რაგბი. ლეგიონი. ქართველთა დაპირისპირება ლონდონში

ევროთასების გათამაშების ჯგუფურ ეტაპზე მეორე წრე დაიწყო. ყველაზე პრესტიჟულ ტურნირზე, ჩემპიონთა თასზე ოთხი ტურის შემდეგ დაუმარცხებელია ქართველ მორაგბეთა გუნდი "კლერმონი". კიდევ ორმა, "ტულონმა" და "ლა როშელმა" პირველად წააგეს, თუმცა ლიდერობას მაინც ინარჩუნებენ.

ლექსო ყაულაშვილის "ლა როშელმა" სტუმრად ითამაშა ინგლისურ "ვოსფსთან", რომელსაც ამ მატჩამდე პლეი ოფში გასვლის მიზერული შანსი ჰქონდა. მიუხედავად ამისა, მგეზავის, დენი სიპრიანის მეთაურობით ინგლისურმა გუნდმა ფრანგული რაგბის ერთ-ერთ საუკეთესო კლუბს დამაჯერებლად სძლია - 21:3. მარცხის მიუხედავად, ჩვენებურის გუნდი ისევ ლიდერობს. ყაულაშვილი ტრავმირებულია და არ უთამაშია.

B ჯგუფში ზედიზედ მეოთხედ მოიგო დავით ზირაქაშვილის, ვიქტორ კოლელიშვილის, ბექა კაკაბაძისა და ოთარ გიორგაძის "კლერმონმა". "ვულკანებმა" ერთი კვირის წინათ, ინგლისის საუკეთესო გუნდს სტუმრად დამაჯერებლად მოუგეს.

ამჯერად კი შინ გამარჯვების მიღწევა ოდნავ გაუჭირდათ. "სარასენზი" რევანშის აღების წყურვილით იყო მოედანზე გასული და ინგლისური კლუბის მორაგბეები მიზნის მისაღწევად თავს არ ზოგავდნენ.

"კლერმონმა" მაინც შეძლო უშუალო კონკურენტის მეორედ ძლევაც 24:21 და პოზიცია განიმტკიცა. კოლელიშვილი თამაშში 73-ე წუთიდან ჩაერთო, ზირაქაშვილი და გიორგაძე ტრავმირებულნი არიან, კაკაბაძე განაცხადში არ იყო.

C ჯგუფში  ზედიზედ მეორედ მოიგო მიხეილ ნარიაშვილის, კონსტანტინე მიქაუტაძისა და დავით ქუბრიაშვილის "მონპელიემ". ჩვენებურთა გუნდმა ორჯერვე შოტლანდიურ "გლაზგოს" მოუგო. მონპელიელებს, თამამად შეიძლება ითქვას, რომ შინ მოგება უფრო გაუჭირდათ - 36:26.

მიქაუტაძე ძირითად შემადგენლობაში იყო და 67-ე წუთზე შეცვალეს, ნარიაშვილი მოედანზე ოცი წუთით ადრე გამოჩნდა, ქუბრიაშვილი ტრავმირებულია. "მონპელიეს" სატურნირო ცხრილში ხუთი ქულით ირლანდიური "ლენსტერი" უსწრებს, რომელიც წაუგებლად ასპარეზობს.

D ჯგუფში მოასპარეზე ვასილ კაკოვინის "მეტრო რასინგმა" შინ დაამარცხა "კასტრი" 29:7 და საგრძნობლად გამოისწორა სატურნირო მდგომარეობა. ის ახლა ლიდერ "მანსტერს" (ირლანდია) ოთხი ქულით ჩამორჩება და შანსი აქვს, ჯგუფში ასპარეზობა პირველ ადგილზე დაასრულოს. კაკოვინი თადარიგში იყო და მოედანზე 47-ე წუთიდან გამოჩნდა.

პირველი მარცხი იწვნია E ჯგუფში მოასპარეზე მამუკა გორგოძის, ლევან ჩილაჩავასა და ბადრი ალხაზაშვილის "ტულონმა". ჩვენებურთა ეს გუნდი სტუმრად დამარცხდა უშუალო კონკურენტთან, ინგლისურ "ბასთან" - 21:26. ახლა ორივე გუნდს თანაბარი 13-13 ქულა აქვთ და პირველობისთვის ბრძოლა კიდევ უფრო მწვავე ხდება. ამ შეხვედრაში ქართველებს არ უთამაშიათ.

ჩემპიონთა თასი

A ჯგუფი
ალსტერი-ჰარლიქვინზი 52:24
ვოსფსი-ლა როშელი 21:3
1. ლა როშელი - 15 ქულა, 2. ალსტერი - 13, 3. ვოსფსი - 10, 4. ჰარლიქვინზი - 2

V ტური
ჰარლიქვინზი-ვოსფსი, ალსტერი-ლა როშელი

B ჯგუფი
ოსფრიზი-ნორსჰემპთონი 32:15
კლერმონი-სარასენზი 24:21
1. კლერმონი - 18 ქულა, 2. ოსფრიზი - 13, 3. სარასენზი - 11, 4. ნორსჰემპთონი - 1

V ტური

ნორსჰემპთონი-კლერმონი, ოსფრიზი-სარასენზი

C ჯგუფი

მონპელიე-გლაზგო 36:26
ლენსტერი-ექსეტერი 22:17
1. ლენსტერი - 18 ქულა, 2. მონპელიე - 13, 3. ექსეტერი - 9, 4. გლაზგო - 2.

V ტური
ექსეტერი-მონპელიე, ლენსტერი-გლაზგო

D ჯგუფი

მეტრო რასინგი-კასტრი 29:7
ლესტერი-მანსტერი 16:25
1. მანსტერი - 15 ქულა, 2. მეტრო რასინგი 11, 3. კასტრი - 7, 4. ლესტერი - 6.

V ტური

კასტრი-ლესტერი, მეტრო რასინგი-მანსტერი

E ჯგუფი

ბენეტონი-ჰლანეჰლი 12:31
ბასი-ტულონი 26:21
1. ტულონი - 13 ქულა, 2. ბასი - 13, 3. ჰლანეჰლი - 12, 4. ბენეტონი - 3

V ტური

ბასი-ჰლანეჰლი, ტულონი-ბენეტონი

ჩელენჯ კაპის გათამაშებაში ქართველ მორაგბეთა გუნდებიდან საუკეთესო მაჩვენებელი სადღეისოდ ანტონ ფეიქრიშვილის "კარდიფს" აქვს. ის B ჯგუფის ლიდერია. სხვა "ქართული გუნდებიდან" პლეი ოფში გასვლის რეალური შანსი ამავე ჯგუფის მეორეადგილოსანს, თორნიკე მატარაძისა და გურამ პაპიძის "ლიონს" აქვს.

"კარდიფმა" შინ მიიღო ერთ-ერთი კონკურენტი, ინგლისური "სეილ შარქსი" და დაძაბულ ბრძოლაში 14:6 დაამარცხა. ფეიქრიშვილი ძირითად შემადგენლობაში იყო და მე-60 წუთზე შეცვალეს. ლიონელებმა კი ასევე შინ სძლიეს "ტულუზს" - 20:11. მატარაძე თამაშში 54-ე წუთიდან ჩაერთო.

საინტერესო გამოდგა D ჯგუფის ბინადრების, ლაშა ლომიძის "ლონდონ აირიშისა" და ზურაბ ჟვანიასა და გიორგი მელიქიძის "სტად ფრანსეს" დაპირისპირება, რომელიც ლონდონში გაიმართა. სტუმრებმა 26:20 მოიგეს და პლეი ოფში გასვლის თეორიული შანსი შეინარჩუნეს.

ლომიძემ თავიდან ბოლომდე ითამაშა, ჟვანია მოედანზე მე-4 წუთზე შემოვიდა ტრავმირებული თანაგუნდელის ნაცვლად, მელიქიძე თამაშში 51-ე წუთიდან ჩაერთო.

ამავე ჯგუფში შოტლანდიურმა "ედინბურგმა" შინ რეკორდული სხვაობით დაამარცხა ლაშა მალაღურაძის, გიორგი ფრუიძისა და მიხეილ წიკლაურის "კრასნი იარი" - 78:0. შოტლანდიელებმა რუსულ გუნდს 12 ლელო გაუტანეს.

გაცილებით სერიოზული ბრძოლა გაუმართა ლაშა ტაბიძის "ბორდოს" დავით კაჭარავასა და მიხეილ გაჩეჩილაძის "ენისეიმ", რომელმაც მატჩი მხოლოდ ცხრა ქულით დათმო - 27:36. კაჭარავა და გაჩეჩილაძე ძირითად შემადგენლობაში იყვნენ. ტაბიძე მოედანზე 66-ე წუთიდან გამოჩნდა.

უშანსოდ არიან დარჩენილი თავიანთ ჯგუფებში ქართველ მორაგბეთა გუნდები "ბრივი" და "აჟენი". მეოთხე ტურში ორივემ წააგო. ბრიველთა რიგებში კარლენ ასიეშვილმა ითამაშა, რომელიც თამაშში 47-ე წუთიდან ჩაერთო. "აჟენმა" კი მხოლოდ ვახტანგ ახობაძე ათამაშა, რომელიც ძირითად შემადგენლობაში იყო და 69-ე წუთზე შეცვალეს.

ჩელენჯ კაპი

A ჯგუფი

ნიუპორტი-ნიუკასლი 25:27
ბორდო-ენისეი 36:27
1. ნიუკასლი - 18 ქულა, 2. ბორდო - 11, 3. ნიუპორტი - 11, 4. ენისეი - 1

V ტური

ბორდო-ნიუპორტი, ნიუკასლი-ენისეი

B ჯგუფი

კარდიფ ბლუზი-სეილ შარქსი 14:6
ლიონი-ტულუზი 21:11
1. კარდიფი - 13 ქულა, 2. ლიონი - 9, 3. ტულუზი - 8, 4. სეილ შარქსი - 7.

V ტური

კარდიფი-ტულუზი, სეილ შარქსი-ლიონი

C ჯგუფი

პო-აჟენი 26:12
გლოსტერი-ზებრე 69:12
1. პო - 19 ქულა, 2. გლოსტერი - 16, 3. აჟენი - 5, 4. ზებრე - 3.

V ტური

აჟენი-გლოსტერი, პო-ზებრე

D ჯგუფი

ედინბურგი-კრასნი იარი 78:0
ლონდონ აირიში-სტად ფრანსე 20:26
1. ედინბურგი - 20 ქულა, 2. სტად ფრანსე - 11, 3. ლონდონ აირიში - 6, 4. კრასნი იარი - 5.

V ტური

ედინბურგი-სტად ფრანსე, ლონდონ აირიში-კრასნი იარი

E ჯგუფი

ოიონაქსი-ვორსტერი 27:20
ქონოთი-ბრივი 55:10
1. ქონოთი - 19 ქულა, 2. ვორსტერი - 12, 3. ბრივი - 7, 4. ოიონაქსი - 4.

V ტური

ოიონაქსი-ბრივი, ვორსტერი-ქონოთი

666
მკითხველის კომენტარები / 0 /
მსგავსი ამბები
რუბრიკის სხვა სიახლეები