რაგბი. ლეგიონერები. ერთი ჩემპიონთა თასზე, ერთიც ჩელენჯ კაპზე

ჩემპიონთა თასისა და ჩელენჯ კაპის გათამაშებებს ნახევარფინალურ სტადიაზე ქართველ მორაგბეთა თითო გუნდი შემორჩა. ესენია: ვასილ კაკოვინის "მეტრო რასინგი" და ანტონ ფეიქრიშვილის "კარდიფი".

ყველაზე პრესტიჟული, ჩემპიონთა თასის გათამაშების მეოთხედფინალში სამი ქართული გუნდი ასპარეზობდა. ნახევარფინალში გასულმა ვასილ კაკოვინის "მეტრო რასინგმა" სტუმრად შეძლო დავით ზირაქაშვილის, ვიქტორ კოლელიშვილის, ოთარ გიორგაძისა და ბექა კაკაბაძის "კლერმონის" დამარცხება - 28:17.

კაკოვინი თამაშში 50-ე წუთიდან ჩაერთო, ზირაქაშვილი მოედანზე 15 წუთის შემდეგ გამოვიდა. სხვა ქართველ მორაგბეებს არ უთამაშიათ.

"მეტრო რასინგი" ნახევარფინალში ირლანდიურ "მანსტერს" დაუპირისპირდება, რომელმაც მეოთხედფინალში შინ აჯობა მამუკა გორგოძის, ლევან ჩილაჩავასა და ბადრი ალხაზაშვილის "ტულონს" - 20:19. ქართველი მორაგბეები ამ მატჩის განაცხადში არ იყვნენ.

ჩემპიონთა თასი. 1/4 ფინალი

ლენსტერი-სარასენზი 30:9
ჰლანეჰლი-ლა როშელი 29:17
კლერმონი-რასინგი 17:28
მანსტერი-ტულონი 20:19
ნახევარფინალი
რასინგი-მანსტერი
ლენსტერი-ჰლანეჰლი

ასევე სამ გუნდში ირიცხებოდნენ ქართველი მორაგბეები ჩელენჯ კაპის გათამაშების მეოთხედფინალში. ანტონ ფეიქრიშვილის "კარდიფმა" სტუმრად შეძლო შოტლანდიური "ედინბურგის" დამარცხება 20:6 და ნახევარფინალში გავიდა. ფეიქრიშვილი თამაშში მე-60 წუთიდან ჩაერთო.

კარდიფელების მეტოქე ნახევარფინალში ფრანგული "პო"იქნება, რომელმაც შინ დაამარცხა ზურაბ ჟვანიასა და გიორგი მელიქიძის "სტად ფრანსე" - 35:32. ჟვანია ძირითად შემადგენლობაში იყო და 45-ე წუთზე შეცვალეს. მელიქიძეს არ უთამაშია.

კარლენ ასიეშვილის, სოსო ბეკოშვილისა და ვასილ ლობჟანიძის "ბრივმა" სტუმრად წააგო ინგლისურ "ნიუკასლთან" - 10:25. ბეკოშვილი ძირითად შემადგენლობაში იყო და 53-ე წუთზე შეცვალეს, ლობჟანიძე მოედანზე ორი წუთის შემდეგ გამოჩნდა.

ჩელენჯ კაპი. 1/4 ფინალი

პო-სტად ფრანსე 35:32
ედინბურგი-კარფიდი 6:20
ნიუკასლი-ბრივი 25:10
გლოსტერი-ქონოთი 33:28
ნახევარფინალი
კარდიფი-პო
გლოსტერი-ნიუკასლი

ყოველდღიური სპორტული გაზეთი "ლელო"
328
მკითხველის კომენტარები / 0 /
მსგავსი ამბები
რუბრიკის სხვა სიახლეები