რაგბი. ლეგიონი: ქართული სამეული სათავეშია

საფრანგეთის სარაგბო ჩემპიონატის მე-9 ტურმა ელიტურ, პირველ დივიზიონში დაძაბულ ბრძოლაში ჩაიარა. ყველაზე დიდი სხვაობა ანგარიშში ერთ მატჩში 13 ქულა დაფიქსირდა. სხვა მატჩებში ქულათა სხვაობა ოთხ ქულას არ გასცილებია. სატურნირო ცხრილს კი სათავეში ქართველ მორაგბეთა სამი გუნდი, "ლიონი", "მონპელიე" და "ლა როშელი" უდგას.

განვლილ ტურში გამორჩეული მაინც "ლიონი"-"ლა როშელისა" და "მონპელიე-"კლერმონის" დაპირისპირება იყო. მიხეილ ნარიაშვილის, კონსტანტინე მიქაუტაძისა და დავით ქუბრიაშვილის "მონპელიემ" შინ მიიღო ქვეყნის მოქმედი ჩემპიონი დავით ზირაქაშვილის, ვიქტორ კოლელიშვილის, ოთარ გიორგაძისა და ბექა კაკაბაძის "კლერმონი" და 28:24 დაამარცხა.

არადა, "ვულკანები" 58-ე წუთამდე იგებდნენ, იყო მომენტი, როცა ანგარიშში 10 ქულითაც დაწინაურდნენ, მაგრამ "მონპელიე" სწორედ 58-ე წუთზე ფრანსუა სტეინის ლელოთი წინ გაიჭრა. დარჩენილ დროში, მთელი 22 წუთის განმავლობაში, დიდი მცდელობის მიუხედავად, გუნდებმა მონაგარს ვეღარაფერი შესძინეს.

თორნიკე მატარაძისა და გურამ პაპიძის "ლიონმა", რომელსაც აქამდე მხოლოდ ერთი მარცხი ჰქონდა, შინ წააგო უშუალო კონკურენტთან, ლექსო ყავლაშვილის "ლა როშელთან" - 15:19. ქართველ მორაგბეებს არ უთამაშიათ.

მამუკა გორგოძის, ლევან ჩილაჩავასა და ბადრი ალხაზაშვილის "ტულონი" მოულოდნელად დამარცხდა სტუმრად, ერთ-ერთ აუტსაიდერთან, თამაზ მჭედლიძისა და გიორგი თეთრაშვილის "აჟენთან" - 26:24. აჟენელებმა შესაშური ბრძოლისუნარიანობა გამოავლინეს და მიმდინარე გათამაშებაში მეორე გამარჯვება მოიპოვეს.

ქართველთაგან მხოლოდ გორგოძემ და ჩილაჩავამ ითამაშეს. გორგოძემ მოედანი 52-ე წუთზე დატოვა, ჩილაჩავა კი თამაშში იმავდროულად ჩაერთო.

უმნიშვნელოვანესი გამარჯვება მოიპოვა შინ კარლენ ასეიშვილის, ვასილ ლობჟანიძისა და სოსო ბეკოშვილის "ბრივმა", რომელმაც ზურაბ ჟვანიასა და გიორგი მელიქიძის "სტად ფრანსე" მინიმალური სხვაობით 20:19 სძლია. ასეიშვილი და ჟვანია ძირითად შემადგენლობაში იყვნენ.

TOP-14. IX ტური
ტულუზი-ბორდო 38:37
ლიონი-ლა როშელი 15:19
ოიონაქსი-კასტრი 19:32
რასინგი-პო 23:20
აჟენი-ტულონი 26:24
ბრივი-სტად ფრანსე 20:19
მონპელიე-კლერმონი 28:24

ქართველი ლეგიონერები
დავით ზირაქაშვილი (კლერმონი) ძირითადში (41 წთ)
ვიქტორ კოლელიშვილი (კლერმონი) ძირითადში
ოთარ გიორგაძე (კლერმონი) განაცხადში არ იყო
ბექა კაკაბაძე (კლერმონი) განაცხადში არ იყო
მიხეილ ნარიაშვილი (მონპელიე) ძირითადში (65 წთ)
დავით ქუბრიაშვილი (მონპელიე) ტრავმირებულია
კონსტანტინე მიქაუტაძე (მონპელიე) ძირითადში (53 წთ)
ლექსო ყაულაშვილი (ლა როშელი) ტრავმირებულია
მამუკა გორგოძე (ტულონი) ძირითადში (52 წთ)
ლევან ჩილაჩავა (ტულონი) შეცვლაზე (52 წთ)
ბადრი ალხაზაშვილი (ტულონი) განაცხადში არ იყო
ვასილ კაკოვინი (რასინგი) ძირითადში (51 წთ)
ლაშა ტაბიძე (ბორდო) განაცხადში არ იყო
ზურაბ ჟვანია (სტად ფრანსე) ძირითადში (60 წთ)
გიორგი მელიქიძე (სტად ფრანსე) განაცხადში არ იყო
კარლენ ასეიშვილი (ბრივი) ძირითადში (59 წთ)
სოსო ბეკოშვილი (ბრივი) განაცხადში არ იყო
ვასილ ლობჟანიძე (ბრივი) განაცხადში არ იყო
თორნიკე მატარაძე (ლიონი) განაცხადში არ იყო
გურამ პაპიძე (ლიონი) განაცხადში არ იყო
ირაკლი მირცხულავა (ოიონაქსი) განაცხადში არ იყო
გიორგი ვეფხვაძე (ოიონაქსი) განაცხადში არ იყო
თამაზ მჭედლიძე (აჟენი) განაცხადში არ იყო
გიორგი თეთრაშვილი (აჟენი) განაცხადში არ იყო
ვახტანგ ახობაძე (აჟენი) განაცხადში არ იყო

თ მ ფ წ ბ ქ(პ)
1. ლიონი 9 7 0 2 +114 33(5)
2. მონპელიე 9 7 0 2 +101 32(4)
3. ლა როშელი 9 7 0 2 +100 30(2)
4. ტულუზი 9 6 1 2 +54 28(4)
5. ტულონი 9 5 0 4 +25 25(5)
6. რასინგი 9 5 0 4 +38 24(4)
7. ბორდო 9 5 0 4 +24 23(3)
8. კასტრი 9 4 0 5 0 21(5)
9. პო 9 4 0 5 -2 19(3)
10. კლერმონი 9 4 0 5 +28 18(2)
11. სტად ფრანსე 9 3 0 6 -69 14(1)
12. აჟენი 9 2 0 7 -90 10(2)
13. ბრივი 9 2 0 7 -157 9(1)
14. ოიონაქსი 9 1 1 7 -166 7(1)

* * *
მეორე დივიზიონში ისევ ბექა გიგაშვილის "გრენობლის" ჰეგემონიაა. საგრძნობლად მოუმატა და სატურნირო ცხრილის მეორე საფეხურზე დამკვიდრდა ბექა გორგაძის "მონ დე მარსანი".

"ალპელებმა" გასვლით მატჩში შალვა მამუკაშვილის, გიორგი ნაცარაშვილისა და მირიან ბურდულის "კარკასონი" დაამარცხეს - 23:18. ეს უკანასკნელი ბოლო ადგილზეა და ნელ-ნელა გავარდნის რეალურ კანდიდატად გადაიქცა, რადგან ბოლოსწინა ადგილზე მყოფ ბასკურ "ბაიონს" უკვე რვა ქულით ჩამორჩება. თუმცა, ცხადია, ჯერ გადაწყვეტილი არაფერია და მთელი სეზონი წინაა.

"მონ დე მარსანმა" შინ სძლია "ბეზიეს" - 43:12. გორგაძემ ტრავმა მოირჩინა, სარეაბილიტაციო კურსიც დაასრულდა და უკვე ვარჯიშს შეუდგა.

მიმდინარე სეზონში მეორე ლელო გაიტანა "ორიაკის" შუამარბმა მერაბ შარიქაძემ. მისმა გუნდმა, რომელშიც შერკინების ქართველი ბურჯი ნიკოლოზ ხატიაშვილიც თამაშობს, შინ დაამარცხა "ნევერი" - 33:23. ხატიაშვილი 73-ე წუთზე მატჩის არბიტრმა სინბინში გაუშვა.

PRO D2. XI ტური
მონტობანი-ბაიონი 25:20
ორიაკი-ნევერი 33:23
კარკასონი-გრენობლი 18:23
მარსანი-ბეზიე 43:12
ნარბონი-მასი 29:15
ვანი-დაქსი 34:9
ბირიცი-კოლომიე 36:13
ანგულემი-პერპინიანი 30:30

ქართველი ლეგიონერები
მერაბ შარიქაძე (ორიაკი) ძირითადში, 1 ლ
ნიკოლოზ ხატიაშვილი (ორიაკი) ძირითადში (79 წთ), სინ
ბექა შეყლაშვილი (კოლომიე) ტრავმირებულია
ვახტანგ მაისურაძე (ვანი) ძირითადში (53 წთ)
ელიზბარ ყუფარაძე (დაქსი) ძირითადში (48 წთ)
შალვა სუთიაშვილი (ანგულემი) ძირითადში
ბექა გიგაშვილი (გრენობლი) ძირითადში (63 წთ)
ბექა გორგაძე (მონ დე მარსანი) განაცხადში არ იყო
შალვა მამუკაშვილი (კარკასონი) განაცხადში არ იყო
მირიან ბურდული (კარკასონი) განაცხადში არ იყო
გიორგი ნაცარაშვილი (კარკასონი) შეცვლაზე (54 წთ)
ბექა ბიწაძე (ნარბონი) განაცხადში არ იყო
ილია კაიკაციშვილი (მასი) განაცხადში არ იყო

ა გ თ მ ფ წ ბ ქ(პ)
1. გრენობლი 11 9 0 2 +104 40(4)
2. მარსანი 11 7 0 4 +131 35(7)
3. მონტობანი 11 8 1 2 -15 35(1)
4. პერპინიანი 11 6 1 4 +88 31(5)
5. კოლომიე 11 6 1 4 +43 31(5)
6. ბიარიცი 11 7 0 4 +32 30(2)
7. მასი 11 5 0 6 +3 24(4)
8. ბეზიე 11 5 0 6 -29 23(3)
9 დაქსი 11 5 0 6 -54 23(3)
10. ორიაკი 11 4 1 6 +28 22(4)
11. ნევერი 11 5 0 6 -11 22(2)
12. ნარბონი 11 4 1 6 -71 21(3)
13. ვანი 11 4 0 7 -36 20(4)
14. ანგულემი 11 4 1 6 -51 20(2)
15. ბაიონი 11 4 0 7 -58 20(4)
16. კარკასონი 11 2 0 9 -104 12(4).

ყოველდღიური სპორტული გაზეთი "ლელო"
834
მკითხველის კომენტარები / 0 /
მსგავსი ამბები
რუბრიკის სხვა სიახლეები