რაგბი. რუმინეთის მთავარმა მწვრთნელმა ყველა უძლიერესს უხმო

საქართველოს ნაკრების მეტოქე "რაგბი ევროპის" ჩემპიონატზე, რუმინეთის ეროვნული გუნდი პირველ მატჩს შინ გამართავს გერმანიის ნაკრებთან.

"სტეჟარის" უელსელმა მთავარმა მწვრთნელმა ლინ ჰოულსმა ნაკრებში 30 მორაგბე იხმო. მათ შორის საკმაოდ ბევრი გამოცდილი და არანაკლები რაოდენობის ნატურალიზებული მოთამაშეა.

რუმინეთის ნაკრებისთვის გერმანიის ეროვნულ გუნდთან თამაში 2019 წლის მსოფლიოს თასის საკვალიფიკაციო ეტაპის მატჩია. შესაბამისად, თამაშის შედეგს ორივე გუნდისთვის უდიდესი მნიშვნელობა აქვს.

რუმინელები "კბილებს ილესავენ", რადგან სურთ დაამტკიცონ, რომ შარშან გერმანელებთან ერთადერთი მარცხი შემთხვევითობა იყო.

"მუხის ფოთლების" უელსელმა თავკაცმა გუნდში ლამის ყველა გამოცდილ მორაგბეს უხმო: ესენია: პირველხაზელები, ანდრეი ურსაკე (კარკასონი), მიჰაიტა ლაზარი (კასტრი), ალექსანდრუ ტარუსი (სეილ შარქსი).

მეორეხაზელები, ვალენტინ ურსაკე (ოიონაქსი) და ვალენტინ პოპარლანი (ტიმიშოარა). მესამეხაზელები: მიჰაი მაკოვეი (კოლომიე), სტელიან ბურეა (ბუქარესტი), ალინ კოსტე (კარკასონი). უკანა ხაზში: ფლორინ სურუჯუ, ფლორინ ვლაიკუ (ორივე-სტიაუა) და კატალინ ფერკუ (ტიმიშოარა).

"წინ უმნიშვნელოვანესი მატჩი გველის, რომელიც მსოფლიოს თასის შესარჩევი ეტაპის შემადგენელი ნაწილია. ეს სეზონის პირველი მატჩია, რაც ყოველთვის ძნელი სათამაშოა ფსიქოლოგიური თვალსაზრისით. მასში მიღწეული შედეგი მომავალი შეხვედრებისთვის სათანადოდ განგაწყობს.

გუნდი ორთვიანი შუალედის შემდეგ პირველად შეიკრიბება და გერმანიასთან მატჩისთვის მოსამზადებლად მხოლოდ სამი დღე გვექნება. ფსიქოლოგიური წნეხი ძალიან დიდია, რადგან შარშან, გერმანიაში წავაგეთ და ახლა ისე უნდა ვითამაშოთ, რომ დავამტკიცოთ - ის მარცხი შემთხვევითობა იყო.

გუნდში ბევრი გამოცდილი მორაგბე გვყავს, რომლებსაც მსოფლიოს თასზე უთამაშიათ. დარწმუნებული ვარ, მათ იციან, როგორ გაუმკლავდნენ ნერვიულობას, დაძაბულ ფონს.

ჩვენ გვინდა კარგი თამაში ვაჩვენოთ, დავამარცხოთ გერმანია და ერთი ნაბიჯით მივუახლოვდეთ მსოფლიოს თასის გათამაშებას" - თქვა რუმინეთის ნაკრების მთავარმა მწვრთნელმა ლინ ჰოულსმა.

რუმინეთი

პირველი ხაზი: ანდრეი ურსაკე (კარკასონი), იონელ ბადიუ, ანდრეი რადოი, მარიან კაპატანა (სამივე-ტიმიშოარა), მიჰაიტა ლაზარი (კასტრი), კონსტანტინ პრისტავიტა (ბაია მარე), ალექსანდრუ ტარუსი (სეილ შარქსი), ფლორინ ბარდასუ (ბაია მარე)

მეორე ხაზი: იოჰანეს ფან ერდენი (ბაია მარე), მარიუს ანტონესკუ (კოლომიე), ვალენტინ ურსაკე (ოიონაქსი), ვალენტინ პოპარლანი (ტიმიშოარა)

მესამე ხაზი: ვლად ნისტორი (ალბი), მიჰაი მაკოვეი (კოლომიე), სტელიან ბურეა (ბუქარესტი), ალინ კოსტე (კარკასონი), ანდრეი გორჩიოაია (მასი)

#9: ფლორინ სურუჯუ (სტიაუა), ტუდორ ბრატუ (დინამო), ვალენტინ კალაფეტეანუ (ბუქარესტი)
#10: ფლორინ ვლაიკუ, ტუდორ ბოლდორი (ორივე-სტიაუა)
#12-13: ჯეკ უმაგა (ტიმიშოარა), პაულა კინიკონილაუ (ბუქარესტი), სიონე ფაკაოსილეა (ბაია მარე)
#11-14: იონუც დუმიტრუ (სტიაუა), ტანგიმანა ფონოვაი, სტივენ შენანი (ორივე-ტიმიშოარა)
#15: კატალინ ფერკუ, მარიუს სიმონესკუ (ორივე-ტიმიშოარა)

I ტური
10 თებერვალი

საქართველო-ბელგია
რუმინეთი-გერმანია
რუსეთი-ესპანეთი

ყოველდღიური სპორტული გაზეთი "ლელო"
2060
მკითხველის კომენტარები / 0 /
მსგავსი ამბები
რუბრიკის სხვა სიახლეები
;