რაგბი. კონტინენტის ფარი: ბათუმის ბოლო შანსი რუმინელებთან

* კონტინენტის ფარზე გუნდები ერთ ჯგუფში ირიცხებიან და მეორე ჯგუფის გუნდებს ეთამაშებიან.
* ბათუმი ჯგუფური ეტაპის ბოლო მატჩს შინ "ტიმიშოარასთან" თამაშობს.
* გამარჯვების შემთხვევაში, ქართული კლუბი პლეი ოფში გავა.

ევროპული რაგბის "კონტინენტის ფარის" ჯგუფური ეტაპის დასკვნით ტურში "ბათუმი" ხვალ რუმინეთის ჩემპიონ "ტიმიშოარას" უმასპინძლებს და გამარჯვების შემთხვევაში, პლეი ოფში თამაშის უფლებას მოიპოვებს.

"ტიმიშოარა" რუმინეთის ერთ-ერთი ყველაზე წარმატებული გუნდია. მასში მრავლად არიან ლეგიონერები სხვადასხვა სარაგბო ქვეყნებიდან. ხოლო, თავად რუმინელი მოთამაშეები ქვეყნის ეროვნული გუნდის წევრები არიან. ერთი სიტყვით, საკმაოდ ძლიერი გუნდია. რაც წლევანდელ ტურნირში მოპოვებული სამი გამარჯვებითაც დასტურდება.

"ტიმიშოარამ", როგორც უკვე ვთქვით, სამი მატჩიდან სამივე მოიგო და 13 ქულით A ჯგუფის ლიდერია. თუმცა "ბათუმთან" მარცხის შემთხვევაში, არსებობს თეორიული შანსი, რომ რუმინული კლუბი პლეი ოფის მიღმა დარჩეს.

"ბათუმს" მოგება შემდეგ ეტაპზე გაიყვანს. ჩვენმა გუნდმა სამიდან მხოლოდ ერთი მოიგო და ორი მართლაც სასწაულებრივად წააგო. ორივეში ნამდვილად შეეძლო გამარჯვების მიღწევა და ახლა, შემდეგ ეტაპზე თამაშის უფლება განაღდებული ექნებოდა.

"ბათუმელებს, რაც უნდა უცნაური იყოს, მარცხის შემთხვევაშიც შეუძლიათ შემდეგ ეტაპზე გასვლა. ამისთვის სამი გუნდიდან ("კალვიზანო", "პადოვა", "ლისაბონი") ორმა უნდა წააგოს. რაც შეუძლებელი სულაც არ არის, ვინაიდან პლეი ოფში გასვლის შანსს ტურნირში მონაწილე რვავე გუნდი ინარჩუნებს.

ბათუმი
15. ბახვა კობახიძე, 14. ალექსანდრე ტუჩაშვილი, 13. დავით ტრაპაიძე, 12. ბექა ურჯუკაშვილი, 11. ნიკა ნინიძე, 10. ლაშა ხმალაძე, 9. ზურაბ თუთბერიძე; 1. ზურაბ ერისთავი, 2. ბექა მამრიკიშვილი, 3. ტარიელ დონაძე, 4. ამირან მიქაძე, 5. სანდრო ქოიავა, 6. ვანო ფუტკარაძე, 7. გიორგი თხილაიშვილი, 8. ხვიჩა ბუჯიაშვილი.
16. გიორგი თედორაძე, 17. ირაკლი კვანტიძე, 18. შოთა გოგისვანიძე, 19. არჩილ ალიქაძე, 20. ნუკრი ფერსელიძე, 21. ჯონდი კორტავა, 22. გიორგი გოგიტიძე, 23. დურმიშხან ჯაბნიძე.

IV ტური
ბათუმი-ტიმიშოარა
კალვიზანო-როვიგო
პადოვა-ვიადანა
ლისაბონი-ჰაიდელბერგი

A ჯგუფი
თ მ ფ წ ბ ქ(პ)
1. ტიმიშოარა 3 3 0 0 +41 13(1)
2. როვიგო 3 2 0 1 +37 11(3)
3. ჰაიდელბერგი 3 2 0 1 -9 8(0)
4. ვიადანა 3 1 0 2 -28 6(2)

B ჯგუფი
თ მ ფ წ ბ ქ(პ)
1. ბათუმი 3 1 0 2 +9 8(4)
2. კალვიზანო 3 1 0 2 +21 7(3)
3. პადოვა 3 1 0 2 -3 6(2)
4. ლისაბონი 3 1 0 2 -68 4(0)

1603
მკითხველის კომენტარები / 0 /
მსგავსი ამბები
რუბრიკის სხვა სიახლეები
;