება მაინც არის შესაძლებელი, სადაც იტალიის შემადგენლობასთან ერთად მატჩის შესახებ ჟურნალისტები საკუთარ აზრს გვაცნობენ.

გამოცემა "ლანაციონეში" ვკითხულობთ:

"სკუადრა აძურამ ბოლო მატჩი ირლანდიასთან გამართა და 7:54 დამარცხდა. ამის შემდეგ ჩვენს გუნდს გულშემატკივრის წინაშე რეაბილიტაციის შანსი საქართველოსთან ეძლევა - ფლორენციაში 10 ნოემბერს "არტემიო ფრანკის" სახელობის სტადიონი ქომაგით გაივსება.

იტალიის მეტოქე საქართველოს ნაკრები იქნება, რომელიც კლასიფიკაციაში "სკუადრა აძურასთან" ძალიან ახლოსაა (საქართველო რეიტინგში მეცამეტეა, იტალია - მეთოთხმეტე, - "ლელო"). აქედან გამომდინარე ბევრი ამ მატჩს განიხილავს, როგორც საქართველოს ნაკრების ექვს ერში მოხვედრის შანსს.

როგორ უნდა მოხვდნენ ქართველები ექვს ერში? - იტალია ჩაანაცვლონ, რაც "სკუადრა აძურამ" არ უნდა დაუშვას - უნდა მოიგოს და დაამტკიცოს, რომ მეტოქეზე წინაა. სწორედ ამიტომაა იტალიელთათვის საქართველოსთან მატჩი განსაკუთრებით მნიშვნელოვანი, მაშინ როცა ნოემბერში იტალიას ახალი ზელანდია და ავსტრალია სტუმრობენ."

1408
მკითხველის კომენტარები / 0 /
მსგავსი ამბები
რუბრიკის სხვა სიახლეები