[რაგბი] რუსები ტირიან: თუ რამე არ შევცვალეთ, ქართველები ისევ მოგვიგებენო...

რუსეთის ნაკრების უელსელმა მთავარმა მწვრთნელმა ლინ ჯონსმა გუნდის უახლოეს გეგმებზე ისაუბრა და აღნიშნა, რომ ერთ-ერთი უმთავრესი მიზანი საქართველოს ნაკრების დამარცხება იქნება. შეგახსენებთ, რომ „ბორჯღალოსნებსა და „დათვებს“ რაგბი ევროპის ჩემპიონატის ბოლო ტურის ეგიდით, თბილისში, ჯერ კიდევ 14 მარტს უნდა ეთამაშათ, თუმცა, შეხვედრა კორონავირუსის პანდემიის გამო გადაიდო. ახლა კი, იმავე ჯონსის თქმით, თამაშის გამართვა შემოდგომაზე, ოქტომბერში ან ნოემბერში იგეგმება.

?ხადია, ჩვენი უმთავრესი მიზანი 2023 წლის მსოფლიო თასზე გასვლაა. 2019 წლის ტურნირის საგზური ნამდვილად მოულოდნელად გვერგო, ახლა კი, ყველაფერი ჩვენი თამაშით უნდა დავიმსახუროთ. გვაქვს უფრო მოკლევადიანი მიზნებიც და ძალიან გვინდა, უახლოეს მატჩში საქართველოს ნაკრებთან მოგება მოვახერხოთ. ბოლო 30 წელია, ჩვენი უმთავრეს მეტოქე და მეზობელი ერთხელაც არ დაგვიმარცხებია. ახლა, ისეთ ეტაპზე ვართ, თუკი რაიმე არ შევცვალეთ, კიდევ ერთხელ წავაგებთ. დიდი გარდაქმები გვჭირდება. საკუთარ თავს უნდა ვკითხოთ: ?ა უნდა გავაკეთოთ, საქართველოს რომ მოვუგოთ?. ამაზე ფიქრი ნამდვილად საჭიროა. თუკი ამას გავიგებთ, შევძლებთ, ძლიერი ნაკრები გავხდეთ. ეს იქნება ნიშანი, რომ სწორ გზას ვადგავართ. უკანასკნელ 30 წელში საქართველოც გაძლიერად და გარკვეული მიდგომები მათაც შეცვალეს. ბევრი ქართველი მორაგბე საფრანგეთში თამაშობს, ამდენად, მათი ტექნიკური მონაცემები მაღალ დონეზეა. სხვათა შორის, ვფიქრობ, რომ 2019 წლის მსოფლიო თასზე ჩვენი შესაძლებლობებიც ვაჩვენეთ. თუკი ერთიანობა იქნება, ბევრი რამის მიღწევა შეგვიძლია, მათ შორის ქართველების დამარცხებაც. როგორც ვიცი, მათთან გადადებული მატჩი მიმდინარე წლის ოქტომბერში ან ნოემბერში ჩატარდება.

2067
მკითხველის კომენტარები / 0 /
მსგავსი ამბები
რუბრიკის სხვა სიახლეები
;