[რაგბი] მსოფლიოს თასი.ფინალი. ანალიზი. 12 წელიწადში ერთხელ, ბოკე ჩემპიონია! [VIDEO+PHOTO]

სამხრეთ აფრიკის ნაკრებმა მსოფლიოს თასი მესამედ მოიგო. „ბოკემ“ იაპონიაში დასრულებულ მსოფლიოს რაგბის უდიდეს ფორუმზე ფინალში ინგლისის ნაკრები 32:12 დაამარცხა და ვებ ელისის თასი აღმართა.

აღსანიშნავია, რომ პირველად სამხრეთაფრიკელებმა მსოფლიოს თასი 1995 წელს, მოიგეს, მეორედ 12 წლის შემდეგ 2007 წელს და ახლაც, 12 წლის შემდეგ მესამედ დაეპატრონენ მას. 

სამხრეთაფრიკელებმა მეტოქე განსაკუთრებით შერკინებაში დაჯაბნეს - პირველი ლელო „ბოკემ“ 66-ე წუთზე გაიტანა. თუმცა, ამ დროისთვის უკვე 18:12 იგებდა. თავი გარემერბმა მაკაზოლე მაპიმპიმ გამოიჩინა. ანდრე პოლარდმა, რომელმაც იქამდე ექვსი საჯარიმო გაიტანა, გარდასახვა ზუსტად დაარტყა - 25:12.

ინგლისელებისთვის მეტოქე უკვე თთქმის მიუწვდომელი იყო. მით უფრო, რომ შვიდ წუთში მეორე გარემარბმა ჩესლინ კოლბიმაც გაიტანა ლელო. პოლარდმა ესეც გარდასახა - 32:12.

•  •  •

გუშინ ტოკიოში წლის საუკეთესოების დაჯილდოების ცერემონია გაიმართა. წლის საუკეთესო მორაგბედ სამხრეთ აფრიკის ნაკრების მესამეხაზელი პიტერ-სტეფ დუ ტოი დასახელდა.

წლის აღმოჩენა: რომენ ნტამაკი (საფრანგეთი)

წლის საუკეთესო მსაჯი: უეინ ბარნსი (ინგლისი)

წლის საუკეთესო ლელო: თი ჯეი პერენარა (ახალი ზელანდია)

წლის საუკეთესო გუნდი: სამხრეთ აფრიკის ნაკრები

წლის საუკეთესო მწვრთნელი: რასი ერასმუსი (სამხრეთ აფრიკა)

წლის საუკეთესო მორაგბე ქალი: ემილი სკარეტი (ინგლისი)

III ადგილისთვის
 ახ. ზელანდია-უელსი 40:17 
ახ. ზელანდია: 6ლ - მუდი, ბ. ბარეტი, ბ. სმითი (2), კროტი, მოუნგა. 5გ - მოუნგა.
უელსი: 2ლ - ამოსი, ადამსი. 2გ - პატჩელი, ბიგარი. ს - პატჩელი  
ფინალი
ინგლისი-სამ.აფრიკა 12:32 
ინგლისი: 4ს - ფარელი      
სამ. აფრიკა: 2ლ - მაპიმპი, კოლბი. 6ს, 2გ - პოლარდი    

1991
მკითხველის კომენტარები / 0 /
მსგავსი ამბები
რუბრიკის სხვა სიახლეები
;