რაგბი. ლეგიონერები ნარიაშვილი მსოფლიოს ნაკრებში

რუსულენოვანმა სარაგბო პორტალმა rugger info-მ დაასრულა მკითხველთა გამოკითხვა, რომლის მიხედვითაც, 2017 წლის მსოფლიოს სიმბოლური ნაკრები დაადგინა.

ერთი კვირის განმავლობაში ყველას შეეძლო თითოეულ პოზიციაზე სამ-სამი კანდიდატისგან ერთის შერჩევა. 45 კანდიდატს შორის ერთი ქართველი იყო, "მონპელიეს" პირველხაზელი მიხეილ ნარიაშვილი.

ნარიაშვილმა თავის პოზიციაზე (#1) 750 ხმისგან 61,7% მიიღო, ახალზელანდიელმა ჯო მუდიმ ხმების 23,3%, ხოლო ინგლისელმა მაკო ვუნიპოლამ - 14,9%.

სიმბოლურ ნაკრებში ყველაზე მეტი, შვიდი მორაგბე მოხვდა ახალი ზელანდიიდან. ორ-ორი წარმომადგენელი ჰყავს ინგლისსა და ავსტრალიას. თითო-თითო კი, საქართველოს, უელსს, სამხრეთ აფრიკას და ირლანდიას.

სიმბოლური ნაკრები

15. იზრაელ ფოლაუ (ავსტრალია), 14. ენტონი უოტსონი (ინგლისი), 13. ჯონათან დევისი (უელსი),

12. ოუენ ფარელი (ინგლისი), 11. რიკო იოანე (ახალი ზელანდია),

10. ბოდენ ბარეტი (ახალი ზელანდია), 9. აარონ სმიტი (ახალი ზელანდია);

1. მიხეილ ნარიაშვილი (საქართველო), 2. მალკოლმ მარკსი (სამხრეთი აფრიკა),

3. ოუენ ფრენკსი (ახალი ზელანდია), 4. ბროდი რეტალიკი (ახალი ზელანდია),

5. სემ უაითლოკი (ახალი ზელანდია), 6. სი ჯეი სტენდერი (ირლანდია),

7. მაიკლ ჰუპერი (ავსტრალია), 8. კირან რიდი (ახალი ზელანდია).

ყოველდღიური სპორტული გაზეთი "ლელო"
1687
მკითხველის კომენტარები / 0 /
მსგავსი ამბები
რუბრიკის სხვა სიახლეები
;