რაგბი. ნაკრები: ინგლისიდან გერმანიაში ხუთი ცვლილებით

საქართველოს ნაკრებმა ლონდონში ინგლისის ნაკრებთან გამართული ერთობლივი წვრთნების შემდეგ გერმანიაში გადაინაცვლა, სადაც ფრანკფურტთან ახლოს მდებარე პატარა ქალაქ ოფენბახში ამ ქვეყნის ეროვნულ გუნდს დაუპირისპირდება.

* საქართველოს ნაკრების შერკინებაში, ბელგიასთან მატჩისგან
განსხვავებით, სამი ცვლილებაა.
* ორი ცვლილება უკანა ხაზს ეხება.
* გერმანიასთან მატჩამდე "ბორჯღალოსნებმა" ინგლისელებთან
ერთობლივი შეკრება მოაწყვეს.

"ბორჯღალოსნების" მთავარმა მწვრთნელმა მილტონ ჰეიგმა საბრძოლო რაზმი დაასახელა, რომელშიც გასულ შაბათს ბელგიის ნაკრებთან ნათამაშებ შემადგენლობასთან შედარებით, ძირითადში 5 ცვლილებაა.

უკანა ხაზში მგეზავი რეზო ჯინჭველაშვილის ნაცვლად ლაშა ხმალაძე ითამაშებს, ხოლო ფრთაზე გიორგი ფრუიძის ადგილს ანზორ სიჭინავა დაიკავებს. სიჭინავა "ბორჯღალოსანთა" კვართით მესამედ ითამაშებს და ძირითად შემადგენლობაში პირველადაა. ფრუიძის გარდა თადარიგში იქნებიან ვასილ ლობჟანიძე და ლაშა მალაღურაძე.

პირველ ხაზში ზურაბ ჟვანიას ნაცვლად 2017 წლის საქართველოს საუკეთესო მორაგბე მიხეილ ნარიაშვილი ითამაშებს, ხოლო ჟვანიამ თადარიგში გადაინაცვლა. აქვე არიან შერკინების კვაჭი ბადრი ალხაზაშვილი და ბურჯი ანტონ ფეიქრიშვილი, რომელთაც ბელგიასთან არ უთამაშიათ.

მესამე ხაზში ორი ცვლილებაა - ძირითადში ადგილი შეინარჩუნა ლაშა ლომიძემ, გიორგი თხილაიშვილის ნაცვლად ითამაშებს ვიქტორ კოლელიშვილი, ხოლო მიხეილ გაჩეჩილაძე პირველად გამოვა მოედანზე ძირითად შემადგენლობასთან ერთად.

სათადარიგოთა შორის გადაინაცვლა ოთარ გიორგაძემ, ხოლო გიორგი ცუცქირიძე ბორჯღალოსანთა კვართს წლეულს პირველად მოირგებს. გუნდს გერმანიის ნაკრებთან ისევ მეორეხაზელი გიორგი ნემსაძე უკაპიტნებს. მისი მეწყვილე ისევ ნოდარ ჭეიშვილი იქნება.

საქართველო: 15. ბექა წიკლაური, 14. ანზორ სიჭინავა, 13. დავით კაჭარავა, 12. გიორგი კვესელაძე, 11. ალექსანდრე თოდუა, 10. ლაშა ხმალაძე, 9. გელა აფრასიძე; 1. მიხეილ ნარიაშვილი, 2. შალვა მამუკაშვილი, 3. ლევან ჩილაჩავა, 4. გიორგი ნემსაძე, 5. ნოდარ ჭეიშვილი, 6. მიხეილ გაჩეჩილაძე, 7. ვიქტორ კოლელიშვილი, 8. ლაშა ლომიძე.
სათ: 16. ბადრი ალხაზაშვილი, 17. ზურაბ ჟვანია, 18. ანტონ ფეიქრიშვილი, 19. ოთარ გიორგაძე, 20. გიორგი ცუცქირიძე, 21. ვასილ ლობჟანიძე, 22. ლაშა მალაღურაძე, 23. გიორგი ფრუიძე

II ტური

შაბათი, 17 თებერვალი
რუსეთი-ბელგია 16:00
გერმანია-საქართველო 17:30

კვირა, 18 თებერვალი
ესპანეთი-რუმინეთი 15:45

თ მ ფ წ ბ ქ(პ)
1. რუმინეთი 1 1 0 0 +79 5(1)
2. საქართველო 1 1 0 0 +47 5(1)
3. ესპანეთი 1 1 0 0 +7 4(0)
4. რუსეთი 1 0 0 1 -7 1(1)
5. ბელგია 1 0 0 1 -47 0(0)
6. გერმანია 1 0 0 1 -79 0(0)

ფოტო: გოგიტა ბუხაიძე

ყოველდღიური სპორტული გაზეთი "ლელო"
1498
მკითხველის კომენტარები / 0 /
მსგავსი ამბები
რუბრიკის სხვა სიახლეები
;