რაგბი. ლეგიონი: ფედერალის ლიდერი ქართველები

ფედერალ 1 დივიზიონში მორიგი, მე-5 ტურის მატჩები გაიმართა. ქართველ მორაგბეთა გუნდებმა, რომლებიც თავიანთ ჯგუფებში ლიდერთა შორის არიან, პოზიციები შეინარჩუნეს.

A ჯგუფში წაუგებლად ლიდერობს გიო სორდიას, საბა მეუნარგიასა და ვაჟა კაპანაძის "შამბერი", რომელმაც მე-5 ტურში შინ დაამარცხა "როვალ დრომი" - 15:12. სამივე ქართველი ძირითად შემადგენლობაში იყო. სორდია დაშავდა და 26-ე წუთზე შესაცვლელი შეიქნა, კაპანაძემ მოედანი 47-ე წუთზე დატოვა, მეუნარგიამ მასზე ექვსი წუთით მეტი ითამაშა.

"შამბერის" 21 ქულა აქვს და უახლოეს მდევარ "პოს" ექვსი ქულით უსწრებს.

C ჯგუფში გიორგი მარგველიანისა და ლევან ზარიძის "ვალანსმა" შინ დაამარცხა "ბლანიაკი" 24:20. მარგველიანი ძირითად შემადგენლობაში იყო და 52-ე წუთზე ზარიძემ შეცვალა. ჩვენებურთა გუნდი 15 ქულით მეორე ადგლზეა და ორი ქულით ჩამორჩება "ბაგნერეს".

D ჯგუფში სიმონ მაისურაძისა და გურამ კავთიძის "მაკონმა" სტუმრად დაამარცხა "გარსი" - 36:22. მაისურაძე, რომელიც 50-ე წუთზე შეცვალეს, მე-3 წუთზე არბიტრმა სინბინში გაუშვა, კავთიძემ მოედანი 41-ე წუთზე დატოვა.

"მაკონს", "ნიმთან" და "კარკუირანთან" ერთად 16-16 ქულა დაუგროვდათ და პირველ-მესამე ადგილებს იყოფენ.

ყოველდღიური სპორტული გაზეთი "ლელო"

586
მკითხველის კომენტარები / 0 /
რუბრიკის სხვა სიახლეები