რაგბი. საქართველოს ნაკრებმა შოტლანდიას შემოუტრიალა და დაამარცხა! [VIDEO]

მსოფლიოს 20-წლამდელთა ჩემპიონატზე საქართველოს ნაკრებმა ეფექტური გამარჯვება მოიპოვა, თან ვისთან - შოტლანდიასთან!

ჩვენმა ახალგაზრდებმა თამაშის ბედი ბოლო 10 წუთში გადაწყვიტეს. მანამდე 10:12-ს აგებდნენ, 74-ე წუთზე გატანილი ლელოსა და ზუსტად შესრულებული გარდასახვის შემდეგ კი 17:12 დაწინაურდა და ამ ანგარიშით გაიმარჯვა კიდეც.

რაც შეეხება პირველ ტაიმს, ქულამწირი გამოდგა, განსაკუთრებით ჩვენი გუნდისთვის - შოტლანდიამ 7:0 მოიგო.

მეორე ნახევარში უფრო გახსნილი, სწრაფი და ენერგიული საქართველოს ნაკრები ვიხილეთ. 

46-ე წუთზე თედო აბჟანდაძემ საჯარიმო დარტყმით სხვაობა ოთხამდე შამცირა, რასაც მისივე ლელო მოჰყვა (56-ე წუთზე). თუმცა მანამდე (52-ზე) ირლანდიელმა ეშმენმა ლელოს გატანა მოასწრო და საქართველოს ნაკრებს დაწინაურების საშუალება მოუსპო.

საქართველოს ნაკრები დანებებას არ აპირებდა, პირველ რიგში დაცვაში მობილიზებული თამაშით მეტოქეს არაერთი შეცდომა დააშვებინა და გამარჯვების ლელოც სწორედ შოტლანდიელთა შეცდომას მოჰყვა: გვერდითი ხაზიდან დერეფანში ბურთი ისე მოაწოდეს, ვერც ერთი სკოტი ვერ მისწვდა, სამაგიეროდ ნიორაძეს ჩაუვარდა ხელთ, რომელსაც რამდენიმე ნაბიჯის გადადგმა დასჭირდა ჩათვლის ხაზამდე - ახტა და შოტლანდიელთა ჩათვლაში ბურთი ნიორივით ჩათესა.

ეს უკვე გამარჯვება იყო - 17:12.

ყოველდღიური სპორტული გაზეთი "ლელო"
4745
მკითხველის კომენტარები / 2 /
qartveli
0
გაიხარეთ ბიჭებო ჩვენი გახარებისთვის!
valka
0
გილოცავთ ბიჭებო გენაცვალეტ და ულოცავ ყველას, გამარჯვებას, კიდევ ერთხელ გამოჩნდა რომ ამ ბიჭების პოტენციალი ბევრად მახალი აქვს, სხვა ეტაპზეა გადასაყვანი ეს ბიცები უკვე გამოცჰნდა დღეს, ახალი უნარჩოები ჭირდებათ უკვე და ბევრად მახალი დონის მწრთვნელები ჭირდებათ უკვე მემგონი.
მსგავსი ამბები
რუბრიკის სხვა სიახლეები
;