[რაგბი. ლეგიონი. VIDEO] ქართველების სამი ლელო

ჩელენჯ კაპის გათამაშების ჯგუფური ტურნირის მეოთხე ტურის მატჩში ქართველი მორაგბეების ფრანგულმა „ბრივმა“ შინ მიიღი იტალიური „ზებრე“ და 24:10 დაამარცხა.

საქართველოს ნაკრების ცხრა ნომერმა ვასილ ლობჟანიძემ მე-19 და 45-ე წუთზე ორი ლელო გაიტანა. ერთი საჯარიმო და სამი გარდასახვა კი „ბორჯღალოსნების“ მგეზავ თედო აბჟანდაძის ანგარიშზეა. მან სრულად ითამაშა და ბოლო 20 წუთის განმავლობაში ფულბეკის პოზიციაზე მოუწია ასპარეზობამ.

თავიდან ბოლომდე ითამაშა შერკინების ბურჯმა ლუკა ჯაფარიძემაც. ლობჟანიძე 57-ე წუთზე შეცვალეს. ოთარ გიორგაძე თამაშში 61-ე წუთიდან ჩაერთო.

ლექსო ყაულაშვილის, ლაშა ტაბიძისა და ბექა გორგაძის „ბორდომ“ ჩელენჯ კაპის გათამაშების მე-4 ტურში „აჟენს“ უმასპინძლა და 33:6 სძლია. შედეგად, ჩვენებურთა გუნდი 17 ქულით C ჯგუფში გალიდერდა. გორგაძემ, რომელმაც სრულად ითამაშა, 64-ე წუთზე ლელო გაიტანა.

ტაბიძე მოედანზე 53-ე წუთიდან გამოჩნდა. ყაულაშვილი განაცხადში არ იყო.

n n n

საფრანგეთის სარაგბო ჩემპიონატის ელიტურ, მეორე დივიზიონში შალვა სუთიაშვილისა და ლუკა გოგინავას „ანგულემმა“ შინ მიიღო „პროვანსი“ და 19:15 დაამარცხა. სუთიაშვილმა, რომელმაც სრულად ითამაშა, 64-ე წუთზე ლელო გაიტანა. ეს ლელო მასპინძლებისთვის გამარჯვების მომტანი გამოდგა.

გოგინავა თამაშში 41-ე წუთიდან ჩაერთო და მე-80 წუთზე მატჩის არბიტრმა სინბინში გაუშვა.

582
მკითხველის კომენტარები / 0 /
მსგავსი ამბები
რუბრიკის სხვა სიახლეები
;