რაგბი. საქართველოს ჩემპიონატი: სამი მებრძოლი რეგიონიდან

საქართველოს ჩემპიონატის გათამაშება პირველ ლიგაში მე-10 ტურის შეხვედრებით განახლდა. აქ პირველობისთვის, რომელიც უმაღლესი ლიგის საგზურს ავტომატურად იძლევა, ერთბაშად სამი გუნდი იბრძვის. ესენია: პატარძეულის "ვეფხვები", ქუთაისის "არესი" და ბოლნისის "ყოჩები".

სამივე გუნდმა განახლებული სეზონი გამარჯვებით დაიწყო და მეტოქეთაგან დიდი წინააღმდეგობა არ შეხვედრია. ყველაზე დიდი სხვაობით "ყოჩებმა" მოიგო, რომელმაც თბილისის "ხულიგანა" 82:5 დაამარცხა.

ლიდერმა "ვეფხვებმა", რომელიც მდევრებს ქულით უსწრებს, შინ დაამარცხა მეოთხეადგილოსანი თბილისის "დინამო" - 41:7. ქუთაისის "არესს" კი პრობლემა არ შექმნია ასევე თბილისურ "ივერიასთან" გასვლით მატჩში - 40:8.

მომდევნო ტურში "არესი" შინ მიიღებს ბოლნისის "ყოჩებს" და სწორედ ამ მატჩში გაირკვევა, რომელი გუნდი განაგრძობს პირველობისთვის ბრძოლას. ამასთან ერთად, "ყოჩებს" კიდევ ერთხელ მიეცემათ შანსი, როცა მე-13 ტურში შინ "ვეფხვებს" უმასპინძლებენ.

I ლიგა

X ტური
ყოჩები-ხულიგანა 82:5, ვეფხვები-დინამო 41:7, არწივები-იუნკრები 20:24, ივერია-არესი 8:40

თ მ ფ წ ბ ქ(პ)
1. ვეფხვები 10 8 0 2 +287 40(8)
2. არესი 10 8 1 1 +162 39(5)
3. ყოჩები 10 8 1 1 +174 39(5)
4. დინამო 10 3 1 6 -45 18(4)
5. არწივები 10 3 1 6 -88 16(2)
6. იუნკრები 10 3 1 6 -58 16(2)
7. ივერია 10 3 0 7 -145 14(2)
8. ხულიგანა 10 1 1 8 -287 8(2)

XI ტური
ხულიგანა-იუნკრები, ვეფხვები-არწივები, არესი-ყოჩები, დინამო-ივერია.

ყოველდღიური სპორტული გაზეთი "ლელო"
988
მკითხველის კომენტარები / 0 /
მსგავსი ამბები
რუბრიკის სხვა სიახლეები
;