რაგბი. ლეგიონი. ნარიაშვილი საფრანგეთში, ტურის სიმბოლურ ნაკრებშია

საფრანგეთის სარაგბო ჩემპიონატის ელიტურ, პირველ დივიზიონში, რეგულარული გათამაშების დასრულებამდე ათი ტურით ადრე, ჩემპიონობისთვის მებრძოლი სამი გუნდი გამოიკვეთა, რომლებმაც დანარჩენებს სატურნირო ცხრილში საგრძნობლად გაუსწრეს.

სამივე ქართველ მორაგბეთა გუნდებია: "მონპელიე", "ლა როშელი" და "მეტრო რასინგი". სხვა, პლეი ოფის კიდევ სამ საგზურზე კი პრეტენზიას ერთბაშად ექვსი გუნდი აცხადებს.

გათამაშების ლიდერი მიხეილ ნარიაშვილის, კონსტანტინე მიქაუტაძის, დავით ქუბრიაშვილისა და გელა აფრასიძის "მონპელიეა", რომელმაც სტუმრად ბოლო წუთზე გატანილი ლელოთი დაამარცხა მოქმედი ჩემპიონი, დავით ზირაქაშვილის, ვიქტორ კოლელიშვილის, ოთარ გიორგაძისა და ბექა კაკაბაძის "კლერმონი" - 30:29.

ნარიაშვილი, რომელიც ძირითად შემადგენლობაში იყო და 65-ე წუთზე შეცვალეს, ყოველდღიურმა სარაგბო გაზეთმა "მიდი ოლიმპიკმა" ტურის სიმბოლურ ნაკრებში დაასახელა, მიქაუტაძე 59-ე წუთზე შეცვალეს, კოლელიშვილმა მოედანი ნარიაშვილთან ერთად დატოვა, ზირაქაშვილმა კი მათზე ექვსი წუთით მეტი ითამაშა. სხვა ქართველი მორაგბეები განაცხადში არ იყვნენ.

"მონპელიეს" თითო ქულით ჩამორჩებიან "ლა როშელი" და "მეტრო რასინგი". ლექსო ყაულაშვილის "ლა როშელმა" შინ დაამარცხა კარლენ ასიეშვილის, სოსო ბეკოშვილისა და ვასილ ლობჟანიძის "ბრივი" - 33:24.

ყაულაშვილი 47-ე წუთზე შეცვალეს, სამ წუთში მოედანი ასიეშვილმაც დატოვა, ლობჟანიძე და ბეკოშვილი განაცხადში არ იყვნენ.

ვასილ კაკოვინის "მეტრო რასინგმა" კი სტუმრად "კასტრათან" უმნიშვნელოვანესი გამარჯვება მოიპოვა - 18:13. კასტრელებთან სტუმრად თამაში ნებისმიერი ძალის გუნდისთვის სერიოზული გამოწვევაა და ის პარიზელებმა წარმატებით გადალახეს.კაკოვინი ძირითად შემადგენლობაში იყო და 51-ე წუთზე შეცვალეს.

გათამაშების ერთ-ერთი აუტსაიდერი, თამაზ მჭედლიძის, გიორგი თეთრაშვილისა და ვახტანგ ახობაძის "აჟენი", სტუმრად დიდი ანგარიშით დამარცხდა "ლიონთან" - 17:71. ქართველებიდან მხოლოდ თეთრაშვილმა ითამაშა, რომელიც შეხვედრაში 41-ე წუთიდან ჩაერთო.

ზურაბ ჟვანიასა და გიორგი მელიქიძის "სტად ფრანსე" მოულოდნელად შინ დამარცხდა დიდი ანგარიშით "პოსთან" - 5:40. ჟვანია თადარიგში იყო და მოედანზე 70-ე წუთიდან გამოჩნდა, მელიქიძეს არ უთამაშია.

ტურის სიმბოლური ნაკრები
15. ტომას რამოსი (ტულუზი), 14. ვენსან რატე (ლა როშელი), 13. ბენსონ სტენლი (პო), 12. სემი რადრადრა (ტულონი), 11. ნემანი ნადოლო (მონპელიე), 10.

კოლინ სლედი (პო), 9. ბატისტ კულუ (ტულუზი); 1. მიხეილ ნარიაშვილი (მონპელიე), 2. ენტონი ეტრიარდი (ტულონი), 3. ბენ ტამეიფუნა (მეტრო რასინგი),

4. ივანდერ კრუხერი (ტულონი) 5. დანიელ რამსეი (პო), 6. ლიამ გილი (ლიონი), 7. ბენ მოვენი (პო), 8. ლუი პიკამოლი (მონპელიე)

TOP-14 . XVI ტური

ტულონი-ბორდო 36:12
ლა როშელი-ბრივი 33:24
ლიონი-აჟენი 71:17
ტულუზი-ოიონაქსი 37:15
კასტრი-მეტრო რასინგი 13:18
სტად ფრანსე-პო 5:40
კლერმონი-მონპელიე 29:30

თ მ ფ წ ბ ქ(პ)
1. მონპელიე 16 11 0 5 +88 51(7)
2. ლა როშელი 16 11 1 4 +166 50(4)
3. რასინგი 16 11 0 5 +130 50(6)
4. ტულონი 16 8 0 8 +83 43(11)
5. ტულუზი 16 9 1 6 +64 43(5)
6. კასტრი 16 9 0 7 +21 43(7)
7. ლიონი 16 9 0 7 +93 42(6)
8. პო 16 9 0 7 -22 40(4)
9. ბორდო 16 8 1 7 +9 37(3)
10. კლერმონი 16 6 1 9 0 32(6)
11. სტად ფრანსე 16 6 0 10 -130 27(3)
12. ბრივი 16 5 1 10 -176 24(2)
13. აჟენი 16 5 0 11 -147 23(3)
14. ოიონაქსი 16 1 3 12 -223 14(4)


ასევე სამი გუნდი გამოიკვეთა პირველობისთვის ბრძოლაში მეორე დივიზიონშიც. ოღონდ, აქ რეგულარულის დასრულებამდე ცხრა ტური დარჩა. ამ სამი გუნდიდან ქართველი მორაგბეების მხოლოდ ერთია - ბექა გორგაძის "მონ დე მარსანი", რომელსაც ტრავმის გამო ამ სეზონში ჯერ არ უთამაშია.

ჩვენებურთა გუნდებიდან პლეი ოფში გასვლისთვის "გრენობლი" და "კოლომიე" იბრძვიან.

ბექა გიგაშვილის "გრენობლი" 21-ე ტურში შინ დამარცხდა უშუალო კონკურენტ "პერპინიანთან" - 17:24. გიგაშვილი ტრავმირებულია.

არ უთამაშია "კოლომიეს შემადგენლობაში ბექა შეყლაშვილსაც, რომელმაც შინ დაამარცხა მერაბ შარიქაძისა და ნიკოლოზ ხატიაშვილის "ორიაკი" - 18:13. ქართველი მორაგბეები არც "ორიაკის" შემადგენლობაში გამოჩენილან.

აუტსაიდერმა, მირიან ბურდულისა და გიორგი ნაცარაშვილის "კარკასონმა" შინ სძლია შალვა სუთიაშვილის "ანგულემს" - 24:13. სუთიაშვილმა სრულად ითამაშა, ბურდული 63-ე წუთზე ნაცარაშვილმა შეცვალა.

სატურნირო ცხრილის ბოლო საფეხურზე აღმოჩნდა ბექა ბიწაძის "ნარბონი", მას შემდეგ რაც სტუმრად წააგო "მონტობანთან" - 10:34. ბიწაძე ტრავმირებულია.

PRO D2
XXI ტური

გრენობლი-პერპინიანი 17:24
ბაიონი-ვანი 34:14
კარკასონი-ანგულემი 24:13
დაქსი-მასი 27:17
მონტობანი-ნარბონი 34:10
ნევერი-ბიარიცი 26:12
კოლომიე-ორიაკი 18:13
ბეზიე-მონ დე მარსანი 28:18

თ მ ფ წ ბ ქ(პ)
1. მონტობანი 21 17 1 3 +132 73(3)
2. პერპინიანი 21 14 1 6 +211 68(10)
3. მარსანი 21 13 0 8 +229 65(13)
4. გრენობლი 21 13 0 8 +34 57(5)
5. ბიარიცი 21 12 0 9 +81 55(7)
6. კოლომიე 21 11 1 9 +26 55(9)
7. ბეზიე 21 12 0 9 -23 52(4)
8. ბაიონი 21 10 1 10 -22 49(7)
9. ნევერი 21 9 0 12 -6 42(6)
10. ანგულემი 21 9 1 11 -49 42(4)
11. ვანი 21 8 0 13 -71 41(9)
12. ორიაკი 21 8 1 12 -36 39(5)
14. დაქსი 21 8 1 12 -97 39(5)
13. მასი 21 8 0 13 -51 37(5)
16. კარკასონი 21 6 0 15 -121 31(7)
15. ნარბონი 21 6 1 14 -237 29(3)

ყოველდღიური სპორტული გაზეთი "ლელო"
1296
მკითხველის კომენტარები / 0 /
მსგავსი ამბები
რუბრიკის სხვა სიახლეები
;