რაგბი. ლეგიონი. მირიან ბურდულის პირველი ლელო

საფრანგეთის სარაგბო ჩემპიონატის ელიტურ, პირველ დივიზიონში რეგულარული გათამაშების დასრულებამდე რვა ტური დარჩა.

ამ დროისთვის ლიდერი მკვეთრად გამოიკვეთა. ეს ქართველ მორაგბეთა გუნდი "მონპელიეა", რომელიც ასევე "ქართულ გუნდს", "მეტრო რასინგს" 6 ქულით უსწრებს.

* ელიტაში მიხეილ ნარიაშვილის "მონპელიე" ლიდერობს.
* მეორე დივიზიონში ბურდულმა ლელო გაიტანა.

მიხეილ ნარიაშვილის, კონსტანტინე მიქაუტაძის, დავით ქუბრიაშვილისა და გელა აფრასიძის "მონპელიემ" შინ ითამაშა "ბორდოსთან" და დაძაბულ ბრძოლაში მინიმალური სხვაობით 11:10 მოიგო.

ნარიაშვილი თადარიგში იყო და მოედანზე 47-ე წუთიდან გამოჩნდა, მიქაუტაძე და ქუბრიაშვილი ტრავმირებულნი არიან, აფრასიძე განაცხადში არ იყო.

"მონპელიეს", როგორც უკვე ვთქვით, კვალში უდგას ვასილ კაკოვინის "მეტრო რასინგი". პარიზელებმა სტუმრად ითამაშეს "პოსთან" და 15:24 წააგეს. კაკოვინი ძირითად შემადგენლობაში იყო და 54-ე წუთზე შეცვალეს.

ტურის ცენტრალურ მატჩში ლექსო ყაულაშვილის "ლა როშელმა" შინ წააგო მამუკა გორგოძის, ლევან ჩილაჩავასა და ბადრი ალხაზაშვილის "ტულონთან" - 20:27. ტულონელ ქართველებს შეხვედრაში მონაწილეობა არ მიუღიათ. ყაულაშვილმა თავიდან ბოლომდე ითამაშა.

ძალზე დაიძაბა ვითარება სატურნირო ცხრილის მეორე ნახევარში. ზურაბ ჟვანიასა და გიორგი მელიქიძის "სტად ფრანსემ" შინ წააგო უმძიმეს მატჩში გიორგი თეთრაშვილისა და თამაზ მჭედლიძის "აჟენთან" - 34:36.

მჭედლიძე, რომელიც ამპლუით უკანახაზელია, 37-ე წუთზე შეცვლაზე შევიდა და მესამე ხაზში დაიკავა ადგილი, თეთრაშვილი თამაშში 14 წუთის შემდეგ ჩაერთო, ჟვანია მოედანზე 62-ე წუთიდან გამოჩნდა.

"აჟენის" ადგილი სატურნირო ცხრილის ბოლოსწინა საფეხურზე კარლენ ასიეშვილის, სოსო ბეკოშვილისა და ვასილ ლობჟანიძის "ბრივმა" დაიკავა, რომელიც სტუმრად დამარცხდა "ტულუზთან" - 28: 45.

ასიეშვილი ძირითად შემადგენლობაში იყო და 52-ე წუთზე შეცვალეს, ლობჟანიძემ მატჩის დასკვნითი 20 წუთი ითამაშა, ბეკოშვილი განაცხადში არ იყო.

TOP-14
XVIII ტური

მონპელიე-ბორდო 11:10
კლერმონი-ოიონაქსი 12:18
კასტრი-ლიონი 33:22
სტად ფრანსე-აჟენი 34:36
პო-რასინგი 24:15
ტულუზი-ბრივი 45:28
ლა როშელი-ტულონი 20:27

თ მ ფ წ ბ ქ(პ)
1. მონპელიე 18 13 0 5 +102 60(8)
2. რასინგი 18 12 0 6 +128 54(6)
3. ტულუზი 18 11 1 6 +108 53(7)
4. ტულონი 18 10 0 8 +128 52(12)
5. კასტრი 18 11 0 7 +33 51(7)
6. ლა როშელი 18 11 1 6 +152 50(4)
7. პო 18 11 0 7 +36 48(4)
8. ლიონი 18 10 0 8 +108 47(7)
9. ბორდო 18 8 1 9 +7 39(5)
10. კლერმონი 18 6 1 11 -32 32(6)
11. სტად ფრანსე 18 6 0 12 -170 28(4)
12. აჟენი 18 6 0 12 -172 27(3)
13. ბრივი 18 5 1 12 -198 25(3)
14. ოიონაქსი 18 2 3 13 -230 18(4)


მეორე დივიზიონში პლეი ოფში მოსახვედრად ქართველ მორაგბეთა ორი გუნდი, "მონ დე მარსანი" და "გრენობლი" იბრძვის.

ბექა გიგაშვილის "გრენობლმა" სტუმრად ითამაშა ბექა ბიწაძის "ნარბონთან" და ფრეს დასჯერდა - 29:29. გიგაშვილი "ალპელთა" ძირითად შემადგენლობაში იყო და 37-ე წუთზე შეცვალეს, ბიწაძე ტრავმირებულია. "ნარბონი" ახლა ბოლო ადგილზეა და გავარდნის ყველაზე რეალური კანდიდატია.

მას ოდნავ უსწრებს მირიან ბურდულისა და გიორგი ნაცარაშვილის "კარკასონი", რომელმაც სტუმრად წააგო ბასკურ "ბაიონთან" - 26:52. ბურდული ძირითად შემადგენლობაში იყო და მე-4 წუთზე ლელო მიითვალა, ის 41-ე წუთზე შეცვალეს, ნაცარაშვილს არ უთამაშია.

ილია კაიკაციშვილის "მასიმ" შინ დაამარცხა შალვა სუთიაშვილის "ანგულემი" - 23:14. სუთიაშვილმა სრულად ითამაშა, კაიკაციშვილი 43-ე წუთზე შეცვალეს.

PRO D2
XXIV ტური

მონ დე მარსანი-ბიარიცი 29:3
ორიაკი-დაქსი 36:24
ბაიონი-კარკასონი 52:26
მასი-ანგულემი 23:14
ნარბონი-გრენობლი 29:29
ვანი-ნევერი 34:26
მონტობანი-პერპინიანი 20:22
კოლომიე-ბეზიე 13:26

თ მ ფ წ ბ ქ(პ)
1. პერპინიანი 24 17 1 6 +244 81(11)
2. მონტობანი 24 17 1 6 +124 76(6)
3. მარსანი 24 15 0 9 +240 74(14)
4. გრენობლი 24 15 1 8 +38 67(5)
5. ბიარიცი 24 14 0 10 +90 64(8)
6. ბეზიე 24 14 0 10 -7 60(4)
7. ბაიონი 24 12 1 11 +5 59(9)
8. კოლომიე 24 11 1 12 -20 55(9)
9. ანგულემი 24 11 1 12 -40 51(5)
10. ორიაკი 24 10 1 13 -18 48(6)
11. ვანი 24 9 0 15 -68 47(11)
12. ნევერი 24 10 0 14 -6 46(6)
13. მასი 24 10 0 14 -45 45(5)
14. დაქსი 24 8 1 15 -107 41(7)
15. კარკასონი 24 8 0 16 -128 39(7)
16. ნარბონი 24 6 2 16 -282 31(3)

ყოველდღიური სპორტული გაზეთი "ლელო"
964
მკითხველის კომენტარები / 0 /
მსგავსი ამბები
რუბრიკის სხვა სიახლეები
;