რაგბი. მსოფლიოს თასი 2023: ვებ ელისი სამხრეთ აფრიკაში?

შეგახსენებთ, რომ 2023 წლის მსოფლიოს თასის გამართვის სურვილი აფრიკელთა გარდა საფრანგეთსა და ირლანდიას აქვს. საბოლოო გადაწყვეტილებას "მსოფლიოს რაგბის" საბჭო 15 ნოემბერს მიიღებს.

რაგბის მსოფლიოს თასის საბჭოს წევრები არიან, "მსოფლიო რაგბის" პრეზიდენტი ბილ ბომონტი, ვიცე-პრეზიდენტი აუგუსტინ პიშო, აღმასრულებელი დირექტორი ბრეტ გოსპერი, გარეთ დევისი (უელსი) და დამოუკიდებელი წევრი მაიკ ჰოკერი.

15 ნოემბერს გასამართ "მსოფლიოს რაგბის" საბჭოს სხდომაზე არჩევნები ჩატარდება. სულ 39 ხმაა. აქედან უბრალო უმრავლესობა საკმარისია, რომ რომელიმე ქვეყანამ მასპინძლობის უფლება მიიღოს. აი, როგორ არის განაწილებული ეს ხმები.

ოთხი ერის სამ ქვეყანას და ექვსი ერის ოთხ ქვეყანას სამ-სამი ხმა აქვთ, თითოეულს - 21 ხმა.

ექვს რეგიონალურ ასოციაციას (რაგბი ოკეანეთი, სამხრეთი ამერიკა რაგბი, რაგბი ევროპა, რაგბი ჩრდილოეთი ამერიკა, რაგბი აფრიკა და აზია რაგბი) დამატებული იაპონიის რაგბის კავშირი - ორ-ორი ხმა. სულ - 14 ხმა.

თითო ხმა აქვთ საქართველოს რაგბის კავშირს, ამერიკის შეერთებული შტატების რაგბის ფედერაციას, კანადის რაგბის ფედერაციას და რუმინეთის რაგბის კავშირს.

აღსანიშნავია, რომ რაგბის მსოფლიოს თასის საბჭომ მხარი სამხრეთ აფრიკას ერთხმად დაუჭირა. აი, რა თქვა ბილ ბომონტმა ამის თაობაზე:
"პირველი შემთხვევაა, როცა მსოფლიოს თასის მასპინძელს სრულიად ახალი, რეორგანიზებული პროცესით ვირჩევთ. ყველანაირი განხილვის შედეგად, რომელიც სრულიად გამჭვირვალე იყო, დადგინდა, რომ სამ კანდიდატს შორის ლიდერი სამხერთ აფრიკაა.

მინდა მივულოცო სამხრეთი აფრიკას თავდადებული და მაღალპროფესიული შრომის შედეგად მიღწეული წარმატება. 15 ნოემბერს, ლონდონში, ჩვენი კოლეგები "მსოფლიოს რაგბის" საბჭოს სხდომაზე განიხილავენ ჩვენს რეკომენდაციას და საბოლოო გადაწყვეტილებას მიიღებენ".

შეგახსენებთ, რომ მანამდე, 2 ნოემბერს, "მსოფლიოს რაგბი" იაპონიაში გასამართი 2019 წლის მსოფლიოს თასის კალენდარს გამოაქვეყნებს.

ყოველდღიური სპორტული გაზეთი "ლელო"
1116
მკითხველის კომენტარები / 0 /
მსგავსი ამბები
რუბრიკის სხვა სიახლეები
;