[რაგბი] რუმინეთი მარტყოფში მოემზადება

საქართველოს ნაკრები რაგბი ევროპის ჩემპიონატის პირველ მატჩს 1 თებერვალს, თბილისში ეროვნულ სტადიონზე გამართავს. ჩვენი გუნდის მეტოქე რუმინეთის ნაკრებია. „სტეჟარის“ ინგლისელმა მწვრთნელმა ენდი რობინსონმა საწვრთნელ შეკრებაზე, რომელიც 12 იანვრიდან 22 იანვრამდე ანტალიაში გაიმართება, 32 მორაგბეს უხმო. ყველა მათგანი რუმინეთის ჩემპიონატში მოასპარეზე გუნდებიდანაა. მათ მოგვიანებით ლეგიონერებიც დაემატებიან.

აღსანიშნავია, რომ რუმინეთის ნაკრები თბილისში 23 იანვარს ჩამოვა და მატჩისთვის მზადებას მარტყოფის სარაგბო ბაზაზე განაგრძობს. რობინსონის მიერ გამოძახებულთა შორის რამდენიმე გამოცდილი რუმინელია. ესენია: ანდრეი რადოი, იოჰან ფან ჰერდენი, ფლორინ სურუჯუ, ფლორინ ვლაიკუ და კატალინ ფერკუ.

„მოხარული ვარ, რომ ძალიან ბევრ ახალგაზრდა მორაგბეში დიდი პოტენციალი დავინახე. ისინი მონდომებულნი არიან. თამაში და გამარჯვება სწყურიათ. მომავალი გათამაშება ჩვენი გუნდისთვის სერიოზული გამოცდა იქნება, რადგან ვნახეთ, რომ საქართველომ და რუსეთმა 2019 წლის მსოფლიოს თასზე სერიოზული პროგრესი განიცადეს, დიდი გამოცდილება მიიღეს. მოუთმენლად ველი მათთან შეხვედრას. დარწმუნებული ვარ, რომ თუ ჩვენი მორაგბეები საკვანძო სიტუაციებში სწორად გაირჯებიან, დადებით შედეგს მივიღებთ“, - თქვა ენდი რობინსონმა.

რუმინეთის ნაკრები

პირველი ხაზი: იულან ჰარტიგი, კონსტანტინ პრისტავიტა, ჰორაციო პუნეა, კოზმინ მანოლე, ოვიდიუ კოჯოკარუ, ევგენ კაპატანა, ანდრეი რადოი, ტუდორ ბუტნარიუ.

მეორე ხაზი: იონუც მურეშანი, იოჰან ფან ჰერდენი, დორინ ლაზარი

მესამე ხაზი: კრისტი ჩირიკა, დამიან სტრატილა, ვლად ნეკულაუ, დრაგოშ სერი, ადრიან იონი, კამილ სობოტა

9:  გაბრიელ რუპანუ, ფლორინ სურუჯუ, ტუდორელი ბრატუ

10: ტუდორ ბოლდორი, დენიელ პლაი

12-13: ვლადუც პოპა, ფლორინ ვლაიკუ, კატალინ ფერკუ

11-14: რობერტ ნეაგუ, მარიუს სიმონესკუ, ვლადუც ზაჰარია, იონუც დუმიტრუ, კოზმინ ილიუტა.

15: პაულ პოპოაია, ლონელ მელიტინე

1 თებერვალი

საქართველო-რუმინეთი

რუსეთი-ესპანეთი

პორტუგალია-ბელგია

783
მკითხველის კომენტარები / 0 /
მსგავსი ამბები
რუბრიკის სხვა სიახლეები
;