რაგბი.ლეგიონი. სუთიაშვილის ლელო და სიმბოლური

საფრანგეთის სარაგბო ჩემპიონატის ელიტურ, პირველ დივიზიონში მე-17 ტურის შეხვედრები გაიმართა.

საგულისხმოა, რომ ვინაიდან საქართველოს ნაკრებს გასულ უქმეებზე "რაგბი ევროპის ჩემპიონატის" გათამაშებაში გერმანიასთან მატჩი ჰქონდა, საფრანგეთში ქართველ ლეგიონერთა მცირე ჯგუფმა იასპარეზა.

ტურის ცენტრალური მატჩი პარიზში გაიმართა, სადაც ვასილ კაკოვინის "მეტრო რასინგმა" ლექსო ყაულაშვილის "ლა როშელს" უმასპინძლა და 19:12 დაამარცხა. შერკინების ორივე ქართველი ბურჯი ძირითად შემადგენლობაში იყო. ორივე მატჩის 51-ე წუთზე შეცვალეს.

გიორგი თეთრაშვილისა და თამაზ მჭედლიძის "აჟენმა", რომელიც დივიზიონში ადგილის შენარჩუნებისთვის იბრძვის, შინ წააგო ფრანგული რაგბის ოდინდელ გრანდ "ტულუზთან" - 25:52. ორივე ქართველი თადარიგში იყო. მჭედლიძე თამაშში 49-ე წუთიდან ჩაერთო, თეთრაშვილი კი მოედანზე 65-ე წუთიდან გამოჩნდა.

დივიზიონში დარჩენისთვის იბრძვის კარლენ ასიეშვილის, სოსო ბეკოშვილისა და ვასილ ლობჟანიძის "ბრივი", რომელმაც შინ წააგო "პოსთან" - 16:21. ბეკოშვილი თადარიგში იყო და თამაშში 63-ე წუთიდან ჩაერთო. ასიეშვილი და ლობჟანიძე ეროვნულ ნაკრებში იყვნენ გამოძახებულნი.

მორიგი მარცხი იწვნია საფრანგეთის ჩემპიონმა, დავით ზირაქაშვილის, ვიქტორ კოლელიშვილის, ოთარ გიორგაძისა და ბექა კაკაბაძის "კლერმონმა".

"ვულკანებმა" სტუმრად წააგეს "ლიონთან" - 10:36. კოლელიშვილმა და გიორგაძემ საქართველოს ნაკრებში ითამაშა, ზირაქაშვილი და კაკაბაძე განაცხადში არ იყვნენ.

მიხეილ ნარიაშვილის, კონსტანტინე მიქაუტაძის, დავით ქუბრიაშვილისა და გელა აფრასიძის "მონპელიემ" ქართველი მორაგბეების გარეშე სტუმრად სძლია "ოიონაქსს" 43:30 და სატურნირო ცხრილში ლიდერობა შეინარჩუნა.

TOP-14
XVII ტური

ტულონი-სტად ფრანსე 43:5
აჟენი-ტულუზი 25:52
ბრივი-პო 16:21
ოიონაქსი-მონპელიე 30:43
ლიონი-კლერმონი 36:10
მეტრო რასინგი-ლა როშელი 19:12
ბორდო-კასტრი 6:7

თ მ ფ წ ბ ქ(პ)
1. მონპელიე 17 12 0 5 +101 56(8)
2. რასინგი 17 12 0 5 +137 54(6)
3. ლა როშელი 17 11 1 5 +159 50(4)
4. ტულონი 17 9 0 8 +121 48(12)
5. ტულუზი 17 10 1 6 +91 48(6)
6. ლიონი 17 10 0 7 +119 47(7)
7. კასტრი 17 10 0 7 +22 47(7)
8. პო 17 10 0 7 +27 44(4)
9. ბორდო 17 8 1 8 +8 38(4)
10. კლერმონი 17 6 1 10 -26 32(6)
11. სტად ფრანსე 17 6 0 11 -168 27(3)
12. ბრივი 17 5 1 11 -181 25(3)
13. აჟენი 17 5 0 12 -174 23(3)
14. ოიონაქსი 17 1 3 13 -236 14(4)

მეორე დივიზიონში ფინიშამდე შვიდი ტურით დაწინაურებულ ორ გუნდს კვალში უდგას ბეგა გორგაძის "მონ დე მარსანი". ბექას წლეულს ტრავმის გამო ჯერაც არ უთამაშია.

ჩვენებურთა გუნდებიდან პლეი ოფში მოხვედრის კარგ შანსს ინარჩუნებს ბექა გიგაშვილის "გრენობლი", რომელმაც 23-ე ტურში შინ დაამარცხა უშუალო კონკურენტი "მონტობანი" 24:21. გიგაშვილი თადარიგში იყო და მოედანზე 45-ე წუთიდან გამოჩნდა.

ლიდერობა ხელთ კატალონიურმა "პერპინიანმა" იგდო, რომელმაც შინ დაამარცხა ვახტანგ მაისურაძის "ვანი" - 16:12. ქართველი მეორეხაზელი ძირითად შემადგენლობაში იყო და მე-60 წუთზე შეცვალეს.

საპლეიოფო ხუთეულს მიუახლოვდა შალვა სუთიაშვილის "ანგულემი", რომელმაც სტუმრად შეძლო "დაქსის" დამარცხება - 28:23. სუთიაშვილმა, რომელმაც სრულად ითამაშა, მე-8 წუთზე ლელო გაიტანა. ამასთან ერთად, საქართველოს ნაკრების მესამეხაზელი, რომელიც ამ შეხვედრაში მეორე ხაზში თამაშობდა, ტურის სიმბოლურ ნაკრებში შეიყვანეს.

დივიზიონში ადგილის შენარჩუნებისთვის იბრძვის ილია კაიკაციშვილის "მასი", რომელმაც სტუმრად წააგო "ბეზიესთან" - 31:44. ქართველი შერკინების ბურჯი თადარიგში იყო და თამაშში 66-ე წუთიდან ჩაერთო.

ზედიზედ მეორე გამარჯვება მოიპოვა ერთ-ერთმა აუტსაიდერმა, მირიან ბურდულის "კარკასონმა". ამ გუნდმა, ამჯერად, შინ დაამარცხა ბექა შეყლაშვილის "კოლომიე" - 35:29. ბურდული ძირითად შემადგენლობაში იყო და 67-ე წუთზე შეცვალეს, შეყლაშვილს არ უთამაშია.

PRO D2
XXIII ტური

პერპინიანი-ვანი 16:12
ბაიონი-ორიაკი 26:22
ბეზიე-მასი 44:31
კარკასონი-კოლომიე 35:29
დაქსი-ანგულემი 23:28
ნევერი-მონ დე მარსანი 33:15
ნარბონი-ბიარიცი 24:56
გრენობლი-მონტობანი 24:21

თ მ ფ წ ბ ქ(პ)
1. პერპინიანი 23 16 1 6 +242 77(11)
2. მონტობანი 23 17 1 5 +126 75(5)
3. მარსანი 23 14 0 9 +214 69(13)
4. გრენობლი 23 15 0 8 +38 65(5)
5. ბიარიცი 23 14 0 9 +116 64(8)
6. ბეზიე 23 13 0 10 -20 56(4)
7. კოლომიე 23 11 1 11 -7 55(9)
8. ბაიონი 23 11 1 11 -21 54(8)
9. ანგულემი 23 2 1 11 -31 51(5)
10. ნევერი 23 10 0 13 +2 46(6)
11. ორიაკი 23 9 1 13 -30 44(6)
12. ვანი 23 8 0 15 -76 43(11)
13. მასი 23 9 0 14 -54 41(5)
14. დაქსი 23 8 1 14 -105 41(5)
16. კარკასონი 23 8 0 15 -112 39(7)
15. ნარბონი 23 6 1 16 -282 29(3)

ყოველდღიური სპორტული გაზეთი "ლელო"
1122
მკითხველის კომენტარები / 0 /
მსგავსი ამბები
რუბრიკის სხვა სიახლეები
;