რაგბი. ბათუმმა ტიმიშოარა დაამარცხა და 1/4-ფინალში გავიდა

"კონტინენტის ფარის" გათამაშების ჯგუფური ეტაპის ბოლო ტურში "ბათუმმა" რუმინეთის უძლიერესი კლუბი, "ტიმიშოარა" მიიღო და 20:17 დაამარცხა.

შედეგად, ბათუმელები B ჯგუფში მეორე ადგილზე გავიდნენ და მომდევნო ეტაპზე გავიდნენ, სადაც ისევ "ტიმიშოარას" დაუპირისპირდებიან.

პლეი ოფის მატჩები 2018 წლის იანვარში ჩატარდება და პირველ შეხვედრაში "ბათუმი" მასპინძელია. ეს მატჩი 13 იანვარს გაიმართება.

მერე, ერთი კვირის თავზე რუმინეთს ეწვევა და ორი თამაშის ჯამში გამარჯვებული "კონტინენტის ფარის" ფინალში გავა, სადაც მისი მეტოქე იტალიის ჩემპიონ "კალვიზანოსა" და "ჰაიდელბერგის" წყვილს შორის გამარჯვებული იქნება.

1103
მკითხველის კომენტარები / 0 /
მსგავსი ამბები
რუბრიკის სხვა სიახლეები
;