რაგბი. მსაჯები დაგვინიშნეს

"მსოფლიო რაგბიმ" ოფიციალურად გამოაქვეყნა ივნისის ტესტების განრიგი და იმ არბიტრების ვინაობა, რომელებიც ტესტების კონკრეტულ მატჩებს მოემსახურებიან. ცნობილია, იმ მსაჯების ვინაობა, რომლებიც საქართველოს ნაკრების შეხვედრებს განსჯინან.

ივნისის ტესტებზე "ბორჯღალოსნები" პირველ მატჩს 9 ივნის გამართავენ ფიჯის დედაქალაქ სუვაში ტონგას ეროვნული გუნდის წინააღმდეგ. ამ მატჩს შერეული, ახალზელანდიურ-ავსტრალიური ბრიგადა მოემსახურება. მთავარი მსაჯი კი, ახალზელანდიელი ბრენდონ პიკერილი იქნება, რომელიც დიდი ხანია ზე რაგბის მატჩებს მსაჯობს.

დარჩენილ ორ მატჩში კი, საქართველოს ნაკრებს ჩვენთვის კარგად ნაცნობი მსაჯები მოემსახურებიან. 16 ივნისს, სუვაში ფიჯის ეროვნულ გუნდს დავუპირისპირდებით. ამ მატჩს ფრანგი ჟერომ გარსესი განსჯის.

ამის მერე "ბორჯღალოსნები" იაპონიაში გადაბარგდებიან და 23 ივნისს, სავარაუდოდ, ტოიტა სიტიში იაპონიის ნაკრებს ეთამაშებიან. ამ მატჩში უელსელი ნაიჯელ ოუენსი იმსაჯებს, რომელმაც 2015 წლის მსოფლიოს თასზე ჩვენთვის ისტორულ მატჩში გვიმსაჯა ტონგას ნაკრების წინააღმდეგ.

1590
მკითხველის კომენტარები / 0 /
მსგავსი ამბები
რუბრიკის სხვა სიახლეები
;