რაგბი. ლეგიონი. 'მზის მგლების' პირველი გამარჯვება

საფრანგეთის სარაგბო ჩემპიონატის ელიტურ, პირველ დივიზიონში ორივე ხელმოცარულის ვინაობა გაირკვა. კარლენ ასიეშვილის, სოსო ბეკოშვილისა და ვასილ ლობჟანიძის "ბრივი" ბოლო ადგილზე გავიდა და პირდაპირ გავარდა მეორე დივიზიონში.

ბოლოსწინა ადგილზე გასული ირაკლი მირცხულავას "ოიონაქსი" კი, გადასასვლელ მატჩში მეორე დივიზიონის ფინალში დამარცხებულ ბექა გიგაშვილის "გრენობლს" დაუპირისპირდა. "ალპელები" ამ მატჩში ბევრად უკეთესად გაისარჯნენ და "ოიონაქსი" 47:22 დაამარცხეს.

მირცხულავა ძირითად შემადგენლობაში იყო და 62-ე წუთზე შეცვალეს, გიგაშვილი ტრავმირებულია. ამდენად, მომავალ სეზონში პირველ დივიზიონში ბექა გიგაშვილის "გრენობლი" ითამაშებს, რომელსაც ფედერალ 1-ის "შამბერიდან" ვაჟა კაპანაძე დაემატება.

ზე რაგბის წლევანდელ გათამაშებაში პირველი გამარჯვება მოიპოვა ჯაბა ბრეგვაძისა და ნიკოლოზ ხატიაშვილის იაპონურმა "სანვულვზმა", რომელმაც შინ, ყველასთვის მოულოდნელად, დიდი ანგარიშით დაამარცხა ავტრალიური ბრისბენის "რედსი" - 63:28. ჩვენებურთა გუნდმა მეტოქეს ექვსი ლელო გაუტანა. აქედან სამი ტონგელი გარემარბის, ჰოსეა საუმაკის ანგარიშზეა.

აღსანიშნავია, ახალზელანდიელი მგეზავის ჰეიდენ პარკერის შესანიშნავი თამაში, რომელმაც ერთი ლელო, ხუთი გარდასახვა და შვიდი საჯარიმო მიითვალა (38 ქულა).

სამწუხაროდ, ქართველი მორაგბეები ამ მატჩის განაცხადში არ იყვნენ.

ყოველდღიური სპორტული გაზეთი "ლელო"
438
მკითხველის კომენტარები / 0 /
მსგავსი ამბები
რუბრიკის სხვა სიახლეები