რაგბი. ლეგიონი: ულიდერებოდ, ლიდერებში

ფოტოზე: ანტონ ფეიქრიშვილი

ნოემბრის ტესტების პარალელურად საფრანგეთის სარაგბო ჩემპიონატის მორიგი ტურის შეხვედრები გაიმართა. ელიტურ, პირველ დივიზიონში მე-11 ტურის შემდეგ სატურნირო ცხრილის პირველი ოთხი საფეხური ქართველ მორაგბეთა გუნდებს უკავია. ესენია: "მონპელიე", "ლა როშელი", "ლიონი" და "მეტრო რასინგი".

ვინაიდან ქართველ მორაგბეთა უმრავლესობა ეროვნულ ნაკრებში იყო გამოძახებული, მე-11 ტურში მხოლოდ ორმა ჩვენებურმა ითამაშა. "მონპელიემ" სტუმრად წააგო ვასილ კაკოვინის "მეტრო რასინგთან", მაგრამ ლიდერობა მაინც შეინარჩუნა. მონპელიელი ქართველები, ტრავმირებული დავით ქუბრიაშვილის გარდა, ყველა ნაკრებში იყო გამოძახებული.

მამუკა გორგოძის, ლევან ჩილაჩავასა და ბადრი ალხაზაშვილის "ტულონმა" სტუმრად მინიმალური სხვაობით წააგო "კასტრთან" - 19:20. გორგოძე თადარიგში იყო და თამაშში 53-ე წუთიდან ჩაერთო.

ლიდერების არყოფნაში დავით ზირაქაშვილისა და ბექა კაკაბაძის "კლერმონმა" ვერ დაამარცხა აუტსაიდერი "ოიონაქსი" - 32:32. კაკაბაძე მოედანზე 63-ე წუთიდან გამოჩნდა.

TOP 14. XI ტური
კასტრი-ტულონი 20:19
აჟენი-სტად ფრანსე 29:13
ბორდო-ბრივი 27:27
ლა როშელი-პო 44:14
ოიონაქსი-კლერმონი 32:32
რასინგი-მონპელიე 26:0
ლიონი-ტულუზი 9:17

ა გ თ მ ფ წ ბ ქ(პ)
1. მონპელიე 11 8 0 3 +85 37(5)
2. ლა როშელი 11 8 0 3 +114 35(3)
3. ლიონი 11 7 0 4 +85 33(5)
4. რასინგი 11 7 0 4 +75 33(5)
5. ტულუზი 11 7 1 3 +52 32(4)
6. ბორდო 11 6 1 4 +34 29(3)
7. კასტრი 11 6 0 5 +17 29(5)
8. ტულონი 11 5 0 6 +13 26(6)
9. კლერმონი 11 5 1 5 +49 25(3)
10. პო 11 5 0 6 -13 23(3)
11. სტად ფრანსე 11 4 0 7 -81 18(2)
12. აჟენი 11 3 0 8 -84 14(2)
13. ბრივი 11 2 1 8 -176 11(1)
14. ოიონაქსი 11 1 2 8 -170 10(2)

* * *
მეორე დივიზიონში საპლეიოფო ზონაში ქართველ მორაგბეთა ორი გუნდია: "გრენობლი" და "მონ დე მარსანი". პირველი წრის ბოლო ტურში მხოლოდ ოთხმა ქართველმა მორაგბემ ითამაშა.

ვახტანგ მაისურაძის "ვანმა" შინ დიდი ბრძოლა გაუმართა ერთ-ერთ ლიდერ "პერპინიანს", მაგრამ მაინც მინიმალური სხვაობით დამარცხდა - 22:23. მაისურაძე ძირითად შემადგენლობაში იყო და 41-ე წუთზე შეცვალეს.

აუტსაიდერმა, გიორგი ნაცარაშვილისა და შალვა მამუკაშვილის "კარკასონმა" სტუმრად წააგო შალვა სუთიაშვილის "ანგულემთან" - 16:26. სუთიაშვილი და მამუკაშვილი ეროვნულ ნაკრებში გაისარჯნენ. ნაცარაშვილი თამაშში 46-ე წუთიდან ჩაერთო.

ელიზბარ ყუფარაძის "დაქსი" ასევე სტუმრად დამარცხდა ლანგედოკურ "ბეზიესთან" - 10:26. ყუფარაძე ძირითად შემადეგნლობაში იყო და 36-ე წუთზე შეცვალეს.

სტუმრად წააგო "მასისთან" მერაბ შარიქაძისა და ნიკოლოზ ხატიაშვილის "ორიაკმა" - 16:26. შარიქაძე ეროვნულ გუნდს კაპიტნობდა. ხატიაშვილმა კი, ძირითად შემადეგნლობაში ითამაშა და 41-ე წუთზე შეცვალეს.

PRO D2. XIII ტური
ვანი-პერპინიანი 22:23
ანგულემი-კარკასონი 26:16
ბეზიე-დაქსი 26:10
ბიარიცი-ნარბონი 41:18
მასი-ორიაკი 26:16
მონტობანი-ნევერი 36:20
გრენობლი-კოლომიე 58:23
მარსანი-ბაიონი 68:15

ა გ თ მ ფ წ ბ ქ(პ)
1. გრენობლი 13 10 0 3 +120 45(5)
2. მონტობანი 13 10 1 2 +5 43(1)
3. მარსანი 13 8 0 5 +178 40(8)
4. პერპინიანი 13 8 1 4 +108 40(6)
5. ბიარიცი 13 8 0 5 +53 36(4)
6. კოლომიე 13 7 1 5 +14 35(5)
7. მასი 13 6 0 7 +5 28(4)
8. ანგულემი 13 6 1 6 -31 28(2)
9. ბეზიე 13 6 0 7 -23 27(3)
10. ორიაკი 13 5 1 7 +20 26(4)
11. ნევერი 13 6 0 7 -17 26(2)
12. ვანი 13 5 0 8 -34 25(5)
13. დაქსი 13 5 0 8 -74 24(4)
14. ბაიონი 13 5 0 8 -103 24(4)
15. ნარბონი 13 4 1 8 -104 21(3)
16. კარკასონი 13 2 0 11 -117 13(5)

* * *
ტრავმა მოირჩინა და კელტთა ლიგაში მორიგი ტურის მატჩში ითამაშა საქართველოს ნაკრების შერკინების ბურჯმა ანტონ ფეიქრიშვილმა. მისმა "კარდიფმა" შინ მიიღო ირლანდიური "ქონოთი" და 36:30 მოიგო. ფეიქრიშვილი თადარიგში იყო და თამაშში 51-ე წუთიდან ჩაერთო.

ცხრა ტურში "კარდიფმა" ოთხი მატჩი მოგო და 19 ქულით პირველ ჯგუფში მე-4 ადგილზეა.

ყოველდღიური სპორტული გაზეთი "ლელო"
652
მკითხველის კომენტარები / 0 /
მსგავსი ამბები
რუბრიკის სხვა სიახლეები