რაგბი. ლეგიონი. ჩემპიონს ვერც ზირაქაშვილის დაბრუნებამ უშველა

  საფრანგეთის სარაგბო ჩემპიონატის ელიტურ, პირველ დივიზიონში მეორე წრის პირველი ტურის შეხვედრები გაიმართა.

ამ ტურში ისევ გაცვალეს ადგილები ქართველ მორაგბეთა ლიდერმა გუნდებმა "ლაროშელმა" და "მონპელიემ".

ტრავმა მოიშუშა და მინდორს დაუბრუნდა "ლა როშელის" ქართველი შერკინების ბურჯი ლექსო ყაულაშვილი. ჩემპიონატის ლიდერებმა შინ მიიღეს ერთ-ერთი აუტსაიდერი, თამაზ მჭედლიძის, გიორგი თეთრაშვილისა და ვახტანგ ახობაძის "აჟენი" და იოლად სძლიეს 47:6.

ქართველებიდან ძირითადში მხოლოდ მჭედლიძე იდგა, რომელმაც თავიდან ბოლომდე ითამაშა, თეთრაშვილი მოედანზე 41-ე წუთიდან გამოჩნდა, ოთხი წუთის შემდეგ თამაშში ყაულაშვილიც ჩაერთო, ახობაძემ მატჩის ბოლო 20 წუთი ითამაშა.

მიხეილ ნარიაშვილის, კონსტანტინე მიქაუტაძისა და დავით ქუბრიაშვილის "მონპელიემ" სტუმრად, მოულოდნელად, წააგო ასევე ერთ-ერთ აუტსაიდერთან, კარლენ ასიეშვილის, სოსო ბეკოშვილისა და ვასილ ლობჟანიძის "ბრივთან" - 10:29.

ქართველი მორაგბეებიდან მხოლოდ ასიეშვილმა ითამაშა, რომელიც თადარიგში იყო და მოედანზე 55-ე წუთიდან გამოჩნდა.

ისევ გრძელდება ქვეყნის მოქმედი ჩემპიონის, დავით ზირაქაშვილის, ვიქტორ კოლელიშილის, ბექა კაკაბაძისა და ოთარ გიორგაძის "კლერმონის" კრიზისი.

"ვულკანებს" ვერც ტრავმამოშუშებული ზირაქაშვილის დაბრუნებამ უშველა. ჩვენებურთა გუნდი მე-14 ტურში შინ დაუპირისპირდა "კასტრს", რომელიც ლიდერთა შორისაა და 27:31 წააგო.

თამაში, ანგარიშიდანაც კარგად ჩანს, რომ დაძაბული იყო. "კლერმონი" 57-ე წუთამდე 27:10 იგებდა, მაგრამ "კასტრმა" მატჩის გადარჩენა შეძლო. არბიტრმა სინბინში შვიდი მორაგბე გაუშვა, აქედან სამი მასპინძელთა გუნდიდან იყო.

ქართველებიდან მხოლოდ ზირაქაშვილმა ითამაშა, ის მოედანზე 52-ე წუთიდან გამოჩნდა.

ლიდერთა შორისაა ვასილ კაკოვინის "მეტრო რასინგიც", რომელმაც სტუმრად ითამაშა აუტსაიდერ, ირაკლი მირცხულავას "ოიონაქსთან" და 16:12 მოიგო. ორივე ქართველი ძირითად შემადგენლობაში იყო. კაკოვინი 52-ე წუთზე შეცვალეს, მირცხულავამ კი, მოედანი 15 წუთის შემდეგ დატოვა.

სტუმრად ტულუზში დამარცხდა მამუკა გორგოძისა და ლევან ჩილაჩავას "ტულონი" - 13:18. ქართველ მორაგბეებს ტრავმების გამო არ უთამაშიათ.

I დივიზიონი

XIV ტური

ლა როშელი-აჟენი 47:6
სტად ფრანსე-ბორდო 22:12

ბრივი-მონპელიე 29:10
ოიონაქსი-რასინგი 12:16

ტულუზი-ტულონი 18:13
ლიონი-პო 35:23
კლერმონი-კასტრი 27:31

თ მ ფ წ ბ ქ(პ)
1. ლა როშელი 14 10 0 4 +157 44(4)
2. მონპელიე 14 9 0 5 +75 42(6)
3. კასტრი 14 9 0 5 +53 42(6)
4. რასინგი 14 9 0 5 +73 41(5)
5. ტულონი 14 7 0 7 +60 37(9)
6. ლიონი 14 8 0 6 +48 37(5)
7. ტულუზი 14 8 1 5 +43 37(3)
8. ბორდო 14 7 1 6 +24 33(3)
9. კლერმონი 14 6 1 7 +53 31(5)
10. პო 14 7 0 7 -14 31(3)
11. სტად ფრანსე 14 6 0 8 -83 27(3)
12. ბრივი 14 4 1 9 -168 20(2)
13. აჟენი 14 4 0 10 -120 18(2)
14. ოიონაქსი 14 1 2 11 -201 12(4)

6 იანვარი

XV ტური

ბორდო-ლიონი, ბრივი-ტულონი, აჟენი-კასტრი,

ოიონაქსი-ლა როშელი, მონპელიე-სტად ფრანსე,

პო-ტულუზი, რასინგი-კლერმონი

ყოველდღიური სპორტული გაზეთი "ლელო"
1284
მკითხველის კომენტარები / 0 /
მსგავსი ამბები
რუბრიკის სხვა სიახლეები
;