რაგბი. ნაკრების პირველი ვარჯიში და სწავლას მოწყურებული 32 ინგლისელი

საქართველოს მორაგბეთა ეროვნული ნაკრები ინგლისში იმყოფება და ამ ქვეყნის ეროვნულ გუნდთან გუშინ პირველი ვარჯიშიც გამართა.

"პომების" ავსტრალიელმა თავკაცმა ედი ჯონსმა საწვრთნელ კემპზე 32 მორაგბეს უხმო. შეგახსენებთ, რომ ინგლისელები ექვსი ერის მოქმედი ჩემპიონები არიან და მსოფლიოს რეიტინგში მხოლოდ ახალ ზელანდიას ჩამორჩებიან.

ედი ჯონსს მიზნად დაუსახავს სწორედ "ოლ ბლექსის" მსოფლიო ჰეგემონიის დამხობა. საამისოდ, შერკინების თამაშის გასაძლიერებლად, რაც გუნდის სათამაშო დონეს კიდევ უფრო გაზრდის, სწორედ ჩვენს ნაკრებთან ერთობლივი ვარჯიში გადაწყვიტა.

საგულისხმოა, რომ მორკინალების გარდა წვრთნაში ორივე გუნდის უკანახაზელებიც მიიღებენ მონაწილეობას.

ინგლისელებმა ექვსი ერის მიმდინარე გათამაშებაში ჯერ იტალიას მოუგეს სტუმრად 46:15, მერე კი, შინ უელსის ნაკრებს სძლიეს მძიმე ბრძოლაში - 12:6.

ინგლისის ნაკრები

შერკინება: დენ კოლი (ლესტერ ტაიგერსი), ლუკ ქოუან-დიკი (ექსეტრი), ჯეიმი ჯორჯი (სარასენზი), დილან ჰარტლი (ნორსჰემპთონი), ჯო მარლერი (ჰარლიქვინზი),

მაკო ვუნიპოლა (სარასენზი), ჰარი უილიამსი (ექსეტერი), ჯეიმს ჰესკელი (ვოსფსი), ნათან ჰოგი (ვოსფსი), ნიკ აისეკვე (სარასენზი), მარო იტოჯე (სარასენზი),

კორტნი ლოუ (ნორსჰემპთონი), ჯო ლანჩბერი (ვოსფსი), ზაკ მერსერი (ბასი), სემ მური (სეილ შარქსი), კრის რობშო (ჰარლიქვინზი), სემ ანდერჰილი (ბასი).

უკანა ხაზი: დენი კერი (ჰარლიქვინზი), ოუენ ფარელი (სარასენზი), ჯორჯ ფორდი (ლესტერ ტაიგერსი), ჯონათან ჯოზეფი (ბასი), მარკუს სმითი (ჰარლიქვინზი),

ბენ ტეო (ვორსტერი), რიჩარდ ვაიგლსვორსი (სარასენზი), მაიკ ბრაუნი (ჰარლიქვინზი), გებრილე იბიტოიე (ჰარლიქვინზი), ჰარი მალინდერი (ნორსჰემპთონი),

ჯონ მეი (ლესტერ ტაიგერსი), ჯეკ ნოელი (ექსეტერი), დენი სოლომონა (სეილ შარქსი), ანტონი ვოტსონი (ბასი).

1525
მკითხველის კომენტარები / 0 /
მსგავსი ამბები
რუბრიკის სხვა სიახლეები
;