რაგბი. ლეგიონერები.სიმბოლურში მეორედ, კაიკაციშვილი აღიარეს

საფრანგეთის სარაგბო ჩემპიონატის ელიტურ, პირველ დივიზიონში მე-15 ტურის მატჩების შემდეგ პირველობისთვის მებრძოლი სამი ყველაზე რეალური კანდიდატი გამოიკვეთა. სამივე გუნდი ქართველი მორაგბეებისაა. ესენია: "მონპელიე", "ლა როშელი" და "მეტრო რასინგი".

მიხეილ ნარიაშვილის, კონსტანტინე მიქაუტაძისა და დავით ქუბრიაშვილის "მონპელიემ" შინ დაამარცხა ზურაბ ჟვანიასა და გიორგი მელიქიძის "სტად ფრანსე" 28:16 და ისევ დაიბრუნა ლიდერობა.

აღსანიშნავია, რომ მასპინძლებმა ანგარიშში დაწინაურება მხოლოდ პირველი ტაიმის მიწურულსღა შეძლეს, რომელიც მათი მინიმალური უპირატესობით დასრულდა 14:13. შესვენების შემდეგ მონპელიელებმა გადამწყვეტი უპირატესობა მოიპოვეს, რაც მატჩის მოსაგებად საკმარისი აღმოჩნდა.

ნარიაშვილი ძირითად შემადგენლობაში იყო და 64-ე წუთზე შეცვალეს, მიქაუტაძე თამაშში 70-ე წუთიდან ჩაერთო, ქუბრიაშვილი ტრავმირებულია.
ლექსო ყაულაშვილის "ლა როშელი" სტუმრად, ირაკლი მირცხულავას "ოიონაქსს" ეთამაშა, რომელიც თამამად შეიძლება ითქვას, რომ უიმედო აუტსაიდერია.

მიუხედავად ამისა, ლაროშელელებმა გამარჯვების მოპოვება ვერ შეძლეს. თამაშის დასრულებამდე ორი წუთით ადრე სტუმრები ათი ქულის სხვაობით იგებდნენ - 38:28. მასპინძლებმა სასწაული ჩაიდინეს, ჯერ გარდასახული ლელო მიითვალეს, მერე კი ბოლო წუთზე საჯარიმოდან ანგარიშის გათანაბრებაც შეძლეს - 38:38.

ყაულაშვილი ძირითად შემადგენლობაში იყო და 45-ე წუთზე შეცვალეს, მირცხულავამ მასზე ოთხი წუთით მეტი ითამაშა.

საფრანგეთის ჩემპიონის, დავით ზირაქაშვილის, ვიქტორ კოლელიშვილის, ოთარ გიორგაძისა და ბექა კაკაბაძის "კლერმონის" კრიზისი კი ისევ გრძელდება.

"ვულკანებმა" ამჯერად სამარცხვინო მარცხი იწვნიეს სტუმრად, ვასილ კაკოვინის "მეტრო რასინგთან" მატჩში - 6:58. "კლერმონი" ბოლოს ასეთი სხვაობით როდის დამარცხდა, ძნელი გასახსენებელია.

ზირაქაშვილი და კოლელიშვილი ძირითად შემადგენლობაში იყვნენ და ორივე 52-ე წუთზე შეცვალეს, კაკოვინი მოედანზე 41-ე წუთიდან გამოჩნდა. კაკაბაძეს და გიორგაძეს არ უთამაშიათ.

ორი "ქართული გუნდი", "ბრივი" და "აჟენი" პირველ დივიზიონში ადგილის შენარჩუნებისთვის იბრძვის. მე-15 ტურში ორივემ მოიგო.

კარლენ ასიეშვილის, სოსო ბეკოშვილისა და ვასილ ლობჟანიძის "ბრივმა" შინ დაამარცხა მამუკა გორგოძის, ლევან ჩილაჩავასა და ბადრი ალახაზაშვილის "ტულონი" - 13:12.

მასპინძლები თამაშის დასრულებამდე ერთი წუთით ადრე 6:12 აგებდნენ. თუმცა, გამარჯვების მომტანი ლელოს გატანა მაინც მოახერხეს.

ასიეშვილი ძირითად შემადგენლობაში იყო და 55-ე წუთზე შეცვალეს, ჩილაჩავა თადარიგში იყო, თუმცა მოედანზე არ გამოჩენილა. სხვა ქართველი მორაგბეები ტრავმირებულნი არიან.

თამაზ მჭედლიძის, გიორგი თეთრაშვილისა და ვახტანგ ახობაძის "აჟენმა" კი, ყველასთვის მოულოდნელად, შინ დამაჯერებლად დაამარცხა ლიდერთა ჯგუფის წარმომადგენელი "კასტრი" - 30:3. ქართველებს არ უთამაშიათ.

TOP-14 ტური
XV ტური

ბორდო-ლიონი 19:10
ბრივი-ტულონი 13:12

აჟენი-კასტრი 30:3
ოიონაქსი-ლა როშელი 38:38

მონპელიე-სტად ფრანსე 28:16
პო-ტულუზი 11:10
მეტრო რასინგი-კლერმონი 58:6

                თ მ ფ წ ბ ქ(პ)
1. მონპელიე 15 10 0 5 +87 47(7)
2. ლა როშელი 15 10 1 4 +157 46(4)
3. რასინგი 15 10 0 5 +125 46(6)
4. კასტრი 15 9 0 6 +26 42(6)
5. ტულონი 15 7 0 8 +59 38(10)
6. ტულუზი 15 8 1 6 +42 38(4)
7. ლიონი 15 8 0 7 +39 37(5)
8. ბორდო 15 8 1 5 +33 37(3)
9. პო 15 8 0 7 -13 35(3)
10. კლერმონი 15 6 1 8 +1 31(5)
11. სტად ფრანსე 15 6 0 9 -95 27(3)
12. ბრივი 15 5 1 9 -167 24(2)
13. აჟენი 15 5 0 10 -93 23(3)
14. ოიონაქსი 15 1 3 10 -201 14(4)

* * *

მეორე დივიზიონში, მე-18 ტურის შემდეგ საპლეიოფო ზონაში ისევ ორი "ქართული გუნდია". ესენია: "მონ დე მარსანი" და "გრენობლი". ორივემ მარცხი განიცადა.

ბექა გორგაძის "მონ დე მარსანი", რომელიც ახლა მეორე ადგილზეა, სტუმრად დამარცხდა ერთ-ერთ აუტსაიდერთან, ბექა ბიწაძის "ნარბონთან" - 23:41. ორივე ქართველი ტრავმირებულია.

ბექა გიგაშვილის "გრენობლმა" კი ვერაფერი გააწყო სტუმრად ილია კაიკაციშვილის "მასისთან" - 14:37. კაიკაციშვილი, რომელიც 64-ე წუთზე შეცვალეს, ტურის სიმბოლურ ნაკრებში უკვე მეორედ მოხვდა. გიგაშვილი განაცხადში არ იყო.

შალვა სუთიაშვილის "ანგულემმა" შინ დაამარცხა ვახტანგ მაისურაძის "ვანი" 23:19 და საპლეიოფო ზონას მიუახლოვდა. სუთიაშვილი თადარიგში იყო და მოედანზე 50-ე წუთიდან გამოჩნდა. მაისურაძეს არ უთამაშია.

მერაბ შარიქაძისა და ნიკოლოზ ხატიაშვილის "ორიაკმა" სტუმრად წააგო "ნევერთან" 8:31 და საგრძნობლად გაიუარესა სატურნირო მდგომარეობა. შარიქაძემ თავიდან ბოლომდე ითამაშა, ხატიაშვილი განაცხადში არ იყო.

ბექა შეყლაშვილის "კოლომიემ", რომელიც პლეი ოფში მოხვედრისთვის იბრძვის, სტუმრად წააგო ლიდერ "მონტობანთან" - 11:16. შეყლაშვილი 52-ე წუთზე შეცვალეს.

PRO D2
XVIII ტური

ანგულემი-ვანი 23:19
ბიარიცი-კარკასონი 19:6

დაქსი-ბაიონი 20:20
მასი-გრენობლი 37:14

ნარბონი-მონ დე მარსანი 41:23
ნევერი-ორიაკი 31:8

პერპინიანი-ბეზიე 22:23
მონტობანი-კოლომიე 16:11

                თ მ ფ წ ბ ქ(პ)
1. მონტობანი 18 15 1 2 +121 64(2)
2. მარსანი 18 11 0 7 +195 55(11)
3. პერპინიანი 18 11 1 6 +150 55(9)
4. გრენობლი 18 12 0 6 +61 53(5)
5. ბიარიცი 18 11 0 7 +76 50(6)
6. კოლომიე 18 9 1 8 +27 46(8)
7. ბეზიე 18 10 0 8 -13 44(4)
8. ანგულემი 18 8 1 9 -48 37(3)
9. ნევერი 18 8 0 10 -15 36(4)
10. მასი 18 8 0 10 -22 36(4)
11. ბაიონი 18 7 1 10 -62 36(6)
12. ვანი 18 7 0 11 -64 36(8)
13. ორიაკი 18 7 1 10 -1 34(4)
14. დაქსი 18 6 1 11 -125 30(4)
15. ნარბონი 18 6 1 11 -169 29(3)
16. კარკასონი 18 4 0 14 -111 23(7)

ყოველდღიური სპორტული გაზეთი "ლელო"
465
მკითხველის კომენტარები / 0 /
მსგავსი ამბები
რუბრიკის სხვა სიახლეები