რაგბი. კონტინენტის ფარი: ბათუმი VS ვიადანა

საქართველოს ვიცე-ჩემპიონი "ბათუმი" დღეს იტალიაში გაემგზავრება, სადაც შაბათს, თბილისის დროით 18 საათზე, ევროპული რაგბის "კონტინენტის ფარის" გათამაშებაში "ვიადანას" დაუპირისპირდება.

ბათუმელები გამარჯვების შემთხვევაში, შესაძლოა, ჯგუფური ტურნირის დასრულებამდე ერთი ტურით ადრე გავიდნენ პლეი ოფში. ცხადია, ეს მისი კონკურენტების მიერ მიღწეულ შედეგებზეც იქნება დამოკიდებული.

"ბათუმი" ორ დღეზე მეტია ამ შეხვედრისთვის ინტენსიურად ემზადება. მიუხედავად იმისა, რომ გუნდში ტრავმების გამო სერიოზული პრობლემებია, მთავარი მწვრთნელი დავით გუგუშვილი მაინც იმედიანადაა:

"რთულ სიტუაციაში ვართ. საქართველოს ჩემპიონატის ბოლო, "არმაზთან" გამართული მატჩის შემდეგ, გუშინ, პირველად ივარჯიშეს ბახვა კობახიძემ, ბექა ურჯუკაშვილმა და დავით ტრაპაიძემ. უელსთან მიღებული ტრავმის შემდეგ ახლაღა შემოგვიერთდა და გუნდთან ერთად პირველად ივარჯიშა ლაშა ხმალაძემ.

ორი დაშავებული გვყავს შერკინებაშიც. მჯერა, რომ სამედიცინო გუნდი მაქსიმუმს გაიღებს, რათა შაბათისთვის ყველა მწყობრში იყოს. ტრავმების სირთულიდან გამომდინარე, მათი უმოკლეს ვადებში სრულად განკურნება შეუძლებელია, თუმცა იტალიაში ყველა ეს მოთამაშე მიგვყავს და გარკვეული დროით მაინც, ისინი მოედანზე იქნებიან. ჩვენ სხვა არჩევანი, უბრალოდ, არ გვაქვს". - თქვა მან.

ბათუმელთა მეტოქე "ვიადანამ" ორი თამაშიდან ორივე წააგო და ახლა 1 ქულით ბოლო ადგილზეა. იტალიურმა გუნდმა ჯერ შინ ვერაფერი გააწყო პორტუგალიის" უნივერსიტეტთან" - 14:19. მერე კი სტუმრად დამარცხდა "როვიგოსთან" 14:41.

შეგახსენებთ, რომ "ბათუმმა" პირველ ტურში სტუმრად წააგო "როვიგოსთან" - 27:31. მერე კი შინ სძლია გერმანიის უძლიერეს გუნდ "ჰაიდელბერგს" - 33:16.

ბათუმი
შერკინება: ირაკლი კვანტიძე, ბექა მამრიკიშვილი, გიორგი თედორაძე, ტარიელ დონაძე, შოთა გოგისვანიძე, ამირან მიქაძე, სანდრო ქოიავა, გიორგი თხილაიშვილი, არჩილ ალიქაძე, ხვიჩა ბუჯიაშვილი, გიორგი მენაბდე, მურმან ჯიჯავაძე, ზურა ერისთავი, ვანო ფუთკარაძე, ჯონდი კორტავა, ზურა ბეჟანიძე, ნუკრი ფერსელიძე;
უკანა ხაზი: ბახვა კობახიძე, ალექსანდრე ტუჩაშვილი, გიორგი გოგიტიძე, ბექა ურჯუკაშვილი, დურმიშხან ჯაბნიძე, ლაშა ხმალაძე, ზურა თუთბერიძე, ნიკა ნინიძე, მანუჩარ გრიგოლია, დათო ტრაპიძე.

III ტური

9 დეკემბერი
ვიადანა-ბათუმი
ტიმიშოარა-კალვიზანო
ჰაიდელბერგი-პადოვა
როვიგო-ლისაბონი

A ჯგუფი
თ მ ფ წ ბ ქ პ
1. ტიმიშოარა 2 2 0 0 +39 9 1
2. როვიგო 2 1 0 1 -1 6 2
3. ჰაიდელბერგი 2 1 0 1 -13 4 0
4. ვიადანა 2 0 0 2 -32 1 1

B ჯგუფი
თ მ ფ წ ბ ქ პ
1. ბათუმი 2 1 0 1 +13 7 3
2. კალვიზანო 2 1 0 1 +23 6 2
3. პადოვა 2 1 0 1 +1 5 1
4. ლისაბონი 2 1 0 1 -30 4 0

ყოველდღიური სპორტული გაზეთი "ლელო"
1623
მკითხველის კომენტარები / 0 /
მსგავსი ამბები
რუბრიკის სხვა სიახლეები
;