რაგბი. ლეგიონერების ორი ლელო, ორიც სიმბოლურში

საფრანგეთის სარაგბო ჩემპიონატის ელიტურ, პირველ დივიზიონში მე-17 ტურის შემდეგ პლეი ოფში გასვლის შანსს ქართველ მორაგბეთა ოთხი გუნდი ინარჩუნებს. ესენია: „კლერმონი“, „ბორდო“, „სტად ფრანსე“ და „რასინგი“.

ჩვენებურთა გუნდებიდან საუკეთესო მაჩვენებელი დავით ზირაქაშვილის, ბექა კაკაბაძისა და ვიქტორ კოლელიშვილის „კლერმონს“ აქვს. „ვულკანებმა“ ამჯერად სტუმრად ითამაშეს უშუალო კონკურენტ „ლიონთან“ და 13:19 დამარცხდნენ. ზირაქაშვილი ძირითად შემადგენლობაში იყო და 68-ე წუთზე შეცვალეს. კაკაბაძე მოედანზე 52-ე წუთიდან გამოჩნდა.

ბექა გორგაძის, ლაშა ტაბიძისა და ლექსო ყაულაშვილის „ბორდომ“ დავით ქუბრიაშვილისა და ბექა გიგაშვილის „გრენობლს“ უმასპინძლა და 47:31 დაამარცხა. ქართველთაგან მხოლოდ დავით ქუბრიაშვილმა ითამაშა, რომელიც მოედანზე 33-ე წუთიდან გამოჩნდა.

გიორგი მელიქიძის „სტად ფრანსემ“, რომელმაც წინა ტურში შინ წააგო, ამჯერად, მოულოდნელად სტუმრად დაამარცხა „ლა როშელი“ - 14:27. მელიქიძეს არ უთამაშია.

ვასილ კაკოვინის, გურამ გოგიჩაშვილისა და გია ხარაიშვილის „რასინგმა“ სტუმრად წააგო „კასტრთან“ - 9:18. გოგიჩაშვილი თამაშში 65-ე წუთიდან ჩაერთო, ხარაიშვილი მოედანზე 13 წუთის შემდეგ გამოჩნდა.

მიხეილ ნარიაშვილის, ლევან ჩილაჩავას, კონსტანტინე მიქაუტაძისა და უშანგი ჭეიშვილის „მონპელიემ“ სტუმრად წააგო გათამაშების ლიდერ „ტულუზთან“ - 14:27. მიქაუტაძე მატჩის 23-ე წუთზე არბიტრმა სინბინში გაუშვა და 57-ე წუთზე შეცვალეს. ჭეიშვილი ძირითად შემადგენლობაში იყო და 48-ე წუთზე ნარიაშვილმა შეცვალა, იმავდროულად, მოედანი ჩილაჩავამაც დატოვა.

მამუკა გორგოძის „ტულონმა“ შინ დაამარცხა „პო“ 38:11. გორგოძე თადარიგში იყო და თამაშში 61-ე წუთიდან ჩაერთო.

I დივიზიონი
XVII ტური
ბორდო-გრენობლი 47:31, პერპინიანი-აჟენი 13:20, ტულონი-პო 38:11, ტულუზი-მონპელიე 27:14, ლა როშელი-სტად ფრანსე 14:27, კასტრი-რასინგი 18:9,

ლიონი-კლერმონი 19:13
სატურნირო მდგომარეობა
1. ტულუზი - 62 ქულა, 2. კლერმონი - 56, 3. ლიონი - 52, 4. ლა როშელი - 51, 5. ბორდო - 48, 6. სტად ფრანსე - 46, 7. კასტრი - 45, 8. რასინგი - 41, 9. მონპელიე - 33, 10. ტულონი - 33, 11. პო - 29, 12. აჟენი - 25, 13. გრენობლი - 20, 14. პერპინიანი - 8

მეორე დივიზიონში 22-ე ტურის შეხვედრები ორი ქართული ლელოთი გამოირჩა. ამასთან ერთად შალვა სუთიაშვილი (ანგულემი) და ბექა შეყლაშვილი (კოლომიე) ტურის სიმბოლურ ნაკრებში მოხვდნენ.

შეყლაშვილის „კოლომიემ“ შინ შეძლო ერთ-ერთი აუტსაიდერის „ბურგ ან ბრესის“ დამარცხება 29:19. შეყლაშვილმა ლელო 32-ე წუთზე გაიტანა და 54-ე წუთზე შეცვალეს.

შალვა სუთიაშვილის „ანგულემმა“ შინ დაამარცხა ლიდერთა ჯგუფის წარმომადგენელი თორნიკე მატარაძის და გურამ პაპიძის „ნევერი“ - 40:15. სუთიაშვილმა სრულად ითამაშა და გუნდში საუკეთესო იყო, მატარაძე და პაპიძე თამაშში ერთდროულად, 52-ე წუთიდან ჩაერთნენ.

მერაბ შარიქაძის, გიორგი ცუცქირიძის, გიორგი ჯავახიას, ვანო კარკაძის, ბექა საღინაძისა და გიორგი ვეფხვაძის „ორიაკმა“ შინ დაამარცხა ილია კაიკაციშვილის „მასი“ - 31:18. ქართველებიდან მხოლოდ კაიკაციშვილმა ითამაშა, რომელიც თამაშში 33-ე წუთიდან ჩაერთო და 57-ე წუთზე ლელო მიითვალა.

კარლენ ასიეშვილის, ვასილ ლობჟანიძის, ლუკა გოგინავას, ოთარ გიორგძის და სოსო ბეკოშვილის „ბრივმა“ შინ დაამარცხა ნიკა ნეფარიძის „ვანი“ - 61:14. ტრავმამოშუშებული ასიეშვილი ძირითად შემადგენლობაში იყო და 36-ე წუთზე შეცვალეს. ბრიველი ქართველებიდან მხოლოდ მან ითამაშა. ძირითად შემადგენლობაში იყო ნეფარიძეც, რომელიც 55-ე წუთზე შეცვალეს.

II დივიზიონი
XXII ტური
ბაიონი-ბეზიე 21:15, ორიაკი-მასი 31:18, კოლომიე-ბურგ ან ბრესი 29:19, მონ დე მარსანი-მონტობანი 16:10, ოიონაქსი-კარკასონი 38:10, პროვანი-ბიარიცი 23:13, ბრივი-ვანი 61:14, ანგულემი-ნევერი 40:15

სატურნირო მდგომარეობა
1. ბაიონი - 69 ქულა, 2. ოიონაქსი - 66, 3. ნევერი - 64, 4. ბრივი - 63, 5. მონ დე მარსანი - 58, 6. ბეზიე - 56, 7. პროვანსი - 54, 8. ვანი - 50, 9. ანგულემი - 50, 10. ბიარიცი - 49, 11. კარკასონი - 47, 12. ორიაკი - 47, 13. მონტობანი - 46, 14. კოლომიე - 39, 15. ბურგ ან ბრესი - 38, 16. მასი - 22

ყოველდღიური სპორტული გაზეთი "ლელო"
529
მკითხველის კომენტარები / 0 /
მსგავსი ამბები
რუბრიკის სხვა სიახლეები
;