რაგბი. ლეგიონი: მერაბ შარიქაძე დაბრუნდა და გაიტანა

საფრანგეთის სარაგბო ჩემპიონატის ელიტურ, მეორე დივიზიონში მერაბ შარიქაძისა და ნიკოლოზ ხატიაშვილის "ორიაკმა" სატურნირო ცხრილის მეზობელ "ნევერს" უმასპინძლა და 33:23 დაამარცხა.

შარიქაძე ისევ პირველი შუამარბის (#12) პოზიციას დაუბრუნდა. მან მატჩში თავიდან ბოლომდე ითამაშა და 49-ე წუთზე ლელო გაიტანა.

მეტოქის ფულბეკი საკუთარი ლელოდან ხუთ მეტრში ბურთის ფეხით აუტში გადატანას ცდილობდა. შარიქაძემ დააფარა, ბურთი ლელოსკენ გადაგორდა, თავადვე მიჰყვა და დაამიწა.

ძირითად შემადგენლობაში იყო ხატიაშვილიც, რომელიც 73-ე წუთზე მატჩის არბიტრმა სინბინში გაუშვა.

"ორიაკს" ახლა 22 ქულა აქვს მე-10 ადგილზეა. საპლეიოფო ზონამდე მას 8 ქულა აშორებს.

ყოველდღიური სპორტული გაზეთი "ლელო"
712
მკითხველის კომენტარები / 0 /
მსგავსი ამბები
რუბრიკის სხვა სიახლეები