რაგბი. ნაკრების ნოემბრის ტესტები: იტალია, სამოა და ტონგა

გადაწყვეტილი იყო, რომ საქართველოს ნაკრები ნოემბრის ტესტებზე იტალიის ნაკრებს 10 ნოემბერს, სტუმრად, ფლორენციაში უნდა ეთამაშა. დასადგენი იყო დანარჩენ ორ მატჩში "ბორჯღალოსნების" მოწინააღმდეგეთა ვინაობა.

რაგბის კავშირის განცხადებით, ერთი ტონგას ნაკრები უნდა ყოფილიყო. მესამე კი, ახლახან დადგინდა. სამოას რაგბის კავშირის ოფიციალურმა ვებგვერდმა გვამცნო, რომ ამ ქვეყნის ნაკრები ნოემბერში ევროპაში ჩამოვა და აშშ-ის, საქართველოსა და ესპანეთის ნაკრებებს შეხვდება.

საქართველოსა და სამოას ნაკრებების მატჩი თბილისში, სავარაუდოდ, 17 ნოემბერს გაიმართება. ტონგას ეროვნულ გუნდს კი, 24 ნოემბერს ვუმასპინძლებთ. ამასთან ერთად, გამორიცხული არ არის, საქართველოს ნაკრებმა იტალიელებთან მატჩამდე ერთი გასახურებელი თამაშიც გამართოს. ჯერჯერობით ამის შესახებინფორმაცია არ ვრცელდება.

ნოემბრის ტესტები

10 ნოემბერი
იტალია-საქართველო

17 ნოემბერი
საქართველო-სამოა

24 ნოემბერი
საქართველო-ტონგა

ყოველდღიური სპორტული გაზეთი "ლელო"
1886
მკითხველის კომენტარები / 0 /
მსგავსი ამბები
რუბრიკის სხვა სიახლეები
;